أبو رديعه
08-13-2005, 08:41 PM
هذي قصيدتن مبطيه واتمنى ان تحوز على رضاكم
ياهاجسي لانخيتك عادتك تسبح معاي البحور=وتعاون القلب ياهاجوس وتعديه لبحورها
ملجاي عقب الاله وغايتي لافاض هيض الشعور=اوّرد الك الضوامي لين تروى منك بصدورها
الوقت يحداني بجوره على جوره ماني بالصبور=لو يصبر القلب شهر من السنه مايصبر شهورها
ياحب لابد ماتطحن ليا قامت رحاها تدور=والعور لاشافت العميان ماتبكي على عورها
راحت ثواني دقايق كمّ ساعه كمّ ليل وشهور=خمس اسنوات احسب القمرا تخاويني تحت نورها
واقول ياصبح لاتطلع مدام الليل فرح وسرور=ماكنت احسب الليالي ضيمها مبداه فـ سرورها
لكنها حكمة(ن) كونية(ن)والفلك بأمره تدور=والارض ايضا تدور وخافقي يمشي على دورها
ماهي ب الي والزمن يعطي بيوم النحر واميه دبور=عله بجوف المريض ولاوصل للحل دكتورها
لكن منهو برك للشيل لايشكي حمول الظهور=الله يعين الجمال اللي تشيل الحمل بظهورها
ماهي طماعه ليا قلت ان انا مغزاي بدر البدور=لكنّ دونه مجاهيم الزمن واللي على كورها
ياهاجسي لاتلف ولاتدور وصاحبك مايدور=اضرب على الكايده واضرب معك ونحكّم لشورها
اما اكسب النايفه واقول عانك في ثمين القصور=والا انحسبنا مع اللي طايحن في داخل قبورها
وسلامتكم
ياهاجسي لانخيتك عادتك تسبح معاي البحور=وتعاون القلب ياهاجوس وتعديه لبحورها
ملجاي عقب الاله وغايتي لافاض هيض الشعور=اوّرد الك الضوامي لين تروى منك بصدورها
الوقت يحداني بجوره على جوره ماني بالصبور=لو يصبر القلب شهر من السنه مايصبر شهورها
ياحب لابد ماتطحن ليا قامت رحاها تدور=والعور لاشافت العميان ماتبكي على عورها
راحت ثواني دقايق كمّ ساعه كمّ ليل وشهور=خمس اسنوات احسب القمرا تخاويني تحت نورها
واقول ياصبح لاتطلع مدام الليل فرح وسرور=ماكنت احسب الليالي ضيمها مبداه فـ سرورها
لكنها حكمة(ن) كونية(ن)والفلك بأمره تدور=والارض ايضا تدور وخافقي يمشي على دورها
ماهي ب الي والزمن يعطي بيوم النحر واميه دبور=عله بجوف المريض ولاوصل للحل دكتورها
لكن منهو برك للشيل لايشكي حمول الظهور=الله يعين الجمال اللي تشيل الحمل بظهورها
ماهي طماعه ليا قلت ان انا مغزاي بدر البدور=لكنّ دونه مجاهيم الزمن واللي على كورها
ياهاجسي لاتلف ولاتدور وصاحبك مايدور=اضرب على الكايده واضرب معك ونحكّم لشورها
اما اكسب النايفه واقول عانك في ثمين القصور=والا انحسبنا مع اللي طايحن في داخل قبورها
وسلامتكم