تغطية لمحاورة ثاني العيد بالبجادية شبه كامله - فديو وكتابه

[طارق النفيعي]

المناسبة : حفل زواج الشاب / سند بن فلاح النخيش 2 / 10 / 1429 هـ

المكان : قصر صحاري بالبجادية

الأمسية أحياها مجموعة من الشعراء

منهم الشاعر / منصور بن جدعان الزيادي

وشعراء المحاورة هم :

الشاعر / مستور العصيمي
الشاعر / عواض الربيعي
الشاعر / عمر الخالدي
الشاعر / فيحان القعياني المطيري
الشاعر / محمد غازي النفيعي

بداء الشاعر / محمد غازي النفيعي بطاروق ترحيبي قال فيه :


مرحبا في محل امكملين الوجوب=الرجال الوفيه في مواجيبها
ياعمر خابرن لك فالسفينه ركوب=شاعر هذيل مدري وين يسريبها

عمر الهذلي :


البقا يا عتيبه طيبين القلوب=كلمة الحق فالميدان اغني بها
ردها للشمال وردها للجنوب=بندقه غير ما تخطي مضاريبها

محمد غازي النفيعي :


أنت عن ربعك الهذلان طبعا ً تنوب=قدم الطيبه ونقول يا طيبها
للجنوب أنت ما سافرت وأنت محسوب= وأنت رجل ٍ كبير السن تحريبها

عمر الهذلي :


اجذبي ياسواني وامتلي ياغروب=لين روس البدو تصفي مشاريبها
العصافير كومه جات من كل صوب=والعمى في عيون اللي يصليبها

محمد غازي النفيعي :


دوب صرف المعاني دوب ماجاك دوب= مير هات العلوم الثانية جيبها
الك خمسين عام ٍٍٍ وأنت مع كل نوب =وأنت ماشفت لك حاجه وتضوي بها

عمر الهذلي :


لو بغينا نفصل لك على الثوب ثوب= كل ما شفت وردية تحلي بها

وثم أستمرت المحاوره إلى أن طلب الشاعر محمد غازي النخيش الشاعر مستور العصيمي

محمد غازي النفيعي :


قبل يسري الساري نبا علم مستور=مدامه قضى بالشعر ستين عامي
ابا اخذ معه واعطي واقول اله مشكور=مدام المكاسب معه ذورة سنامي

مستور العصيمي :


قبل يسري الساري تراني على الكور=وانا ماعشقت الا رشيد الزلامي
اخذنا لنا سجه واخذنا لنا دور=ولاننقل الا مبعدات المرامي

محمد غازي النفيعي :


انا يالعصيمي جايكم ماسك الدور=وادرج على هوني ومشيً نظامي
تشوف الذهيب اللي غدا كنه الثور=ثلاثة سنين يطير مثل الحمامي

مستور العصيمي :


ابقرب من الجنه وابخطب من الحور=وادور على قصدي وغايه مرامي
لو ان الدوا مظمون مامات دكتور=وفالوقت لاجايع ولانيب ظامي

محمد غازي النفيعي :


تشوف المزون تخيل والبيد ممطور=وانا والله اني ماقربت الملامي
ترى الحظ كايد كود والديس مصرور=بعدها نشوف الجو كله عسامي

مستور العصيمي :


عسى الله يزيدك خير والخير مشبور=تحفظ الرعيه لايجيها حرامي
انا ياطويل العمر ماقلط على السور=على ام النحر ولا على ام السنامي

وثم أتت الرباعيه ( موالات ) بين محمد غازي النخيش مع فيحيان القعياني المطيري
وعواض الربيعي مع عمر الهذلي الخالدي

محمد غازي النفيعي :

قوم يالذيب عواض وتعال
ربط هذيل بطوال الحبال
وأزهل مطير عندي لامجال
والليالي كفى الله شرها


عقب بن شلاح لمطير مدري وش نقول=من يشب النار والنار من شبابها

فيحيان القعياني :

يا محمد ترى الدنيا بخير
لا تكلم على أصحابك مطير
خل مشيك على النور القصير
والليالي كفى الله شرها


بعد بن شلاح حامي شدادي والذلول=وأنت خش المدرسة وأمش مع طلابها

محمد غازي النفيعي :

يالقعياني هات اللي تريد
مع عتيبه تقدم وأستفيد
ما يضد الحديد إلا الحديد
والليالي كفى الله شرها

الفصول الأربعه تختلف كل الفصول=ماتميز صادق القول من كذابها

فيحان القعياني :

أنت مدري علامك يا صبي
أحسبنك ذكي و أنته غبي
ما به عراش في رآس الضبي
والليالي كفى الله شرها


انصح الطلاب وأنهج مناهيج الرسول=وأهل مكه يا عتيبي تعرف اشعابها

محمد غازي النفيعي :

والله أني غلبت بالعقل
وأعرف القاف ماهو بالطبل
مير تآكل بصل تشبع بصل
والليالي كفى الله شرها


قابل الريجيل وأنطح وتذكر بالفعول=ومن تبلى الناس بالبلوه ابيبلى بها

فيحان القعياني :

أنت دخلت رآسك فشركه
مابقى إلا خشيمك نفركه
الله أنه يعز المملكه
والليالي كفى الله شرها


ردها للعقل ثم أنشد أصحاب العقول=الحجاز ونجد منهو يشيل أهضابها

محمد غازي النفيعي :

أفرك الخشم كانك تقدرا
وأعرف المزن فوقك ممطرا
والله أني كما طلعت كرا
والليالي كفى الله شرها


لاتشب النار وتروح مع عرضٍ وطول=يوم جت لك بندقي وافين مضرابها

صورة للشاعر مستور العصيمي وبجاوره الشاعر محمد غازي النفيعي ويظهر عمر الهذلي

http://upload.traidnt.net/upfiles/PRp43577.gif


مقاطع المحاورة صوت وفديو :

