اعلان

[علي العضياني]

السلام عليكم ورحمة الله وبركاته وبعد
يفيدكم الحرالاشقر بان من له رغبه في المحاوره فعليه ابراز نفسه والميدان ياحميدان

[ابن حمد]

الاخ الشاعر الحر الاشقر

يسعدني ويشرفني المحاوره معك

اذا ماعندك مانع

اخوك ابن حمد

[علي العضياني]

سلامي سلامن يشرح البال ويسر الصديق
ويخزي بليس ويلعن اثواه رفرف ياعلم
انا مع رجال العرف والطيب صدري مايضيق
ومن يعمل المعروف يلقاه رفرف ياعلم

[ابن حمد]

ارحب واستلم

هلا مرحبا ترحيبتن ماتموج اعن الطريق=وتمشي عدل والحر تنصاه رفرف ياعلم

وانا مع جميع الناس ماابلش ولا اذم الرفيق=ومن قدم النا الطيب نجزاه رفرف ياعلم

[علي العضياني]

صح لسانك واستلم
يدوم البقا من خاطرن للمعاني مستفيق =
ذياب ابن غانم سل شلفاه رفرف ياعلم
انا مازهمتك غير ابا الاااابسك ثوبن يليق=
واضيق زراره واقصر ايداه رفرف ياعلم

[ابن حمد]

ارحب واستلم

اثرني بغيت اخطي وارشحك كبتن للفريق=ياكبتن مضيع وين مرماه رفرف ياعلم

ثيابي تراها ساترتني يبو ثوب فتيق= ولن جيت احطك وسط مخباه رفرف ياعلم

[علي العضياني]

صح لسانك واستلم
مدام الرحى دارت حبوبك تبا تصبح دقيق=
عميلي نعرف ادناه واقصاه رفرف ياعلم
علي الحرام اني لحملك مالا تستطيق=
ثيابي ثياب العز والجاه رفرف ياعلم

[ابن حمد]

خلووووووووووها
عميلك تعرف انه بحر يصفق ابموجه صفيق=وموج البحر وشلون تقواه رفرف ياعلم

تقوله واقول الذيب ماهيبه حس النهيق=وله مخلب لاجاع عشاه رفرف ياعلم

[علي العضياني]

اثر صاحبي مغرور جندي يحسبنه فريق=
لكن احتزمت وجاه ماجاه رفرف ياعلم
انا ماعليه منك وجهي من افعالي طليق =
وغمتك تشدي غمة الشاه رفرف ياعلم

[ابن حمد]

خلوووها واستلم

ترا الحر الاشقر يزعق الصوت ماينغق نغيق=ولا ينغق الا البوم واحلاه رفرف ياعلم

نحشمك ونقدرك من حشمت اخوك الشقيق=لو الحر زل اقول تفداه رفرف ياعلم

[علي العضياني]

استلم
ترى الحر الاشقر طار ولا انت فالغبه غريق=
فعل بك فعل ما عاد تنساه رفرف ياعلم
وانا لو ما احشم ربعي اللي يردون الوسيق=
اقول لك علم غير هذاه رفرف ياعلم

[ابن حمد]

الله الله
خلوها

انا ابغاك تطلع فوق في عالي المرقب تويق=لونه عسر يالحر مرقاه رفرف ياعلم


بعد شبت النيران واشتبت اولعت حريق=ومشهابك الله ربي اطفاه رفرف ياعلم

[علي العضياني]

انا اقدر على جلب الجواهر من البحر العميق=
ترى الحر يرجع لاصل مجناه رفرف ياعلم
انا ياعميل الخير مسلم وفالبيت العتيق =
اطيع الله المعبود ما اعصاه رفرف ياعلم

[ابن حمد]

لاهنت واستلم

الا يامغن القاف قافك هذا لحنه يشيق=لكنك نسيت اتجيب معناه رفرف ياعلم



وزادن سماط اقول مايشبع ولا بل ريق=ولابه طعم من عقب ذقناه رفرف ياعلم

[علي العضياني]

اخوي ابن حمد تشرفنا بالمحاوره معك واستفدنا من خبرتك فنرجو المعذره ويا ليت لو تغير بقافن ثاني انا سبوع وطالع للديار
وشكرا.

[إبن ثعلي]

تسلمون يالثنين عز الله ما قصرتوا محاوره رائعه جزلت المعاني
تحياتي

[عاشق المغاتير]

الحـر الأشقـر وابن حمــد

كما تعـودنا منكـم شعـراء اقويــاء

وشكرا على هذا الأبـداع في فن المحاورة


لكم تحياتي

[النـايــــــف]

صح الله لسانكم


وبيض الله وجيهكم

[عبدالله المطيري]

صح السان كل الشعار

استمتعت بمحاورتكم

بنتظار الجديد

[علي العضياني]

ماقصرتوا وبيض الله وجيهكم

[الداهوم]

الحر الاشقر انت وبن حمد لنا لقاء بعد الصيفية (الداهوم )0