قصـ اللبوة ــة الجزء الأول..

[°• قرنقش •°]

السلام عليكم ..

كيفكم انشالله بخير ياعيال عمي << صجيتكم ..

المهم هذي قصة كتبتها وسميتها على اسمي في جميع المنتديات ..

اللبوة .. طفشت منه وغيرته لقرنقش ..

على العموم .. اقروا القصة وقولو لي رايكم ..

-0-0-0-0-0-0-0-0-0-0-0-0-0-0-0-0-0-0-0-
ابطال القصة العنود تدرس بالجامعه .. فهد .. حبيبها ..
ثامر اخو العنود .. بثالث متوسط.. بدر صديق فهد .. ريم صديقة العنود .. وخالد اخو العنود بسادس ابتدائي وريما توها اربع سنين .. أخليكم مع القصة ..اي شخصيات جديده بتتعرفون عليها في وقتها ..

_************************************************* ***********_

- ريم: بس يكفي وهم أنتي تمنين نفسك بخيال يالعنود ماعاد يستاهلك هالمغرور يكفي أرجوك ..

انطلقت كلمات صديقتي مثل السهوم اللي تصوبني .. لفيت لها وأنا كلي حسرة ..

- العنود: وش اللي يكفي بالله قولي لي وش اللي يكفي أبي أفهم .
- ريم: هه ، مسويه ماتعرفين . حبيبتي عنود شغلي عقلك الولد بايعك مايحبك شوفي أنتي محترقه عليه تبين تعرفين أخباره ..

سكتت وكملت كلامها ..
- ريم: تلقينه الحين يلعب مع بنت ثانية أرحمك والله . حبيبتي فكري أرجوك . فهد مايستاهلك .. فهد حطمك .

ناظرت ريم بنظرات تطلب العطف والرحمة .

- العنود: ريم أنا أبيك تساعديني ، مو تزيدين الطين بله . ياريم أنتي ماتعرفين وش يعني العشق .
- ريم: أعرف بس أعرف انه يكون من الطرفين وكل واحد يعشق الثاني مو واحد ايه والثاني مايبالي ..
- العنود: بس ياااريم يكفي ، جيت أطلب العون رديت وأنا .. هه .. أنا أخطيت يوم أحاكيك وإلا أقولك شيء ..
- ريم: شوفي أصلا فهد هذا من قلتيلي عنه مو عاجبني ، ولا أبيك تصيرين خاتم باصبعه ..
- العنود: بس ياريم هو مايدري اني احبه ..
- ريم: حبيبتي العنود أرجوك عشاني حاولي تنسينه ..
- العنود: وش .. عيدي .. لا مااقدر كيف ..

قعدت أبكي وأتخيل نفسي أنسى فهد .. فهد الشخص اللي حبيته ولا توقعت بيوم اني راح أنساه فهد آآه يافهد وينك أبيك .. محتاجتلك .. تعال أبي أشكي لك .. ريم تقول لي أنساك .. كيف .. علمني كيف .. انقطع الحوار بيني وبين نفسي بكلمة ريم الجارحة ..

- ريم: اسمحيلي يالعنود .. الكلام معك ضايع ..
- العنود: أ..نا..
- ريم: حسافة الوقت اللي ضاع معك .. كتبتني الاستاذة غياب والسبه أنتي ..
- العنود: أ..نا.. من متى تهتمين للمحاضرات ..
- ريم: رجاءً عنود ماأبي أفتح موضوع ثاني يأخذ باقي وقتي ترا الوقت كالسيف ان لم تقطعه قطعك ..
- العنود: ريم ..... شلون .. كيف ؟؟..
- ريم: وش اللي شلون والا كيف ، حاولي ترتبين كلامك حبيبتي .. ماافهم عليك ..
- العنود: ريم .. ليه كذا .. ليه كل هالحقد .. ؟ ضايقتك بشيء ..
- ريم: هه توك تسالين اكيد ضايقتيني بأشياء مو شيء .. وأولها .. انك ماتسمعيني لين قلت لك انسيه .. وثاني شيء ....

قاطعتها ..
- العنود: بس يكفي ..
- ريم: لاخليني أكمل ..
- العنود: بببببسسسسسسسسس يكفي ريم .. أنا تعبانه .. ماابي اسمع شيء انتي تطعنيني بخناجرك خناجر كلامك اللي تطعن قلبي حسافة الصداقة .. زين انها سنتين ياريم عشان مااتحسف اكثر ..

رحت وتركت ريم تهذر ومدري شتقول كنت ابي اوصل له .. وش ياقلبي .. وش تبي .. سألت نفسي بس بصراحة مدري وش يبي قلبي .. ادري فيك ياقلبي تبي فهد .. فهد آآخ يافهد وينك .. رجعت البيت .. وأنا تعبانه
ابي أنام .. من وين طلعت لي يافهد ؟؟تذكرت أول مرة تعرفت فيها على فهد كان الشات طلب ايميلي .. وبعدها تعلقت فيه وصرت ادخل يوميا وباستمرا وهدفي اني اسولف معه .. لكن وينه صار له أكثر من شهر مايدخل شفيك يافهد .. وانا اتكلم مع نفسي واهذي .. رحت بسابع نومه ..

