قصيدة -حنا عتيبه

[مضاوي الرياض]

993333


حنا عتيبه لازعلنا سكرنا = نسكر بليا خمر نسكر شجاعه
كم شيخ قومن فالمراغه عفرنا = وكم مخلوقن قد وطينا خناااعه
موحدين لكن لازعلنا كفرنا = يلعن ابو من قال سمعن وطاعه

[ابو عتيبة]

الاخت / مضاوي الرياض
(موحدين لكن لازعلنا كفرنا يلعن ابو من قال سمعن وطاعه)

هذا البيت فية كلمة لايلقى لها بال يهوي صاحبها في جهنم سبعين خريف.
فالحذر يا أختاه من ترديد كل ما يقال

ودمتم سالمين وكل عام وانتم بخير

[النـايــــــف]

الاخت مضاوي


شكراً لك على هذا الاختيار


ينقل إلى قسم الشعر الشعبي

[مضاوي الرياض]

يابو عتب كلمة لازعلنا كفرنا
الشاعر يقصد فيها عدم الهدؤ والخروج عن عقله للتعصب وليس اكفر بالايمان

[طالع]

نعم انا مع في مضاوي في خصوص تفسير البيت

[الحصان]

شكراياخت مضاوي على هذه الابيات الجميله

[°• قرنقش •°]

ووووااااااااااااااااوووو رهيبة ..

صح لسان كاتبها ..

مشكورة مضاوي ..

[إبن ثعلي]

مشكوره يا مضاوي على حسن الأختيار

[ابو عتيبة]

عيد الجماعة

على طول انت مع مضاوي في تفسير الكلمه


موحدين لكن لازعلنـا كفرنـا .........يلعن ابو من قال سمعن وطاعه

موحدين ؟ وش معناها هل هو الهدوء حتى يكون الكفر معناه الغضب ولعن من قال سمعا وطاعة وش معناها يامضاااااااااااوي الخروج عن جماعة المسلمين.

حنا عتيبه لازعلنـا سكرنـا ............... نسكر بليا خمر نسكر شجاعه

هذا البيت نعم هو الفخر

خلتيني مفسر يامضااااوي ؟؟؟؟؟؟؟؟؟؟

[مضاوي الرياض]

يابو عتيبه لا تسوي نفسك مو فاهم -لا وكمان عتيبي
معنى البيت ليس الكفر بالإيمان وإنت فاهم-بس مجرد مايقول بكفر يعني بغضب على كل ماحولي
وأخيرأ المعنى في بطن الشاعر-المهم إنها قصيده تحرك مشاعر كل ماهو عتيييييييييييييييييييييييييييييييبي
وشكرأ
حلوتكم ميمي

[العريدي]

ابيات فخر و اعتزاز و المعنى في بطن الشاعر

[النـايــــــف]

ابيات فخر و اعتزاز و المعنى في بطن الشاعر

...

[°• قرنقش •°]

مضاوي حبيبتي ..

مدري وربي الابيات حلوه بس اخر بيت التعبير شوي قوي ..

أخاف نطلع يمين يسار ترى حنا مو ناقصين ذنوب..

مشكورة..

[نايف بن عرويل]

مشكوره اخت مضاوي ابيات تخلي الواحد يدور القشر ههههههه مشكوره اخت مضاوي

[talal08]