فديو لمحاورة الشاعر : محمد غازي النخيش النفيعي والشاعر : عمر الهذلي الخالدي

http://www.mediafire.com/download.php?2k4yty2jzyy

فديو لمحاورة محمد غازي النفيعي و مستور العصيمي

http://www.mediafire.com/download.php?lgjqjzymzgm

أعذروني الحجم كبير شوي لاكن الديسل ما يقصر

الرابط هذا فيه ملف مضغوط فيه محاورتين بالصوت حولتها أنا شخصيا ً

وهي محاورة محمد غازي و مستور العصيمي و محمد غازي وفيحان القعياني والحجم صغير بالحيل

حمل من هنا

http://www.mediafire.com/download.php?zgkgnmmninu

وهذا طاروق بين عواض ومستور على لحن طاروق سفر وحبيب في المغترة

طبعا صورة مقطع لأنه أعجبني ويوم صغرت حجمه قل جودة الوضوح

من هنا

http://www.mediafire.com/download.php?yjh5mzgjybd

وهذي ملعبه رباعيه بين عواض الربيعي ومحمد النفيعي على فيحان القعياني وعمر الهذلي

http://www.mediafire.com/download.php?znjntnjriqd

وهذا موال لمحمد غازي النفيعي مع عمر الهذلي

http://www.mediafire.com/download.php?1enyztzjmw2


موال لعواض الربيعي

http://www.mediafire.com/download.php?wyygyg4ywww

هااااااااااام جدا ً :

الموضوع بالكامل من تنسيق وتظبيط طارق النفيعي

كذلك المحاورة من تصويري الشخصي مع الأستعانة بكم فديو من أحد الأخوان

وأضافة إلى ذلك تم تصغير بعض أحجام الفديو والباقي عذرا ً لم نستطع تصغير حجمه

وتم رفع الملفات جميعها من قبلي وقص الأصوات من الفديو وقد أستغرق الموضوع عدة أيام

ولتاخره وكثرة الطلبات قررت أنزله ولم أنه لم يكتمل بالحيل

وهذا السبب اللي أشغل عن المنتديات خلال الأيام اللي طافت ..

فاللي أقصده من الكلام اللي فوق ..

ردود الشكر والثناء ما أبيها ..

أبي رأيكم في الموضوع وأنتقاداتكم قبل مدحكم ..

يعني اللي يبي يرد بمشكور يعطيك العافيه يستحسن ما يردش <<< معصب

وكذلك ما أبي أحد يرد لين يقراء المحاوره ويحمل المقاطع ويتأكد من الروابط

كذلك واللي هو الأهم في الموضوع أبي أرائكم حول الشاعر / محمد غازي النفيعي ولا يهنون الشعراء

والله ولي التوفيق ..

أخوكم / طارق النفيعي ً

[العتيبي280÷1]

بيض الله وجه كل الشعار محاوره علي مستو عالي



ولا هنت اخوي طارق

[فهيد مقعد الرويس]

هههههههههههه

وش ونقول اجل ياطارق

لاهنت على النقل الاكثر من رائع يابطل

والشاعر محمد قادم بقوه

تقبل اطيب تحيه

[ç£àSsْIç]

ابقرب من الجنه وابخطب من الحور××وادور على قصدي وغايه مرامـي
لو ان الدوا مظمون مامات دكتـور ×× وفالوقت لاجايـع ولانيـب ظامـي



الله الله .: وجعل عمرك طويل :) ..



هلا طارق شهادتي في جهودك مجروحه .:

وان تسانك تبي رايي في محمد والله شعر جزل بمعنى الكلمه ورغم صغر سنه الا ان اسلوبه اسلوب الكبار والمشوار قدامه طويل واللي مثله يطلع بذراعه لاتخاف .:



ومعليش الاتصال مايجمل ولا كان حملنا المقاطع .:


لكن المحاورات واافيه خصوصا محاورة مستور ويا محمد :.
كلها معاني وحكم وبيوت ممتليه :.



لآهنت ياذيبان ,,

[ناصر بن سعدي]

إخــوي الغالي ,,


طارق النفيعي ..


ماقصــرت وتغطيتك .. حلــوه ونشكرك على تعبك ..وجهودك ..

والمحاورات المكتوبــه حلــوه .. ومقاطع الفديو مافتحت معي ..

لو لقيت مراكز تحميل مباشــر كان ريحتنا شوي ..


وتقبل خالص تحياتي ..ونبارك لـ العريس ..

[طارق النفيعي]

الله يعافيكم ويسلمكم

مشكوووووووووورين على تواصلكم ولاهنتم

ولا سوينا غير الواجب وأقل

وردودكم تزيد الواحد أبداع وتعطيه دافع معنوي

بالنسبة للروابط

ماعليك أخوي ألا أن تضغط على الرابط وبتطلع لك صفحة

أنتظر تقريبا ً 10 ثواني بعدها تجيك هالكلمه

Click here to start download..

في وسط مستطيل أصفر وجنبها أيقونه موضحه للتحميل

أضغط عليها ويحمل مظبوووووووووط

أخوكم / طارق النفيعي

[عاشق الجنوب]

اخوي لاهنت على انقل بس صراحه ظلمت الشاعر الكبير فيحان القعياني

وين طواريقه مع مستور لم تذكرها لماذا

يوم يقول فيحان القعياني


سلام الله سلام اثنيه وازيد =على اللي حاضرين من الرجالي

شربنا الماء وكلنا لقمة العيد = وعيدنا بعد هل الهلالي

[ابو خليل]

صح السانك وقوله تسلم