قصيده من اروع ابداعات الشاعر /سعود العبدلي

[الدويــــش]

السلام عليكم هاذه قصيده من قصايد

الشاعر الكبير / سعود العبدلي

ومثل منتم عارفين ابو عبيد غني عن التعريف

لهو باع طويل في الشعر وسا حة المحاوره وهو من عمالقت السا حه

واتركم مع حكم الشاعر وأبداعاته




أن كان همَك يافهد مسنين فيـك

كم واحـدٍ مسنيبـه الهـم غيـرك

على الاوادم لا تبيـن مشاكيـك

أكتم صوابك يافهد فـي ضميـرك

تراك لا بينـت للنـاس خافيـك

أستامنو شـرَك وطمعـو بخيـرك

أخذ الكلام ولا تكثـر طواريـك

من لا عطاك الشور ما يستشيـرك

هذا كشف غيبك وهذا يضاهيـك

وهذاك واقف عثرتن في مسيـرك

صاحبك لا قلَت عليك المساليـك

وضاقت مواريدك وقرر مصيـرك

ومن القصا قمت اتلفت حواليـك

تبى مـن الدنيـا مجيـرٍ يجيـرك

يصيح بأعلا الصوت لبيك لبيـك

انا على ضيـم الليالـي نصيـرك

يهوي على هذي ويهوي على ذيك

وينقل على متنه حمولـة بعيـرك

وانته مبصر ما يخيب الرجا فيك

بين الطيور اتعرف ياحر طيـرك

خاشر طويلين الايـادي بياديـك

ترى الرجال اتقيمك من خشيـرك

أكبر شرف لا شالو أسمك بنيخيك

واكبر ردا نظرة بعـذرا قصيـرك

وأن كان عندك زاد لو ما يكفيـك

خلك علـى زادك ولا زاد غيـرك




هذة القصيدة منقــــــولة من منتدى مطير للشاعر /سعــــود العبـــــدلي


تحياتي للجميع

[/size][/font]

[إبن ثعلي]

لاهنت يالدويش على نقل هذه القصيدة الرائعه وحبيت اسألك عن شاعرها هل هو على قيد الحياة لأني اعرف شاعر بهذا الاسم توفي رحمة الله عليه
وتحياتي لك

[الدويــــش]

لا هو على قيد الحياه وهو ايضا شا عر محاوره