قمت على أذان المغرب .. وأنا أناظر الا وهي الساعه خمس وأسمع أمي تدق الباب قمت وأنا معصبه وفتحت الباب يمه ليه

- أم تركي: وش اللي ليه ؟
- العنود: ليه ماقومتيني أصلي العصر ليه .. ليه ( قلتها بصراخ وغضب )..
- أم تركي: عنود يمه شفيك انا مقومتك بنفسي وصليتي قدامي ..
- العنود: هاه ؟؟
- أم تركي: يالله عجلي يمه المذن قام يذن وانتي توك نايمه..

رحت وانا مستغربه وبعجله .. وصليت وانا للحين مو مستوعبه اني قمت .. جت الساعه وحده بالليل دخلت النت فتحت الماسنجر مالقيت الاسم اللي ينور ماسنجري فهد وينك ضاق صدري وين رحت ..جا ببالي اني ارسل له رساله بس المشكله مااعرف ارسل واول ريم هي اللي تعلمني شلون ارسل الحين ماعاد فيه ريم ..
نزلت دمعه حاره من عيني وينك يافهد ومحتاجتك ياريم ضاق صدري بقوة .. صكيت النت والجهاز ورحت اقرا قرآن ابي انسى اللي يصير شوي .. قعدت اقرأ حوالي ربع ساعه ماامداني استلذ بالقراءة الا ويدق الباب ..
- العنود: مين ..؟
- أم تركي: أنا يمه افتحيه ..
- العنود: مفتوح..

دخلت امي وهي فرحاااانه علاخر ..

- أم تركي: عنود معي خبر بيفرحك يايمه ..

وش تكفين يايمه محتاجه هالخبر وانا اكلم نفسي ..

- العنود: خير يمه ..
- أم تركي : ابد يالعنود انا وابوك قلنا مادامه انتهت الدراسه واليوم آخر يوم فكرنا إنا نسافر لأمريكا عشان نتنفس شوي..

تكلمت وانا مستغربه

- العنود: ليه ماتقدرين تتنفسين الا اذا سافرتي ..
- أم تركي: ههههه لايالعنود يايمه بس ترفيه شوي هذا اللي اقصده ..
- العنود: الله يايمه من متى ماضحكتي ..
- أم تركي : ياعمري يالعنود .. حطي ببالك انا بنسافر يوم السبت ..
- العنود: يعني يبيلي اجهز الشنطة من الحين ..
- أم تركي : اكيد يمه .

طلعت امي اللي كانت تنتظر ابوي يسافر بنا مثل أول كانت تحسبه تغير بس أبوي كان مشغول بأشغال ألهته عنا ، وأمي كانت مشغوله بأخواني بالدراسه ماكنا نقدر نسافر .. الا الحين .. احس اني مكتومه تذكرت اني للحين مدري وينك يافهد ..

-*************************************-

فهد كان نايم على السرير الأبيض يمسك الفراش مره والا سلك التليفون مره يقلب بالتلفزيون .. دخل بدر عليه ..
- بدر: هاه كيفك فهد ؟؟
- فهد: الحمد .. لله ..

قالها فهد بعد مافزع من دخول بدر ..

- بدر: وش فيك ..
- فهد: أبد سلامتك ..
- بدر: أها علينا ..
- فهد: لابس خايف شويات ..
- بدر: من ايش ..
- فهد: تسالني من ايش ..
- بدر: ايه ..
- فهد: تستهبل والا جاد ..
- بدر: لاوالله جاد ..
- فهد: براءه ..
- بدر: هههههه مره ..
- فهد: بكره بسوي عمليه ..
- بدر: هوّوّ ليه .. قالوا ماراح يصير شيء بس كان الم وعدا..
- فهد: الالم تلته الالام يابدر ..
- بدر: على العموم أكيد راح تكون بسيطة وتعدي على خير وتطلع فهد ..
- فهد: ههههه لا يعني بدخل فهد واطلع كأن ثاني هههههههههه..
- بدر: لا ههههه يعني ابي اقولك يعني ههههههههههههه..
- فهد: ههههه لالاتقول شيء .. بس فهمتك ..
- بدر: يالله فهد ابطلع .. توصي شيء ..
- فهد: ايه ..
- بدر: وش..؟
- فهد: ابيك تفضي وتصفي ايميلي .. بليز واي رساله تشيلها ....... لالا .. فيه رسايل للعنود لاتشيلها ..
- بدر: ومنهي ذي العنود ..

فهد على باله بدر يسال عن النك نيم بس بدر كأن مستغرب من هي هالبنت ..

- فهد: ياربي وش نكها ايه ( سليب ) ..
- بدر: طيب .. بس مااقصد وش نكها اقصد منهي ..

دخلت النرس الغرفة وهي تكلم بدر ..

- النرس: بليز ممكن تتفضل بالخروج ..
- بدر: انشالله ..

