اسمعني طيب!!!!

[محمد بن نايف]

اولا ً

تحيه لمن اسماه بــ (( اسمعني اسمعني . طيب !!))






اقول سميت (( ركني )) (( طيب اسمعني ))=الاسم متسلفه والشعر من(( راسي ))

[محمد بن نايف]

مجرد شطحه ..








ليت لي قدره على بعض الجروح=كان يمدينـي سطيـت وشلتهـا

وليت لي قدره على مابي وابوح=كـان يمدينـي نطقـت وقلتهـا

[محمد بن نايف]

يكفيني اني في عيونك .. غيـر=باحساسك ان قيمة حياتك .. في

خليتني فوق السحاب .. اطيـر=وانا ما غير اقول : خف شوي

لو ان لي قدره .. على التعبيـر=(ما شفتني .. احب حبـك لـي! )

[محمد بن نايف]

أحبّك .. كلمةٍ حاولت أترجمها ولاترجمت :=شعورٍ تزدحم فيه الضلوع ويعقد إلساني .!

[محمد بن نايف]

محبتك يعلم بها عالم الغيب=وانته تغلى والغلى لك والأعجاب

[محمد بن نايف]

العتاب اللـي ملـئ جفـن العيـون=يستبيـح مـن الجـروح احساسهـا

كّن صدري ساق ! وضلوعي غصون=والهـمـوم المجـرّهـده فاسـهـا

وش يكون .. اللي ورا سود الظنون ؟=يـوم قـط مـن العيـون نعاسهـا

كنت احسب اني بريت مـن الطعـون=مادريـت ان السنـيـن امواسـهـا

[محمد بن نايف]

http://www.alhnuf.com/up/pics-gif/upload/uploads/images/a-268c376610.jpg (http://www.alhnuf.com)




الله لايجزى .. هل الفرت بالخير=اللي تعدوني ... وأنا مقدر أروح





مشغول.........................

[محمد بن نايف]

http://www.alhnuf.com/up/pics-gif/upload/uploads/images/a-5e9e1cae88.jpg (http://www.alhnuf.com)



ياراكباً من عندنـا ...فـوق دبـاب=أحمر مجهز ..من وكالـة ...هونـدا

مايركبه فـي لازمـه .. كـل نبـاب=ولاهرب زيوته .. وبنشر .. وصـدا

جابه ..من اليابان ... تاجر وجـلاب=وشاريه .. من مافيه ...قـام يتحـدا

ينصا حكيم الراي .. حلال الانشـاب=اللـي علـى كـل النشامـا ...مبـدا

راعي دلالاً .. تجذب الضيف .. للباب=وهيلاً . .. وريحاناً وعوداً ... ونـدا

[محمد بن نايف]

البارحه ..يابوسعـد ..يـوم مريـت=ديرة ظريف الطول ...طقيـت بـوري

على ونيت ٍ .. بـس ماهـوب ونيـت=أمه من المكسيك .. وأبـوه كـوري

أمشيكن ...فيه الكلتشات ... والزيـت=ويقول ..هذا مـن دواعـي سـروري

وعديت في رأس الغماره .. وغنيـت=مـوال لبنانـي ... ومـوال سـوري

وفريت ...مسبحتي كذا ...لين فريـت=معها ...هواجيسي ...وصادق شعوري

شعوري ..اللي كل ما أقبلت وأقفيـت=ذكرني الغالي ... وطقيـت بـوري!!!

[محمد بن نايف]

http://www.alhnuf.com/up/pics-gif/upload/uploads/images/a-46de782d07.jpg (http://www.alhnuf.com)


أول ...




مايطري ...




عليّ





لاذكرت الغياب ..







دمعة عيوناً






ماتهل دموعها ...

[محمد بن نايف]

الجادل اللي .... كيف حالك يامنصور!!=غيرت في معنى القصيـده ... لكاعـه

لوكنت لا واصل .. والا نيـب مشهـور=وأني من الشعـار !!! هـذي أشاعـه

أن احمد الله .. عال .. والحال مستـور=وعندي طموح .... وكبريـاء وقناعـه

في رأس تنـور ..علـى رأس تنـور=وسط المرض ... لكن عنـدي مناعـه

العالـم اللـي كـل يومـاً لـهـا دور=في منهـج الفعـل الـردي والدناعـه

الكـذب والنمـات والغـش والــزور=صناعـة أيديهـم وفيهـا.. بـراعـه

أمشي مع العالم من أيـام .. وشهـور=وانـا اتصبـر والصبـر فيـه راعـه

القلـب كنـه فـي جناحيـن عصفـور=يـرف ... ويفـزز وفيـه .. أندفاعـه

والعقل .. في بعض الأحايين .. مجبور=يقول للوسـواس ... سمعـاً وطاعـه

والجادل اللي .. تنزف أشعار وشعـور=فيها هـوى بالـي .. وفيهـا طماعـه

بغيت اعلم ... بس تدري ... يامنصور!!=أسلم وتسلـم .. وأعتبرهـا .. لكاعـه

[محمد بن نايف]

...!!!...





