ان كان زيني فتنة ٍ للمصاويب ..~~!!

[صاحبة السموـو]

قصيدهـ رائعـــــــــه :34:
اتمنى ان تروووق لكــــــم :34:





يابـوي جعلـك للبقـا والمكاسـيـب
عمـري بدونك يــالذرا ويش أبـي بـه


يابـوي تسـأل عـن شفـاك المراقيــب
طلعـة سواتـك للـنّوايـف غريـبـــه


ليــه الـمرض مايعرف الزّيـن والعيــب ؟
مايـدري انـك للمخاليــق هيبــه !!


أبســـألك وش به غــزا وجهـك الشيــب
والقلـب لايـع والنواظــر شحيـبــه


وش بك تحـــاتي لانــوى الموت تغريـب
تخشـى علينـا بالليّـالــي الكئيـبــه


خذ دلّتــك واركـى على مسنـد الجيــب
وعطني شماغك بلثمـه وأحتمـي بـــه


ونــروّح لأرض ٍ بها العشــــب والطيــب
وتسمـع كــلام ٍ يالغـــلا تحتفــي بــــه


يابـــوي بنتــك لاانحكـى بالتّجــاريـب
كــل ٍ يشـق لهيبـــه الصّيـت جيبـــه


يابـــوي مانـي مـن سـوات المخاريـب
اللّـي تجيــــب لعليـَـة القـــوم خيـبــه


ومــاني من اللـــّي لامشـت حفّهـا الرّيـــب
أنـــا مـن اللّـي مايدنــــّـس حليـبــــه


مـرفــوع شانـــي عـن غـرام المكاتيـب
وأكبــر من انّنـي أرتضـي بالحبيبــــه


أنـا غرامـي لاابتــــدوا بالتّراحـيــــب
نفــوس الأوادم فـي وجــودي رحيبــه


وان كان زينـي فتنــــة ٍ للمصــاويـب
أحــط وجهـي بالحريــق ولهيـبــــه


زينــي أبيعـه وأشتـــري سمعـه الطّيـب
اســم ٍ ينومـس بالصّـروح الـذ ّهيبــه


وان كــان عنــدي ( بالحــلا) شي ٍ اصعيـــب
عنـــدي جــدود ٍ مارضــت بالغليبـــه


دمــوع القبايــل فـي لقانــا مسـاااااكيـب
كـــن المقابــر لاحضـرنـتـا قريـبــــه

خضّبـت لك كفـــّي من العـــز تخضيـــب
ورفعــــت راااااسـي للنّجــــوم الصّعيبــه


والله لأســدّك بالفعــول المصالـيــب
والله لأشيلـك بالـرخـا والمصيـبـــه


طلـع المعالـي ماانحكــم للشّواريـب
بنــت ٍ وأناطـح فـارس القـوم طيبـه


ويـاشيخي إبشــر لوتـدور الدّواليــب
بنتك إلا منــّه عــوى الذّيب ( ذيبــه)


||| ممآ رآآآق ليـ|||:34:

[غلا الجعده]

سلمت يمناك على النقل

تقبلي مروري

[صاحبة السموـو]

ربنــــــــآ يسلمك يالغآليه :)

[الأدميرال]

وان كان زينـي فتنــــة ٍ للمصــاويـب
أحــط وجهـي بالحريــق ولهيـبــــه

قصيده رائعه بس ماأعتقد انها بتحط وجهه بالنار

[صاحبة السموـو]

تسلم اخوي :)

منور

[اصايل]

ويـاشيخي إبشــر لوتـدور الدّواليــب
بنتك إلا منــّه عــوى الذّيب ( ذيبــه)

الله


صح- ايرادك


لاهنتي

[صاحبة السموـو]

تسلمين يالغآليه :)

[» عبدالعزيز «]

شكرآ ,

أعجبتني ,

[فديت عتيبه]

روعه ..

[إبن ثعلي]

لاهنتي ياصاحبة السمو ومشكوره على حسن الاختيار

[النجم الأصيل]

لا هنتي

ودي

[صاحبة السموـو]

ـآشكـركم ع الح’ـضور ^^

نورتوـآ

[نظره خجوله]

بنتك إلا منــّه عــوى الذّيب ( ذيبــه)


/

بيت له وقع رهيب على القلب ..لاهنتي صحوبه على الاختيار..

[صاحبة السموـو]

نورتِ يالغآليـــــــه :)