للطيبـة هيـبـة وللـعـز تيـجـان
وللشعـر روادٍ وللقـول مضـمـون
والادمي قبـل الشعـر قلـب ولسـان
ما يرفعه شعـره معـا مـن يغنـون
ما قيل إبـة رجـلٍ تمرجـل بقيفـان
حتى ولو يشهـره ينقـال مـا لـون
لو القصيـد يغيـر أحـوال الانسـان
ما كان بالشعـار صاحـى ومجنـون
ولـو الرجولـة بالقـوافـى والاوزان
كـان العـذارا للرجـولـة ينـالـون
سبحـان ربٍ معتلـى فـوق سبحـان
قـد قـال بـأن الاغلبيـة يهيمـون
ملا رحمـه الـرب لاشـك خسـران
( هذا الصحيح وقولوا اللى تقولـون )
يارب تجعل لـى عـن النـار مزبـان
يامخرجٍ من ظلمـة البحـر ذا النـون
هذا ونـور الصبـح لـلان مـا بـان
وأصبحت ويا الليل عاشـق ومفتـون
الليل فى عتمـة ظلامـه ليـا حـان
سجة فكر للى مـن الوقـت مشحـون
أرتاح عن صخب المدينة والاشجـان
وانادم النجمـات عـن كـل مكنـون
وأشيل جزل القـاف وأجـر الالحـان
وأقطف ثمر ما لاق من كـل مـوزون
على مدار الفكـر فـى كـل الالـوان
أطلقت لى فكرٍ مـن العـام مسجـون
( حنـا جبلنـا للصعيبـات عتبـان )
رجالنـا يسـوا مـن القـوم مليـون
لاعلى الشموخ إلنا مهابـة وعنـوان
بالسيف سطرناة من خلقـت الكـون
قبيلـة فـى فعلهـا يفخـر الــزان
تشهد بها العـدوان وبليـس ملعـون
عتبان ناصل فـى هـوازن وعدنـان
وحنا خوال المصطفى خيـر مأمـون
نرعى الخطر فى شف حلوات الالبـان
تأمـن بأسامينـا وحنـا لهـا عـون
يانجد ياكم طاح بـك روس شجعـان
اللـى بصكـات الحرايـب يهـلـون
ياكثر ما ضـم الثـرا فيـك شيخـان
وكم راس قرمٍ فى صحاريـك مدفـون
خلى عشا للسبـع والذيـب سرحـان
مضيافهـم بأفعالنـا كــل دنــدون
يا نجد مـا جينـاك للـدار ضيفـان
ولا تزعمـنـا بـأتـوات وفـنـون
جينـاك بسيـوفٍ تعـزوى بفرسـان
اللى علـى حبـك لـلارواح يهـدون
قبايـلٍ تسكنـك مـاهـم بـرديـان
لكنهـم بالمعركـة مــن ينـاحـون
تنزحوا من عقـب روغـات الاذهـان
من فعـل هنـديٍ للارقـاب مسنـون
ورفرف علم عتّاب فى كـل الاركـان
وزاحت قبايل نجد عن نجـد بضعـون
ما سموا الهيـلا تمازيـح وإحسـان
ألا بفعـلٍ يجعـل الخصـم مطعـون
فعايلٍ يشهـد بهـا الانـس والجـان
وعيبٍ على هرجٍ بـلا فعـل مقـرون
ويشهد بها نجد المسمـى والاوطـان
وأهـل البصايـر بالتواريـخ يقـرون
هذا الصحيح محكحـك بكـل ميـزان
وهرجٍ بليـا ثبّـت لا طعـم لا لـون
وتبقى القبايل شامخـه دون نقصـان
ومدحى لربعى ما ينقص من الشـون
أبفتخر وأنثـر مـن القـول ريحـان
ومن لامنى يعيـش ويمـوت مغبـون
مانـى نديـم لكـل غـاوى وجبـان
اللى علاقتهـم كمـا سيـر مدهـون
علاقـةٍ مـا تنتـوثـق بسيـسـان
تصبح كما جمرٍ علـى راس غليـون
أهل الرخـا لـو تعتلـى كـل ميـدان
غسلتهم عن طرقتى غسـل صابـون
أنـا نديـمـى لـلـوازم كحـيـلان
راسٍ ما يقبل منـزل الـذل والهـون
فى لازمة أسوق لـه غـال الاثمـان
وفى لازمى يصبح لى حصون وحصون
له بالغلا فى داخـل الصـدر صيـوان
وانا أدرى إنى داخل القلـب مصيـون
قريـب وألا بعيـد فالامـر سـيـان
ما عنـه تصديـدٍ ولا عنـه مرهـون
ياليل فـى داجيـك للشعـر مسكـان
حيث الهدو فى عالمـك دوم مسكـون
أرعاك لوحـة تنتظـر رسـم فنـان
وأرسم على خدك هواجيس وشجـون
وألبسك مـن فاخـر الشعـر تيجـان
فيها من الهوجاس للفكـر مضمـون [/size]


الشاعر
خالد الذيابي[/poem]





مشكورة مضاوي الرياض

أخوكم / طلال المقاطي

[ابن حمد]

قصيده رائعه

ومشكور ياطلال ولا تحرمنا من مشاركاتك



الجيده

اخوك ابن حمد

[ملحــــــق المخليـــــــن]

يعطيــــــــــــك العافيـــــــــــــه
مَضًــــــٌــــــــــاوٍي اَلرٍيِــــــُــــاضٌ


ابيات حلوه ويفتخر فيها كل

عتيــــــــــــــــــــــبي
وصح لســـــــــــــانك


تحيــــــــــاتي:-
الذيـــــــــــــــــــابي

[جراح العتيبي]

صح لسانك




ولسان خالد الذيابي





والله قصيد يرفع الراس وعلى ماقال


فعايـلٍ يشهـد بهـا الانـس والجـان
وعيبٍ على هرجٍ بـلا فعـل مقـرون



سلمت يمينك



اخوك جراح العتيبي

[ملحــــــق المخليـــــــن]

صحيت وصح لسانك ولساااان شاعرها والله لا يهينك

ومشكوووووووووووور اخوي طلال علا المشااااركه ويعطيك العافيه يالغالي حقيقه قصيده اكثر من رااااااائعه والله لا يهينك بس لونك خليتها في موضوع جديد لانها حقيقه تستاهل تكون في موضوع جديد


تحيــــــــــاتي:
الذيـــــــــــــــــــــــابي

[الوليد العتيبي]

مضاوي الابيات رسالة جوال ولها سنتين

[نايف الشفيعي]

من عبدالله الشفيعي العصيمي
بالنسبة للأبيات الثلاثة اللي مطلعها( حنا عتيبه ) واللي قال فيها( اليا زعلنا
كفرنا) نبرأ إلى الله من هالكلام اللي اظن من قاله لا يعقل ما يقول جعل
نفسي واولادي وأبوي وأمي وربعي فدوه لله ورسوله (صلى الله عليه وسلم) ولدينه ولووقف أبوي
وربعي ضد دين الله ماالتفت لهم ثانية وارجو من ربع مرضعة الرسول (صلى عليه وسلم)
ربعي وعزوتي وتاج لراسي مايسمحون لمثل هذا السفيه أن ينشر مثل هذه
المهاترات والحقاره

[عبدالله الشمري]

حنا عتيبه لازعلنـا سكرنـا
نسكر بليا خمر نسكر شجاعه
كم شيخ قومن فالمراغه عفرنا
وكم مخلوقن قد وطينا خناااعه
موحدين لكن لازعلنـا كفرنـا
يلعن ابو من قال سمعن وطاعه


ونعم مايحتاج يعتبيه

[النجم الأصيل]

مضاوي مشكووووووورة