المساعد الشخصي الرقمي

مشاهدة النسخة كاملة : من لاقدح من مخة الرأس شاره = لاتنخطب بنتـه ولاتوخـــــــذ ريـاه


رشيدالهديرس
09-17-2009, 03:11 AM
من لاقدح من مخة الرأس شاره = لاتنخطب بنتـه ولاتوخـــــــذ ريـاه
ومن لارفت يمناه زلـة يسـاره = تصبح يمينة قدرها مثل يسـراه
ومن لانفع ماظر في كـل غـاره = ومن لاهـــــدم مالـه بيـوت مبنـاه
ومن لاعرف مقدار نفسه وكاره = سحم السباع إلي تقانب تعشـاه
من لا بنا ساس المسلح عمـاره = يصبح شماتـــه لنفوس المـراواه
يقول من ذاق الحـلا والمـراره = تجـارب الدنيـا كتبهــــــــــا بيمنـاه
أخذت من بعض التجاره عبـاره = يجاهـــــــل الايام بوصيـك بوصـاه
إليا نزلت السـوق دور خيـاره = يابعد فرق الزين والشين بعـــداه
واحفض لسانك زين وقت الزياره = من طاع نفســـــه باع دينه بدنيـاه
وانااعرف ان الحر تكفيه الاشاره = والعلـــم مافـاد القلـــوب الموطـاه
والطيب ماهو من بنوك التجـاره = الطيب طيب بساعة الضيق نلقاه
وليا بغيت القاف ماخذت إعـاره = يلــي ترد اول كلامــــك عـلا اتـلاه
ارفع مقام الشعروبنـي جـداره = ولاهوب متعبني اليا صعـب معناه
يلي تقول الوعل اسـد المغـاره = وتلبس السرحان شعـرمن الشـاه
عباد وجـه ولا بكبــــــدك مـراره = كيف البشر يعبـد بشر كنه إيـاه
من كيد نفسه معمي الله بصـاره = ولايلعن الله غيـــر قوم المضاهـاه

الشاعر المرحوم عاضه المرزوقي البقمي رحمه الله

ناصر بن سعدي
09-17-2009, 03:28 AM
الله يرحم الشاعر عاضه المرزوقي البقمي

ويسكنه فسيح جناته ..


وأبيات ذهب ودرر من الحكم ,,


لله درك ودر نقل الرائع إخوي / رشيد

اصايل
09-17-2009, 03:34 AM
وانااعرف ان الحر تكفيـه الاشـاره==والعلـم مافـاد القـلـوب المـوطـاه

والطيب ماهو مـن بنـوك التجـاره==الطيب طيب بساعة الضيق نلقاه



الله يرحم شاعرها


ابيات جزله


سلمت ياخوي ع النقل


لاهنت

عذب السجايا
09-17-2009, 05:33 PM
رحم الله قائلها
وحفظ الله ناقلها

شيخ الشيوخـ
09-17-2009, 05:43 PM
الله يرحم قايلها


من درر الشعر وتكتب بماء الذهب


فيها من الحكم الشيء الكثير


سلمت يمينك يارشيد قصيده تستحق الاشاده لمافيها من الحبك والسبك