بـراك المري مـطلوب

[فـايـزالـعـبري]

سلام ردية وفا صغتها من قلب وحساس=وابديتها من خاطرٍ مايجي فيه التباسي
ثم بعدها نبغى نبارك لبن مره على الكاس=مبرورك يابراك مبروك من راسك لراسي

[الإعصار]

صح لسانك وصح لسان المري
متابعين

[عادل العصيمي]

الحر النداوي

صح لسانك

بدعه ولا اجمل وبأنتظار الشاعر براك المري

تحياتي

[الطوفان]

صح السانك يالحر النداوي

وصح السان المري


تحياتي

[براك المري]

مــرحبــا يا الحــر النــداوي .. واسمحلــي على الـتـأخيــر


علمــا" بأن الرد جاهــز مــن زمــان لكــن النــت يقــطع علــي


واشكــر المتابعيــن .. اللــه لايهينهم .. استلـــم



يا مرحبا ترحيبـة الطيـب والمبنى على سـاس = مـن هاجسـا" ما يبـدع الهـزل ابـد مـن قو باسـي
اللــه يبــارك فيـك والفــوز جـا مـن دون وسواس = عـوايـد المـري كـذا يا ولـد شــيا" اسـاســي

[عادل العصيمي]

ياسلام

صح لسانك يابراك

تحياتي

[فـايـزالـعـبري]

مــعـذور يــابـراك وأســتـلم :



نعمين بالاجواد والطيب بين الناس لناس=والفضل لله ياصحيبي ثم القصر الرياسي
وان عودة للحق فالحق له معيار وقياس=راجع كلام اللجنه وتعرف الرقم القياسي

[فـايـزالـعـبري]

الأعـصاار

بـن عـجلاان

الـطوفـان

منورين المتصفح ومـتابعتكم شــرف

دمتم بـوافـر الـصـحة ..

[براك المري]

وقفــت بنــي عمـي نهــار الملاقــا تــرفــع الـراس = واللــه يعــز الشيخ ابو مشعـل الشيخ السياسي
اللجنــه اللــي وسطهــا واحـدا" منكـم وعســـاس = والمــري اللــه انصـفه والبســـه خيـــر اللبـــاســي

[براك المري]

ابـــن عجـــلااان .. وجــودك شـــرف طااال عمـــرك



لاهنـــت .. ومتابعتـــك تسعـــدنـــي

[فـايـزالـعـبري]

أيــه أيـــه خـــلوووووهـاااااا :




الوضع مايحتاج ياصاحبي لباسة الطاس=مع بادي المشوار وش فيك طولت الحساسي
اللجنه الي شفتها كلها للشعر نبراس=ولا الزلامي ضلع ياصاحبي ثابت وراسي

[براك المري]

ان كـان سلمك يا العتيبــي كـذا لا باس لا باس = ســلم آل مـره مـن زمـانا" كـذا محـدا" بناســي
نعمـا" بهـم وابـن الدعيــه بعــد شـاعر وغطـاس = والله عليـما" وش حصــل بالبعـض تحـت الكراسـي

[فـايـزالـعـبري]

الظاهر انك ياوسيع المَعَرفَه صدق محتاس=واللي جحد وقفاتنا ياولد فيه التماسي
الله يعز المملكه رجعتكم عقب الافلاس=يوم أبن ثاني ساقكم بالقرارالدبلماسي

[براك المري]

ما نيــب محتــاسا" يا رجــال بــس العــز نومــاس = رجـلا" مـاهو يفخــر بـربعـه تــرى عــاقـب وخـاســي
طــاري الفــلــس مـاهــو لربعــي وعزتنـا مهي تدااس = محـدا" نفعهـم غيـر وقفــاتهــم والوقـت قــاســي

[براك المري]

نلتقــي بعــد ما اصحــى مــن النــووم انشـــاء اللـــه .. اذا كاان لك خــاطر

[فـايـزالـعـبري]

ماتلحق الشكات قومٍ لهم بالمجد مرواس=وعتيبه الهيلا ليا شمرت تجلى العماسي
انته تكابر والخبر منكتب في كل قرطاس=ياصاحبي براك شغل معي خمس الحواسي

[فـايـزالـعـبري]

عـمومـاً صـح الـسانك يــابرااك وأسـعدني الـعـب مـعـك

والـختم عـندك يــاطـويل الـعـمر ..

[أبوزيد الهلالي]

صحت السنكم وعلى القوه متابعين

[براك المري]

اسعــدنــي اللعــب معــك يا الحــر النــداوي .. واستلــم الختــم طاال عمــرك



اللــه يخلـي للعتيبــي قحاطينــا" هــل البــاس = صــدق العلــوم البينـــه يا عميلــي ما تــداســي
الظــاهر انــه ذابــحك ياعميلــي هــم ونعــاس = لكـن الى طـريــت قحطــان بيطيـــر النعــاســي