بدر جا بيطلع بس ناداه فهد ..

- فهد:أرجوك بدر اذا لقيت اي رساله منها خبرني ..
- بدر: ترا ابي اعرف من تكون ..

-************************************************** *********-

العنود كانت تعبانه ومنهمكه وهي ترتب فملابسها وقاعدة تجهز ليوم السبت وعارفه انها ماراح تفضى يوم الجمعه .. لازم يروحون بكره يقضون ويطلعون السوق .. وهي ترتب وضايق صدرها .. طق الباب ..

- العنود: مين ..؟؟
- ثامر:أنا ثامر ..
- العنود: وش تبي ياثامر ..
- ثامر:افتحي وأقولك ..
- العنود: ماابي ..
- ثامر:احسن ..

راح ثامر بس مااسرع ماراح رجع .. وطق الباب ..

- العنود: مين ..
- ثامر: تكفين عنود افتحي الباب ..
- العنود: ماابي انا مشغوله وغرفتي حوسه ويكفي ضايق صدري ..
- ثامر: طيب بقولك شيء واطلع واروح ..
- العنود: لا ..
- ثامر: بس شيء بسرعه شيء بيفوتك ..
- العنود: وش ياثامر خلاص بكرة تقولي ..
- ثامر: يوه .. هين يالعنود ..
- العنود: روووووووووووح خلاااااااااص..

صرخت عنود وحست انها طلعت اللي بخاطرها فاخوها ثامر .. وثامر اللي مطط فمه بحركة اندهاش على تحت من صرخة العنود ..

راحت العنود وهي تعبانه وانسدحت على السرير وهي تفكر بفهد وين ماحطت نظرها ، طفت اللمبه وغطت راسها بالفراش بس مايفارقها اسم فهد .. حست بلوعه .. وقامت من السرير للحمام .. كرمكم الله .. وقامت ترجع .. وانتو بكرامه .. لين طاحت على الفراش وهي ترجف قامت تكح وتكح لين تخدرت ونامت ..

قامت الصبح على طرق الباب .. وهي تقول يالله صباح خير ..

- العنود: نعم ..
- أم تركي: عنود يمه قومي ماصارت ..

لفت عنود وناظرت الساعة 12 كل ذا الوقت نايمة وتو في بالي انه بدري لا وبعد يالله صباح خير ..

- أم تركي: يمه عنود بنحط الغدى بعد شوي لازم تطلعين ..
- العنود: انشالله يمه بس اصلي واتروش الا وانا تحت ..

صلت العنود ودخلت تتروش ونزلت تحت .. تغدت وجت بتطلع عشان تكمل ترتيب شنطتها لانهم بيقعدون على طول الاجازة بامريكا .. وقبل لاتطلع .. نط قدامها ثامر ..

- ثامر: عنود ..
- العنود: نعم ..
- ثامر: فاضيه ..
- العنود: لا ..
- ثامر: وش عندك ..
- العنود: وش تبي ..
- ثامر: عنود .. يالعنزة ..
- العنود: ثامر عيب عليك تراك كبرت وللحين تتلفظ بهالالفاظ .. انا عنزة الحين ..
- ثامر: طيب اسمعي ..
- العنود: وش شايفني اسوي يعني .. بعدين عيب عليك اكلمك وتقوم تصرف ..
- ثامر: انا لله .. بتسمعين والا شلون ..
- العنود: يالله قل ..
- ثامر: خلاص سلام مانيب قايل ..
- العنود: على كيفك هو يابو الشباب ..

عصبت العنود ومسكت ثامر من بلوزته وهي تشدها ..

- العنود: تلعب علي انت ..
- ثامر: طيب خلاص ..
- العنود: يالله قل
- ثامر: طلال عطاك عمره ..
- العنود: هاه .. طلال ..؟؟ طلال مين ..
- ثامر: طلال الرشيد ..
- العنود: نعم .. ايش .. كذاب متى ..
- ثامر: يحليلك من الترم اللي فات هههههههه تصدقين توني ادري ..
- العنود: هاه وشلون انا مادريت .. وشلون .. مين علمك ..
- ثامر: امس كنت اسولف مع واحد من اخوياي قمنا نسولف عن الشعراء وكل واحد يتكلم عن شاعر .. ومتعب تكلم عن طلال وقعد يقول الله يرحمه واستفسرت لقيته ميت .. وعطاني موقعه اخ بس ..

صح اني ماكنت اقرا لطلال بس حزنت بوفاته مدري ليه حسيته كانه قريب لي يموت بكيت وانا مدري .. دخلت غرفتي .. وطق الباب ..

- العنود: نعم ..
- ثامر: انا ثامر ..
- العنود: ادخل ..
- ثامر: خذي هذا هو الموقع ياهو صاير حزين بشكل ادخلي بس شوفي شصاير انعفست الدنيا ..

