الفكس ار

[عبدالله الجرهدي]

قصيدة وهي من نوع التمني وهي اول مشاركه لي في هذا المنتدى الشامخ اقول فيها........




ياليت رصيدي واحد وسته اصفـار=علىاليميـن ولايكونـن شمـالـي
يكفينـي المليـون ماريـد مليـار=لاصاررزقا مـن مصـادر حلالـي
مابيـه باليـن اليابـانـي ودولار=ابيه فـي عملـت بـلادي ريالـي
ابي اشتريلي جيب من نوع فكس ار=ادفع القيمه كاش لو كـان غالـي
مديل الفين وسبع بالوصف ماصار=حطو بـه اليابـان شيـن خيالـي
مضمون بالتصنيع مسمار مسمـار=مشيك عليـه مهندسـه بالكمالـي
يصلح مع الصحرا ويصلح مع القار=ويضا مصمـم للوعـر والرمالـي
جديد ماعمره ضرب كـل مشـوار=مركوب لصحاب السمو والمعالـي
والله لـو صناعتـه ماهـم كفـار=لدعو لهـم بوقـات كـل ابتهالـي
ابيـه لامنـي تنصيـت الاقـفـار=امشي مع البـران مرتـاح بالـي
معي ثلاثـه كلهـم نقـو وخيـار=الكل منهـم مـن خيـار الرجالـي
واحد من اهل الدين وثنين شعـار=ربعـن عليهـم بالـزوم اتكالـي
اللي سوافهـم لياصـرت محتـار=تودع ضميرك دايم الـدوم سالـي
ماسولفو عن المسلسـل والاخبـار=ولاشجعـو لنصـر ولا الهـلالـي
مافيـه متكبـر ولافيـه ثـرثـار=ولافيهم اللـي هرجتـه بالجدالـي
لاصار في روضن ومشبوبه النـار=على غديرن مـاه صافـي زلالـي
في خايعن متخالفن فيـه الازهـار=بس ام سالم صوتهـا بـه يلالـي
نبعد عن الديره وعن بث الاقمـار=عن عالمن تشوف فيهـا الهوالـي
هذا ربيع القلـب لاصـار ماصـار=ولا العمـر لابدلـه مـن زوالـي
الشاعر عبد الله الجرهدي

[البارع]

حــــــــــــجز ملكي ولي عوده............

[الأميره الناعسه]

صح لسانك وعلا شانك
يعطيك العافيه ع القصيده الجزله
ولاهنت
والله يرزقك المليون

:)

[عبدالله المرشدي]

الشاعر عبدالله الجرهدي

صح لسانك


وحياك الله مصافحه رائعه

وننتظر المزيد

وياليت تعيد النظر في هذا الشطر

ادفع القيمه كاش لو كـان غالـي

وهذا
مديل الفين وسبع بالوصف ماصار

اعتقد فيه خطى املائي لان الوزن ماهو تمام

تحيتي لك

[كان موجود]

صح لسانك يا عبد الله ,,
والفكسار كلنا نتمناه :)
يامرحبا ويامسهلا ,,
ومصافحه جميله ,
وننتظر منك المزيد ,,
ونتمنى لك التوفيق ,,

[ذيب الينوفي]

الجرهدي حياك الله وصح لسانك مع تحفظي على هذا البيت من ناحية الوزن:


والله لـو صناعتـه ماهـم كفـار
لدعو لهـم بوقـات كـل ابتهالـي

[رشيد الكسر]

صح قلبك وكلك

ومثل ماقالو لك الاخوان حبذا لو تعيد النظر ..

والنص جميل ورائع ..

كل التقدير

رشيد الكسر

[إبن ثعلي]

صح السانك ياعبد الله الجرهدي على هذه القصيدة الرائعه
تحيتي لك

[سويّد التميمي]

صح لسانك ..وقصيده أكثر من رائعه ..لاهنت عليها

تقبل مروري .. وننتظر جديدك المبدع المميز ..

كل التحايا لقلبك ..

[أبــو ولـــــيد]

مافيـه متكبـر ولافيـه ثـرثـار
ولافيهم اللـي هرجتـه

لاهنت اخوى عبدالله
تقبل مرورى اخوك ابووليد