من شان خاطر عين ..!!

[مشاري الغنامي]

هادووك

ودوبك علي ..


الليلة الطوفان عنده مشكلة=والمشكلة ماهيب صعبٍ حلها
جاته من الشعار بعض الأسئله=ودموع عينه فوق جيبه هلها

[الطوفان]

ههههههههههههههه


طيب طيب


رد السلام ان كنت مسلم ياوله=خل المشاكل يامشاري خلها
احلها لو جات عشره مرسله=وانته تبل الارض قبل ابلها

[الطوفان]

الليله وين الصفوف والشعار


يالربع على الاقل ادعمو الصفوف


لاتموت ناركم

[مشاري الغنامي]

الله الله

دوبك علي أزيلك ..


مال السلام بلعبي ولعبك صله=ولاقلت كلمة غير جات بحلها
الليله الطوفان ماهوب لهله=ماهوب حاسب للأوادم كلها

[بدر الشاطري]

الله الله

مشاري الغنامي صح لسانك وبيض الله وجهك

الطوفان صح لسانك وبيض الله وجهك

الليله مشاكل في مشاكل ههههههه

تصبحون على خير ,, قافينا دوام ولا هالطاروق مشعلل من البدايه ولا ينترك

تقبلوا تح ـايا

بدر الشاطري

[الطوفان]

اررررررركد يامشاري:D



سنة رسول الله ماهي مهمله=اهب يامشاري وراك تزلها
تلقى رياجيل بشناب مفتله=فيها السطاوه والسيوف تسلها

[الطوفان]

ارررحب يابو نايف ارررررررحب


صح بدنك


والليله من يد نشيط في يد نشيط ههههههههه


نورت بمرورك الغالي


تحياتي

[مشاري الغنامي]

<< يبا يحرش حمود برجس يفتكه .. أن ضغطت علاه :) ..

دووك دووك


سلمت قبل شوي لصحابه واله=ماباقي ألا بالبريد ارسلها
أخوك لا غنى مع الخصم هبله=وأنته سياسي والعرب تمهلها

[الطوفان]

كل شي ولا ابن برجس سلملي علاه
واستلم



الخير كله في عذوق السنبله=والشجره اللي تستظل بظلها
انت انتحاري محتزم بالقنبله=وان اعرف الغات العرب وارطن لها

[مشاري الغنامي]

دووك دووك



كلن يجازا ياعميلي بعمله=والناس كثرو مير وش تعملها
تراه مايبغا من المال هلله=قل للإداره يا صحيبي قلها

[الطوفان]

بعض الخلايق بالمشاكل مثقله=سهلها درب العضى سهلها
تقعد جمال عقيل برك معقله=واللي تعيي بالخطام انتلها

[الطوفان]

صح الساااااااااانك يامشااااااري واعتلاااااا شانك


تسلم ياذيبان


ولو الدوام ماهو ورانا كان صابحت معك


ان حبيت نختمها ختمناها وان حبيت نكملها الليله القادمه دربك خضر


تصبح على خير



وتقبل تحياتي

[مشاري الغنامي]

الله الله

مشاري الغنامي صح لسانك وبيض الله وجهك

الطوفان صح لسانك وبيض الله وجهك

الليله مشاكل في مشاكل ههههههه

تصبحون على خير ,, قافينا دوام ولا هالطاروق مشعلل من البدايه ولا ينترك

تقبلوا تح ـايا

بدر الشاطري


صح بدنك يابدر

وأنت من أهل الخير ..

[مشاري الغنامي]

ألا تصبح على خير


وأنت لو ما أخذ معك غار قافين أطلع بنتيجه وفايده :) ..



صح لسانك ولاهنت يابو عبدالرحمن والجايات أكثر ..