اخذت الموقع وانا مالي خلق ادخل .. قلت برتب اغراضي بعدين افكر لانه بصراحة النت ماينطاق بدون فهد ..
رتبت اغراضي ودخلت النت .. مافتحت الماسنجر لاني فقدت الامل .. فتحت الموقع قعدت اقرا وابكي عليه واترحم عليه .. وقعدت اطبع من قصايده واحفظ منها فالوورد ..
قبل لااطلع قلت يالله وش اللي ينقصني لافتحت الماسنجر .. فتحت الماسنجر .. لكن زي ماكنت متوقعه مارجع فهد .. ضاق صدري .. وجيت بقفل الماسنجر الا ونك
.. _~$ أهواك وأتمنى لو أنساك * وأنسى روحي وياك $~_ دخل هذا نك فهد فهد عمري دخل باعاتبه ليش القطعه هذي ليه ..

[°• قرنقش •°]

- العنود: السلااااام يالقطوع ..
- بدر: وعليكم السلاام ..
- العنود: وينك .. والله النت مايسوى بدونك << خقت معها ..
- بدر: ترا انا مو صاحب الايميل ..
- العنود: اجل ؟؟
- بدر: انا خويه ..
- العنود: خويه .. طيب ليش داخل بايميله ..
- بدر: لانه هو طلب مني خدمه ..
- العنود: وليه هو وينه ..
- بدر: لحظه انتي العنود والا ؟؟
- العنود: هاه .. ايه .. ليه تسأل ..
- بدر: لا بس هو قالي افضي الايميل واذا في رسايل منك ماامسحها ويبي اخبارك .. هاه طمنينا عليك .؟؟
- العنود: ايش وينه فهد ؟؟..
- بدر: فهد .. ليش انتي ماتدرين ..
- العنود: وش ادري .. وش فيه ؟؟..
- بدر: فهد مرقد بالمستشفى .. يكسر الخاطر المسكين ..
- العنود: نعم ..؟؟ ايش .. مستشفى ..
- بدر: ايه مستشفى .. ماقالك ..
- العنود: لا ..
- بدر: اها طيب توصين شيء بطلع ..
- العنود: ايه ..
- بدر: وش ..
- العنود: ابيك تسلمني عليه بليزز .. ابيك توصل سلامي له وبلغني وش الجديد ..
- بدر: انشالله ..
- العنود: راح ادخل اليوم ابي اعرف كل شيء ..
- بدر: اوف بس انا مقدر ..
- العنود: ليه ..
- بدر: فهد محتاجني ..
- العنود: في ايش ..
- بدر: انا اليوم لازم اروح لفهد لان فهد بيدخل العمليات اليوم عشان الحادث اللي صار له من كم اسبوع ..
- العنود: لحظه .. اي حادث .. فهد صار له حادث ؟؟..
- بدر: ايه ياحليلك .. مع هندي .. تاكسي ..
- العنود: فهد ..
- بدر: لابدر ..
- العنود: مايستاهل ..
- بدر: اه .. ايه << على باله تناديه ..>> المهم راح ادخل السبت نتقابل السبت انشالله ..
- العنود: السبت مقدر ..
- بدر: خلاص الاحد ..
- العنود: حتى ..مقدر ..
- بدر: ليه ..
- العنود: بسافر ..
- بدر: اخس وين ..
- العنود: امريكا..
- بدر: اكشخي امريكا مره وحده ..
- العنود: تكفى سلم على فهد ..
- بدر: انشالله .. تروحين وترجعين بالسلامة ..
- العنود: الله يسلمك مشكور ..
- بدر: مع السلامة ..
- العنود: مع السلامة ..

صكت العنود واللي كانت تبكي ليتها ولد كان راحت لفهد وماتركته ليتها تعرف مكانه بس عشان تتطمن ..
صاحت العنود وقعدت تبكي .. وتتذمر ..

-**************************************-

دخل بدر على فهد بالغرفه ..
- فهد: هلا بدر ..
- بدر: هلاوين ابو الشباب .. لا اليوم انت ماشالله عليك نشيط وصحتك زينه ..
- فهد: اقول بدر ورى ماتذلف توني ماسويت العمليه ترى ..
- بدر: حزر فزر وش صار اليوم معي ..؟؟
- فهد: وش ..
- بدر: لا انت فكر .. من لقيت بماسنجرك ..
- فهد: فتحت الماسنجر ..؟؟
- بدر: ايه ..
- فهد: من سمح لك ..
- بدر: انت قلت ..
- فهد: لاانا قلت بس الايميل ..
- بدر: لا انت ماحددت ..
- فهد: طيب من لقيت ..
- بدر: يالله حزر ..
- فهد: اكيد حـ ،،، العنود ..
- بدر: ايش ..
- فهد: العنود ..
- بدر: لا اللي قبلها ..
- فهد: وش اللي قبلها ..
- بدر: هههههههه حبيبتي .. والله وطحت بدباديبها وانا اشهد هههههههههههههههه..
- فهد: بدر عن الطنازة وش صار ..
- بدر: وش صار وش صار .. ماصار شيء ..
- فهد: يالله .. يالله عاد ..
- بدر: تبي تعرف وش صار ..
- فهد: ايه ..
- بدر: اول مادخلت قالت .. وينك .. والله النت مايسوى بدونك << خقت معها .. ههه اعجبتني خقت معها ..