يابو سعد .. سوى بـي معـروف=عطنـي مـن الكـيـف ..بـريـه

شقراً لها .. فالضميـر ..أشفـوف=مـن سـوق خــولان مشـريـه

مكيالهـا .. ثابتـاً .. مـوصـوف=لاهـيـب حـرقـه والا نـيــه

عجل بهـا .. يـاذرى الملهـوف=عـشـان أسلـمـك ... برقـيـه

برقيـة الوضـع .. فالمـظـروف=كلـمـه ...مهـمـه.. وسـريـه

ارقـام فـي وسطهـا وحــروف=مـوجـز.. لـحـال الشقـاويـه

حـب الوطـن ..ثابتـاً معـروف=مـن وقـت .. عصـر الهلاليـه

رايه .. ونخله .. وجـوز سيـوف=رمــز ...الـديـار السعـوديـه

وأنا مواطن .. وعنـدي ظـروف=وعنـدي .. ولاء ... وشفافـيـه

لانـي معـارض .. والا ملقـوف=مـن دون ..هـذي ... وهـذيـه

ناكل .. ونشرب مـن المصـروف=ونأخـذ مـع العيـد... عيـديـه

وسط البلد ... جالسين .. ضيوف=وأهـل البلـد ... زلـم شامـيـه

بين أغنياء وأغبياء ...وضعـوف=الـوضـع ..فـيـه أزدواجـيـه

النـاس تلعـب علـى المكشـوف=وحنـا نحاسـب ..علـى النـيـه

اليـا بغوهـا ..تطـوف تـطـوف=والا .. كلوهـا وهــي ..نـيـه

وأعلامنـا .. قرقـعـه ودفــوف=رقـصـه... وفـقـره غنائـيـه

سـوو .. لنـا ملعبـه وصفـوف=والسـيـف حـطـوه ...مـاريـه

وسياسـة الـخـس والملـفـوف=احـسـن سيـاسـه ..خليجـيـه

تعـال منـا .. ياعبـدو ديــوف=واغـرف ذهــب .. يافرنجـيـه

واليا رضى ..شعب .. بص وشوف=زعـلـو .. عليـنـا اليمانـيـه

يـام الخلاخـيـل .. والنفـنـوف=ذات ...الـدلـع والرومنـسـيـه

الـقـد والـخـد والسـرجـوف=تحـوي ... تفاصيـل سحـريـه

والاصفـر الكركمـي .. والمـوف=سـوى ... لعيـنـي حساسـيـه

غنـي علـى وضعنـا المأسـوف=ياليـل ... ياعيـن ... مولـيـه

الوضـع فالظـرف والمـظـروف=شالـوه .. منـا ... الحرامـيـه




والا حول والا قوة الابالله ....

[محمد بن نايف]

قم يانديبـي فـوق صالـون نيسـان=مـن وارد اليابـان يشفـي صنيعـه

النور طافـي والدركسـون خربـان=والشـك زايـل والغمـاره وسيعـه

من دون مساحـات وقفـول بيبـان=على هـذا.. دايـم يجـي فالطليعـه

ودريوله من يـوم جبنـاه وجعـان=بتيـع والحمـى .. فراسـه بتيعـه

ينصا الشجاع اللي مواريث شجعـان=راع العلـوم االطيبـات الرفيـعـه

وقله تراني يابيض الوجـه سهـران=من حاجة بيـن الحنايـا ..فضيعـه

الناس في ماشوف راضي وزعـلان=وراع الشريعـه حاكم بالشريعـه

والباب طايح والشبابيـك .. سيّـان=ماتستر اعـراض البيـوت المنيعـه


وايامنا هذي .. خذ السلـم عنـوان=لو ياخذونك .. وسط الاسواق بيعـه

واحذر تلد العين لـ.. فلان وفـلان=الوقت .. صافي وانت لازم تطيعـه

والرجل فالدنيا مغـر قلـب ولسـان=ومهمـا تطبـع ماتـزول الطبيعـه

وانا بقول اللـي نشوفـه بالاعيـان=والله وديـع اللـي يحفـظ الوديعـه

وختامها .. كادي وعنبـر وريحـان=ولاحــول والا قـــوة الا بالله!!!

[محمد بن نايف]

ايه انا المخطي وانا اللي فيني .. ما يكفيني=والا هي عن واقع الموضوع .. وش دراها !

بلغوها .. من يطمـن قلبـي ويرضينـي=لا تباعدنا .. وطال الصمت .. بين شفاهـا

اتحرّى .. طيفها اللي كل ليـل .. يجينـي=واستلذّ بكل كلمه .. مـا اعـرف معناهـا

تمتمت صوت الغرام .. ونبرته .. تحيينـي=عقب موتي .. يوم حدّوني علـى فرقاهـا

وآدعتني .. واتركت لي .. حاجةٍ تلهينـي=عطرها .. وانفاسها .. وشوي من حناهـا

ليت لي حيله .. واخبّي دمعتي في عينـي=وليت عيني تقتصد .. فاللي بقى من ماها!!!

[محمد بن نايف]

روحي فمان الله .. وان هزك الشوق=رشّي دموعك فوق ذكراي .. واسقيه!







وسقيـه

[محمد بن نايف]

خارج السرب

\

\




تفاهمنا على مبـدا الصداقـه والكـلام الـذرب=وضيّعنـا الكـلام الـذرب .. وانهينـا صداقتنـا

لازلت انفض جناحي فالسما .. لو كنت برا السرب=لكـن اقبـل نهايتنـا .. ولا تنسـى عراقتـنـا!