الأمير سلمان يأجل المزايين...!!!

[ابوفيصل الروقي]

بتوجيه من الامير سلمان بن عبدالعزيز فقد تم تأجيل مزايين

قبيلة الدواسر لهذا العام ولمزيد من التفاصيل اضغط على الرابط:

http://www.aleqt.com/news.php?do=show&id=93122

[الاندلس]

الله ياجزاك خير طيرت اقلوبنا قلنا مزين اعتيبه وفي الخير يطلع امزين الدواسر , انت بصراحه تصلح في منتدى القبايل اكثر من منتدى اعتيبه , تجيب معلومات من كل قطر . وانا اول واحد يرشحك للعضويه في منتدى القبايل .


تقبلوا تحيات : الجنيه

[ابوفيصل الروقي]

مشكور اخوي : الأندلس

على مرورك

و بسم الله على قلبك من الطير اخاف يطير ولايرجع

القصد كله من العنوان جذب القارىء

لاأكثر ولاأقل

وهذا من حقي انا الكاتب

اما بخصوص ترشيحك لي لمنتدى القبائل .........!!!!

مافهمت قصدك بالضبط .....

على العموم جزاك الله خير وماقصرت.....

(( انا عتيبي والدار داري والكل هنا اولاد اعمامي .....))

[الدعجاني99]

يعطيك العافية .0.
.
.
لاعد تروعون بعض ههههههههه

[إبن ثعلي]

مشكور يابو فيصل على نقل الخبر
تحياتي

[ذيب الينوفي]

تسلم ابوفيصل على النقل

[الاندلس]

مادريت انك احنين وتاوي لقلبي من الطير , على اي حال , ماودنا نطلع من الموضوع الى مساجلات شخصيه, لاكن ياحبيبي اعيد وكرر هذا راي ماهوب حرب ان أخذت منه يابن العم هذا الغايه وانت صديت عنه الله يدلك على الصواب .
بس انا مقصدي ان الموضيع الي تكتب في منتدى اعتيبه تكون خااااصه في اعتيبه والموضيع الي تكتب في منتدى الابل تكون خاصه بالابل(ابل اعتيبه) لان منتداها مستولد من منتدى اعتيبه الام...الخ .
اما كلامك عن طريقه لجذب الجمهور الى قراءة موضوعك فهناك العديد والعديد من الموضيع الخاصه التي تجذب القارء وانت انشالله تقدرها دون الخروج عن الخطوط المرسومه للمنتدى , وكل الي تشوفهم في المنتدى هدفهم القراءه عن اعتيبه مو عن الدوسرى او القبايل الاخرى مع كامل احترامي الى كل القبايل , ولو اننا فتحنا الباب الى اي موضوع ومن اي اتجاه فأننا من الاَحرى ان نسمي المنتدى منتدى القبايل بل من منتدى اعتيبه . ولا انا ماعرفك وتشرف لو اعرفك ولا بين وبينك الا كل خير وقبل كل هذا انت ابن عم على العين وعلى الراس وان كان النقدى يزعجك اسحب كل تعليقاتي وياباب ما دخلك شر .تقبلو تحيات : الجنيه

[ابوفيصل الروقي]

افا..... وانا اخووووووك ... كل شيء الا الزعل ....

لالالالالالالالالالا ماأرضاها يالسنااااااااافي كل ردي عتاب مع مزح

اخوان ياالاندلس ..... تكفى .....يا ولد العم .... لاتقولها .....

انا اللي اسحب الردووووووود كلها وان كان تبيني اطلع من المنتدى

اطلع....... يسلم راسك ........


اخووووووك : ابو فيصل

[الاندلس]

الله لا يجيب زعل حنا اكبر من هذا يابو فيصل ولا يزعلنا خط ًعلى قرطاس أنشالله منت طالع , المنتدى لعتيبه كله وانت وحد منه وتشرف حنا ابمواضيعك و عتابك و مزحك كم ابو فيصل عندنا ........... وحد
الله يخليه لمنتدى ويخلي المنتدى له .
تقبلو تحيات : الجنيه

[ابوفيصل الروقي]

مشكور اخوي :الاندلس

على رحابه صدرك وفكرك النير

لاهنت على المرور

وآآآآآآآآآآآسف على التأخير في الرد لظروفي الخاصه

اللتي ابعدتني عن المشاركه في المنتدى

تقبل مروري

[ابوسـعد]

الموضوع جميل ولكن مكانه...منتدى آخر واهم الاخبار..
والامير سلمان(الرياض) حفظه الله من مؤسسي فكرة المزاين..وقد دعم هذا المشروع الوطني العملاق...ومواقفه من المزاين معروف الله يوفقه وتأجيل مزاين الدواسر بسبب النفوق موقف مشرف له...شكرا ابا فيصل...وياهلااااااااااوغلااااااااااااااا

[ابوفيصل الروقي]

اسعدني مرورك

مشكور اخوي ابوسعد

[ابوسـعد]

لاشكر على واجب..وان شاء الله..نشوف مزاين الدواسر للابل عندما يعافيهن الله....وياهلاااااااااااوغلاااااااااااااااا

[ابوفيصل الروقي]

إن شاء الله يارب إن شوف ابل الدواسر
وكل القبايل من دون استثناء بصحه وعافيه
مشكور ( يامستشارنا )
تقبل مروري

[ناصر بن سعدي]

الله يطول عمر ولاة أمرنا ..

ويسهل مزاين قبيلة الدواســر ..



ولاهنت يأخ /أبو فيـصــل ..

ولـ الجمــيع خالص تحياتي ..

[ابوفيصل الروقي]

الله يطول عمر ولاة أمرنا ..

اللهم آآآمييين ويرزقهم البطانه الصالحه .

والله يسهل على الدواسر مزاينهم

الف شكر يالغالي

اسعدني مرورك يابن سعدي