ارتسمت على شفايف فهد البسمه وكأنه يستعيد قواه تنهد وقال ..

- فهد: وبعدين ..
- بدر: وبعدين سالت عنك .. وقلت لها انك بالمستشفى واظاهر انها انصدمت وتلخبطت وحاولت تعرف وش فيك علمتها وش فيك ..
- فهد: علمتتتتتتتتتهاااااااااااا ..
- بدر: ايه ليه بسم الله ..
- فهد: وش صار ..
- بدر: اكيد ضاق خلقها قالت لي سلم لي عليه وقلت لها بروح اليوم عنده وقالت بدخل الليله وانتظرك بس انا قلتلها اني بقعد معك لانك بتسوي عمليه .. رجعت تسال مره ثانيه .. واعدتها بكره راح ادخل بس هي قالت ماتقدر .. وقلت لها بعده قالت ماتقدر سالتها ليه قالت انها بتسافر امريكا ..

تنهد فهد وقلبه بدا يعوره وقال ..
- فهد: بدر لاعاد تقابلها بالماسنجر ..
- بدر: ليه ..
- فهد: بس ماابيك تكلمها ..
- بدر: وش فيك ..
- فهد: بس يااخي ماابيك تكلمها دور وحده غير العنود ..
- بدر: أها تغار يابو الشباب ..
- فهد: اخ يابدر ايه اغار واغار واغار عندك شيء ..
- بدر: اخس اخس اخس .. لا ماعندي شيء .. هدي ابوي ..

سرح فهد وحس انه يبي يطلع مافيه الا العافيه حس انه مكبل .. ضاق خلقه انا بسوي العمليه ويمكن اطلع بعد اسبوع لا ليتك يا عنود ماتسافرين أبيك أبي أسولف معك ليش تروحين .. حس فهد بضيقه وان مابيده شيء يسويه ..

- فهد: بدر ..
- بدر: هلا ..
- فهد: ماقالت لك كم بتقعد هناك ..؟؟
- بدر: لا والله ..
- فهد: ليه ..

استغرب بدر وقال ..

- بدر: طيب اسمع انا جوعان بروح اشتري لي اي شيء من البقاله اللي تحت ..
- فهد: مو بقاله ياالدلخ ..
- بدر: اللي هو ..
- فهد: طيب ..

طلع بدر .. وقعد فهد يفكر .. ياربي شلون بنتظر لين ترجع من السفر .. كيف بصبر .. لااله الا الله ..
- آه ..

دخل الدكتور على فهد ..

- الدكتور: هلا فهد ..
- فهد: هلا دكتور ..
- الدكتور: كيفك اليوم .. انشالله زين ..
- فهد: ايه الحمدلله ..
- الدكتور: طيب فهد عمليتك اليوم بعد صلاة العشاء اوكي ..
- فهد: ايه انشالله ..
- الدكتور: تطمن يافهد .. بسيطه انشالله ..
- فهد: انشالله ..
- الدكتور: طيب اتركك ..


راح الدكتور وترك فهد اللي ماامداه يزين قعدته الا واهله واصلين ..وجت امه وبسرعة مسكت يد ولدها فهد ..

- أم ياسر: يمه شلونك ..؟؟
- فهد: الحمدلله بخير ..
- أم ياسر: هاه ماقالولك متى العمليه ..
- فهد: اليوم بعد صلاة العشاء ..
- أم ياسر: الله يهونها ..
- فهد: يمه خايف ..

تدخل ابو ياسر ..

- أبو ياسر: الحمدلله وش منه كلها كم قزازة بتطلع وانتهينا ..
- أم ياسر: ايش قزاز ..
- أبو ياسر: ايه هي العمليه كلها عشان يطلعون القزاز ..
- أم ياسر: وين القزاز فيه .. يمه فهد يعورك شيء ..

فهد اللي سكت يمه مايعورني شيء قلبي اللي يعورني ..

- فهد: لايمه مايعورني شيء ..
- أم ياسر: فهد يمه شدحيلك وزي ماقال ابوك بسيطه انشالله ..
- فهد: انشالله ..

-************************************************** ********-

العنود كانت طايحه على سريرها وضايق خلقها .. طق الباب ..

- العنود: نعم ..
- أم تركي:عنود ..
- العنود: يمه ادخلي ..

دخلت أم تركي وقعدت قبالها ..

- أم تركي:عنود يمه فيك شيء ..
- العنود: لا بس راسي يعورني من امس وانا اشتغل ,, تعبت ..
- أم تركي: خلاص يمه اذا خلصتي تعالي تغدي ونامي ..
- العنود: انشالله يمه ..

طلعت ام العنود .. ومر الوقت وودخلوا فهد غرفة العمليات وبدر قاعد فالانتظار .. الكل كان مرتاح لان العملية بسيطة كم قزازة .. الا فهد كان خايف .. دخل فهد وقعد اربع ساعات ..طلع فهد من غرفة العمليات وهو مخدر مايحس بشي .. بس يسمع ازعاج وصوت مشي النرس اللي يخرق الاذن .. وصوت اللفت وصوت الطنطنه آآه حس براسه يعوره .. بس مايقدر يمسك راسه .. دخلوا فهد غرفته ومنعوا عنه الزيارة لانه بحاجه لراحة تامة ..

