البل له

[صقار الجزيره]

برق لمع بديار عيار وعديد= من عقب عامٍ ماتهامل مطرها

عساه غيداقٍ يزيح الجلاميد= وتدرج فروعٍ بالجزير ه شطرها

ليما يبين العشب ربله ومديد= وتلبس لوانٍ من روايع زهـرها

كله عشان البل تطلع مع البيل= مثل الجبال شعفها من ضهرها

البل عطا الرحمن جزل التحاميد= سبحان من صور روايع صورها

فج النحور وملهمات القواصيد= لا روحت بالدو يلمع وبرها

أرقابها مثل السيوف المجاريد =وساع العيون ليا تتابع بصرها

شم المناخرمثل زومات صنديد= قاد الكتايب والغنايم سبرها

خرع الاذان مركب الراس عالجيد= كنه شراعٍ فاج غبة بحرها

وسبالها تشدى مذاري الحواصيد= ليا قوطرت بالسوح عجلٍ سفرها

ليا روحت سفنٍ تمايل على البيد= تسلب فواد اللي زمانٍ خبرها

وليا دبحت غيمٍ تكزه شواديد= هبايبٍ ترمي القوي من شجرها

وليا عرضت كنه طلايع من الصيد= يرقب قنوصٍ لاحقين بثرها
.
قرت عيون اللي زمانه لواهيد= عون اللذي يشكي الجفا من دهرها

البل تشد العزم من غيرتحديد= من صبرها تعطي القرا من عصرها

غذا لبنها فيه صحة وتجديد= للروح قوة عن طعام قهرها

البل لها في معجم العرب تمجيد= ياما من الشعار قبلي ذكرها

حن الخلوج اللي ضلوعه رواديد= ترقب حوارٍ تاه يركض بثرها

البل رعايا من يبي الطيب ويشيد= علمن يعيش عهود يجري نهرها

عساه تبقى دايم الدوم بمزيد= ونسة عيونٍ ماتفاخت نضرها

[ولــ منجوم ـــد]

صقار الجزيرة

صح الله السانك

وحياك الله وتسلم على هاشامخة يالقرم

ابيض وجه وبانتظار القادم لاعدمتك

اخوك

[ضيف الله السميري]

صقار صح لسانك



قصيده رائعه



لاهنت يالغالي



تحياتي لك

[عبودالعتيبي]

يسلموووووووووووووو على القصيده ويعطيك الف عافيه يارب