ولد غابي
08-14-2005, 07:55 AM
أبيات في القهوه،، لأنني ((مدمن قهوه))
ياسعود شب النار سمرٍ حطبها=وأدع النشاما وأفرش الزل ياسعود
وأجلب معاميلٍ تشادي ذهبها=من وارد الرسلان من ورثة جدود
ماشريت من السوق محدن جلبها=ذخرن لنا موروث من تركت فهود
وأحضرلي المحماس ياسعود جبها=وعطني معك بريّةٍ وقم معدود
وقرّب عليّ النجر عطني زهبها=نجرٍ بحسه ون رعد يطرب العود
وهات العويدي يوم قلبي طلبها=نقّوه من الهند البعيده ومشدود
والزعفران مع الزباد أحتسبها=ليّاك تنساها ويلحقك منقود
وأحمس لنا طبخة هوا من شربها=وأحذر نياها وأحذر الحرق والزود
واليا أستوت والنار عالٍ لهبها=صبه بقيسٍ جوف نجر له رعود
ثم دقها برفوق لا تسرع ابها=تراك بعد تسوقها حيل منشود
واليا جَهَزت وماك صفّو امعذبها=دلتك لقمها على القيس بركود
ثم أركها فوق الجمر وأجتذبها=لافاح ماها وأقتلب حبها زود
وأصبر عليها شوي ثم أمسك ابها=بالبيز مشغول المزايين ياسعود
ثم صبها عطني بكاير صببها=في وسط فنجالٍ من الصين ماكود
ثم ثنها ياسعود لا تبخل ابها=خابرك انا في صبة الكيف معدود
وفنجال ثالث يقعد الراس جبها=واليا شربته طابت النفس بحدود
سفر بن مشعان الغبيوي
ياسعود شب النار سمرٍ حطبها=وأدع النشاما وأفرش الزل ياسعود
وأجلب معاميلٍ تشادي ذهبها=من وارد الرسلان من ورثة جدود
ماشريت من السوق محدن جلبها=ذخرن لنا موروث من تركت فهود
وأحضرلي المحماس ياسعود جبها=وعطني معك بريّةٍ وقم معدود
وقرّب عليّ النجر عطني زهبها=نجرٍ بحسه ون رعد يطرب العود
وهات العويدي يوم قلبي طلبها=نقّوه من الهند البعيده ومشدود
والزعفران مع الزباد أحتسبها=ليّاك تنساها ويلحقك منقود
وأحمس لنا طبخة هوا من شربها=وأحذر نياها وأحذر الحرق والزود
واليا أستوت والنار عالٍ لهبها=صبه بقيسٍ جوف نجر له رعود
ثم دقها برفوق لا تسرع ابها=تراك بعد تسوقها حيل منشود
واليا جَهَزت وماك صفّو امعذبها=دلتك لقمها على القيس بركود
ثم أركها فوق الجمر وأجتذبها=لافاح ماها وأقتلب حبها زود
وأصبر عليها شوي ثم أمسك ابها=بالبيز مشغول المزايين ياسعود
ثم صبها عطني بكاير صببها=في وسط فنجالٍ من الصين ماكود
ثم ثنها ياسعود لا تبخل ابها=خابرك انا في صبة الكيف معدود
وفنجال ثالث يقعد الراس جبها=واليا شربته طابت النفس بحدود
سفر بن مشعان الغبيوي