-************************************************** ****************-

[°• قرنقش •°]

فالصباح جا ابو العنود يطق الباب ..

- العنود: نعم ..
- أبو تركي: عنود ياأبوي قومي مابقى على الرحلة غير ثلاث ساعات ..
- العنود: هاه ..

قامت العنود وتروشت وسحبت شنطتها ونزلتها وقام الابو يصيح..

- أبو تركي: يالله ياعيال بسرعة ..
- العيال: زين زين ..

نزلوا العيال والام والعنود وركبوا السيارة .. بعد ساعة من الطريق .. وصلوا المطار .. راح ابو تركي يجهز الجوازات ويعدل وانشغل وقعدت ام تركي والعنود واخوها ثامر وخالد وريما ينتظرون .. وهم قاعدين ينتظرون ابو تركي .. رن جوال العنود .. فتحت العنود شنطتها وطلعت جوالها .. مين اللي كان متصل ..؟؟

- العنود: ألو ..
- ريم: ألو هلا العنود ..
- العنود: هلا ..
- ريم: شخبارك يالدبه وحشتيني موت ..
- العنود: بالله ..
- ريم: عنود شفيك ..
- العنود: حبيبتي انتبهي لوقتك لايضيع ..
- ريم: عنود .. انسي خلاص .. الله خلقنا ننسى ..
- العنود: جد .. كادي كانت صادقه يوم تقول الصافع ينسى لكن المصفوع ماينسى ..
- ريم: يوه يالعنود خلاص انا اسفه .. بس كانت اعصابي تعبانه ذاك اليوم ..
- العنود: طيب ..
- ريم: عنود لاتذبحيني لاتقولين طيب ..
- العنود: وش اقول .. انتي الحين داقه تبين تسولفين ..
- ريم: لا ابي اعزمك ..
- العنود: على ...
- ريم: على .. نسيتي .. زواج اخوي الاسبوع الجاي نسيتي ..
- العنود: يووه صح .. هماك تقولين الله خلق الانسان ينسى ..
- ريم: طيب .. بتجين ..
- العنود: لا ..
- ريم: لييييييه ..
- العنود: لاني مقدر ..
- ريم: وش دراك تقدرين والا ماتقدرين ..
- العنود: ياريم انا فالمطار بسافر واقعد العطلة كلها ..
- ريم: لاااااه ,, ماشالله .. وين ؟؟..
- العنود: امريكا ..
- ريم: ياحظك .. ماشالله .. خمسه وخميسه على وش العدو .. خذيني معك ..
- العنود: يالله انا فالمطار تعالي ..
- ريم: هههههههه ياليت ..
- العنود: زين انا مضطره اصك الحين ..
- ريم: اوكي حبيبتي .. بس لاتقاطعين ..
- العنود: انشالله ..,, مع السلامة ..
- ريم: مع السلامة ..

صكت العنود وهي شبه مرتاحة لانها تصافت ويا ريم ..وبدت طائرتهم بالاقلاع .. ركبت العنود وركبوا درجة سياحية جلست العنود جنب الطاقه وبدت الطيارة تتحرك بعد لحظات طارت الطيارة بالجو .. والعنود قاعده تقول انا الحين فوقك يافهد وينك نزلت دمعة يأس من عينها .. تنهدت بقوة .. ورجعت راسها على وراء .. كان جنبها أخوها خالد اللي كان بسادس ابتدائي قاعد يلعب جنبها .. وهي تناظر فيه ..

- العنود: خالد ..
- خالد: نعم ..
- العنود: مستانس إنا بنروح أمريكا ..
- خالد: أكيد ..

سكتت بعدين رجعت تسولف ..

- العنود: وش ناوي تسوي اول مانوصل ..
- خالد: مدري ..

لفت العنود وهي تقول امحق مايعرف يسولف ليت جنبي ثامر .. ..,, فجأة ثامر جا عندها ..

- ثامر: خالد تكفى رح عند ريما كمل لعب ..
- خالد: ليه ..
- ثامر: بس تكفى خالد ..
- خالد: طيب ..

قام خالد وراح مكان ثامر وجلس ثامر جنب العنود ..

