يابن حمد يالحصان ياعتابه تفضلو

[مسيّر]

نبى ناخذ علومكم يارجاجيل=واللي يبى علومنا ياهلا به
في منتدى الرجال الحلاحيل=من نسل عدنان وتعزى بشبابه

[مرودع الوشام]

يا مرحبا بالرجال المقابيل=اللي لهم بالقلب قدر ومهابه
بقدومكم نطلق اسمى التهاليل=مني وانا واحداً من عتاااابه

ارجوا ان اكون قد وفقت في الرد يا مسّير ويا هلابك يالغالي


ويعطيك العافيه



اخــــــــــــوك



مرودع

[طالع]

اسلم اسلم


انا في صف مرودع


العبو وحركونا

[إبن ثعلي]

عاشوا وين رحت يا مسير
تحياتي

[مسيّر]

البقى ياعميل المشاكيل=يامرحبا عد وبل السحابه
يالعتيبي لاتنطح السيل=من عارض السيل ضيّع زهابه

[مسيّر]

عيد الجماعه يامرحبا

[مسيّر]

بن ثعلي

يامرحبا بعميلنا الاولي

[مسيّر]

الليل طول ياهل الليل=والعتيبي ولا وقفت ركابه
يالعتيبي تعال واحذر الميل=ومايخاف الليل من هو سرابه

[مرودع الوشام]

يا مشتري القاف لا تقول يالليل=والموت لا تستعجله ولا تهابه
اقرب وان بوفيلك الصاع والكيل=واللي يبي مثلك يولم زهابه


هلابك يا جدي عيد وهلابك يا ابن ثعلي.....

يعطيكم العافيه علا مروركم ومشاركتكم ....


تحيــــــاتي




مرودع

[مسيّر]

الليل يروي كبود المغاليل=وانته عتيبي لابتك لابه
والدرب قدامك واحذر الميل=والعمر يفنى والليالي تشابه

[مرودع الوشام]

مسير استلم


يا المسير جالك ليلاً طويل=وانا حكيم الضرب والأصابه
بيجيك شيً والله يكسر الحيل=واتصير رجلاً شارقً من لعابه


تحياتي



مرودع

[مسيّر]

ابك يالعتيبي خل التهاويل=ماعذرب الذربين غير الكذابه
التاريخ معروف من غير تاويل=وتاريخكم مصنوع ماحد ٍ درابه

[مرودع الوشام]

تاريخنا وافعالنا فيكم دليل=اسأل تعلم ابك وانشد قرابه
لطامة العايل وذباحة الحيل=اعتيبة الهيلا عليكم سياده




تحياتي



مرودع

[مسيّر]

المجد يكتب على صهوة الخيل=ماهي سواليف عيال والا كتابه
جوكم هل الطولات ورحتو هماليل=ويشهد سما نجد ويشهد ترابه

[مرودع الوشام]

احذر دروبك ما بها الا زرافيل=والشر لو نبغاه نركز نصابه
انذكر العربان ونشعل قناديل=وتشوف ساس الشرف والشجاعه




مرودع

[مسيّر]

واختامها نعم بكم يارجاجيل=لاجا نهار فيه ضرب الحرابه
لطامة العايل ذباحة الحيل=ياسعد من هو في اللقاء له قرابه

[مرودع الوشام]

تسلم يمين اللي علا الطيب حلحيل=ما يعّرف الردا ولا قد وطابه
مرفوع عن درب الخطاء يا رجاجيل=متوشحاً بالطيب عذبً كلامه



تحياتي لك,,,




مرودع