- العنود: ليش جيت هنا ..
- ثامر: بس طفشت من ريما ..أنا أبي اسولف وهي بزر ..
- العنود: زين يالله سولف ..
- ثامر: اول يوم كنا بالبيت كانت ريما نايمه .. قالت لي أمي قومها رحت وكانت مطلعه يدها ورحت اقومها عيت بعدين اشتهيت ابوس يدها حبيتها وجيت بطلع .. رفعت راسها وناظرت فيني كنها مو مصدقه .. بصراحة حزنتني احس اني اقسي عليها ..
- العنود: ياحليلك ياثامر ..
- ثامر: عنود أنا أحبك ..
- العنود: ثامر وش جاك ..
- ثامر: مافيني شيء بس أحس اني أحبك ..
- العنود: مشكور أنا بعد أحبك .. بس الله يهديك عليك حركات بعض الاحيان ..
- ثامر: تخيلي تخيلي اني انا زي ماتبغيني ..
- العنود: شلون يعني ..
- ثامر: يعني تخيليني زي الريبورت .. اخلاقي على كيفك وافعالي على كيفك .. ماراح تقتنعين فيني .. هذي شخصيتي .. وانا حبيتك يالعنود بشخصيتك وبكونك اختي بعد وهذا فخر ..
- العنود: ثامر كلامك اكبر من سنك ..
- ثامر: قولي ماشالله .. الحين تصكني عين والله ماافكك ..
- العنود: ههههههههه ماشالله ..

سكتت العنود اللي كانت مصدومة بكلام اخوها واللي قربه من قلبها .. صكت عيونها وجت بتنام ..

- ثامر: بتنامين ..
- العنود: ايه .. ليه ..
- ثامر: ترا مابقى غير 10 ساعات ..
- العنود: ههههههه ياحليلك واذا 10 ساعات ..
- ثامر: يعني مابقى الا شوي ونوصل ..
- العنود: هههههههه ايه صح ..

-*******************************************-

فتح فهد عيونه وراسه يدور .. وناظر النرس ..

- النرس: YOU SHOULD NOT MOVE ..
- فهد: O.K
- النرس: IF YOU WANT SOMETHING CALL ME ..
- فهد: OH YAEH
- النرس: NEVER GET UP
- فهد: O.K TEACHER
- النرس: HA HA HA

راحت النرس ودخل بدر ..

- بدر: هلا فهد ..
- فهد: بدر ..
- بدر: شخبار العمليه ..
- فهد: يوه اسكت احس اني دايخ بقووه ..
- بدر: سلامتك اخوي .. ماتشوف شر ..
- فهد: الشر مايجيك ..
- بدر: نبيك تقوم فهد وتشد حيلك ..
- فهد: بدر ترا تقهرني طريقتك هذي وش قايلين لك بزر ..
- بدر: ههههههه لاحشاك ..
- فهد: ههههههه قويه حشاك ههههههههههه ..
- بدر: لاتحقر البزارين فهود .. ترا قد مريت بالمرحلة هذي ..
- فهد: بالله بدر ..
- بدر: والله .. لاتحقرن صغيرة ......
- فهد: يوووووووووووووووووه نجلاء الثانيه كل ماقلت لها شيء قالت لي هالبيت .. شكلها توها حافظته ..

سكت بدر وتنهد ..

- فهد: خير بدر فيه شيء ..
- بدر: لا مافيه شيء ؟؟
- فهد: بدر ..
- بدر: خلاص فهد لاتتحرك من سريرك لين تلتأم جروحك ..
- فهد: تو قاعده تنصحني هالشقراء .. على بالنا ماندري انها فلبينه تعالي هنا انا ادري انك فلبينيه تلعبين علي بشعرك المصبوغ ..
- بدر: تكلم مين ..
- فهد: ذيك النرس ..
- بدر: شفيها ..
- فهد: ياخي رح طالعها .. والا اقول لحظه دق الجرس بسرعه دقه .. تقول كول مي يالله خل نكوللها ..
- بدر: طيب..هذا ..
- فهد: ايه ..

جت النرس ضعيفه على نياتها ..

- النرس: WHAT ??
- فهد: وري صديقي شعرك ..
- بدر: ههههههههه
- فهد: I WANT SOME WATER
- النرس: O.K

جابتله المويه وطلعت ..

- بدر: ههههههههههههه الله يقطع سوالفك يافهد ..
- فهد: ههههههه شفت شكلها .. والله اللي يشوفها يقول خدعة حرب ..
- بدر: ههههههههههههههه وش دخل اللي جاب خدعة حرب انت ووجهك هههههههههه
- فهد: بالله بدر اقلب وجهك ..
- بدر: اح .. انا ماغيري ..
- فهد: ايه ابي افكر .. اتركني لحالي ..
- بدر: من جدك ..
- فهد: ايه والله ترا طولتها يابو الشباب ..
- بدر: هههههههههه هين فهد ..
- فهد: يالله بس ههههههههههههههه حبيب قلبي والله ..

-*****************************************-
مر شهر على سفر العنود .. لامريكا .. ومر اسبوعين على خروج فهد من المستشفى ..
راحت العنود لكل مكان في امريكا واستانست وثامر ماكان يفارقها .. وكانوا طالعين يتمشون ..

- ثامر: عنود مستانسه ..
- العنود: مره .. وناسه صح ..
- ثامر: ايه ..

سكتت عنود ولفت لاخوها ولقته سرحان ..
- العنود: شفيك
- ثامر: ولاشيء ..
- العنود: ثامر علي ..
- ثامر: الحين حددي ثامر والا علي ..
- العنود: ههههههههه حلوه .. لا ثامر ..
- ثامر: نعم ..
- العنود: شفيك احسك مو طبيعي ..
- ثامر: خايف ..
- العنود: من ايش ..
- ثامر: منك ..
- العنود: انا ..
- ثامر: ايه ..
- العنود: ليه ..
- ثامر: مدري ..
- العنود: معقوله ماتدري ..؟؟وش فيك ثامر ..
- ثامر: أنا مريض يالعنود ومحد يدري عني ..
- العنود: مريض طيب قل لامي انك مريض ..
- ثامر: لامااقدر .. عنود اوعديني ماتعلمين احد ..
- العنود: اوعدك .. بس ليش خايف ,, عادي ..
- ثامر: لا يالعنود مو عادي انا مريض بالخبيث ..
- العنود: ايش ..
- ثامر: بس ابوي اللي يدري ..
- العنود: نعم ..
- ثامر: رحت مع ابوي المستشفى وكشفت على نفسي وطلعت مصاب بالخبيث ورم براسي .. وقالوا لابوي تلقى العلاج بامريكا ..
- العنود: يعني .. ثامر ..
- ثامر: بكره بروح انا وابوي المستشفى وانتي وامي راح تروحون كالفورنيا ..
- العنود: ليه .. لا ثامر .. مقدر اخليك ..
- ثامر: عشان امي ماتحس يالعنود ..
- العنود: مصيرها بتعرف ..
- ثامر: مصيرها بس مو الحين ..

بكت العنود .. وهي ماسكه اخوها ..

- ثامر: يوه يالعنود لاتبكين ..
- العنود: ثامر .. انا ..
- ثامر: ادري ماتقدرين تنطقين بها .. وهالكلمة انتظرها من نوف من سنين ..
- العنود: مين نوف ..
- ثامر: نوف بنت عمي .. اه يالعنود احب هالبنت .. ولاهي داريه عني ..
- العنود: ثامر ..
- ثامر: انتي موضع ثقتي يالعنود .. موضع ثقتي ..
- العنود: ثامر .. أنا ...
- ثامر: ههه عطيتك شيك حياتي .. أمانه يالعنود .. لاتصرفينه ..
- العنود: انشالله ياثامر .. سرك ببير ماراح اطلعه لاي مخلوق ..
- ثامر: شوفي يالعنود ابوي حتى مايدري اني علمتك .. ماابيك تبينين له أي شيء ..
- العنود: انشالله ..
- ثامر: يالله نرجع البيت ..
- العنود: لا لحظه مقدر ..
- ثامر: عنود بليز مسحي دموعك .. أنا مااستاهلها ..
- العنود: ثامر .. أنا أحبك ياخوي .. كبرت بعيني والله .. والله ياثامر ..

علا صوت العنود .. وطاحت على الارض وقامت تصيح .. وثامر ماقدر يستحمل .. وقعد يصيح ..

-***************************************-

فهد كان بالبيت داخل النت يشتغل .. والا يطق الباب .. ويفتح فهد

- فهد: هلا بدوري ..
- بدر: خير بنت انا .. بدوري هههههههههههه..
- فهد: ياحبيلك يابدر..

قلط فهد بدر داخل الملحق ..وتكلم بدر..

- بدر: تصدق فهد انا احب ..
- فهد: لاااااه منهي .. مقرودة الحظ ..
- بدر: هههه مقرودة الحظ ايه مره واضح ..
- فهد: ياي يالواثق .. اخلص مين ..
- بدر: فهد انا مغرم فيها بقووووووة مقدر بطلع اروح اشوفها ..
- فهد: مين ..أعرفها ..
- بدر: ايه تعرفها .. وقد سولفت معها ..
- فهد: مين .. مين ..
- بدر: خدعة الحرب ..هههههههه
- فهد: وش خدعة الحرب منهي ذي..
- بدر: فهد .. النرس الفلبينيه ..
- فهد: ايه ههههههههههههههههههههههههههههههههههههههههههه الله يقطع سوالفك ..بس تصدق لايقين لبعض..
- بدر: اما عليها صبغه ..
- فهد: لاحرام عليك الصبغه من جد حلوه بس مو لايقه ..
- بدر: ههههههههههههه والله العظيم فاضي ..
- فهد: لاصدق لاناظرت بتلاقي الصبغة مره حلوة بس مو لايقه ..
- بدر: طيب اسمع ..
- فهد: هلا ..
- بدر: فهد .. انت تعرفني مااحب الف ولا ادور ..
- فهد: ايه بصدقك مرة ماتحب تلف وتدور ..
- بدر: ههه المهم جايك بطلب ..
- فهد: جاك طلبك ..
- بدر: خلني اقولك ..
- فهد: لامافيه جاك طلبك..
- بدر: فهد لاتستهبل ..
- فهد: يالله قل ..
بدر: انا جاي عشان نجلاء .. انا........

-0-0-0-0-0-0-0-0-0-0-0-0-0-0-0-0-0-0-0-0-0-0-

هاه شرايكم فيني.. أعجبكم والا لا..؟؟

انتظروا التكملة ..