اجازه لأهل الرياض فقط الباقين دوام الله لا يهينكم

[فلان الفلاني]

السلام عليكم ورحمة الله وبركاته



سيكون يومي الثلاثاء والأربعاء الموافق ( 8 - 9 ربيع الأول 1428 )

إجازة للموظفين والطلبة في مدينة الرياض بسبب انعقاد القمة العربية في ذلك الوقت


اجازة الى اهل الرياض فقط لا حد بكره يقول ما قلتوا لنا
يعني لنا حنا بس يا اهل الرياض :)

[{%نوف%}]

الله يبشــــرك بالخيــــــر

أجل بنـــــــدعس للبحــــــــــرين :)

[فلان الفلاني]

الله يبشــــرك بالخيــــــر

أجل بنـــــــدعس للبحــــــــــرين :)


ههههههههههههههههههههههههههاى

نعبوا ابليسك انتي زوجه رابعه والا زاحفه:)

اقول انثبري خل عنك البرحين وقابلي ابو اربع ابرك لك

[{%نوف%}]

حلوووووووه زااااحفه خخخخخخخخخخخخخخخخخ

ومن قال بروح لحالي بخمهم كلهم بنشرهم في السيف :)

[فلان الفلاني]

نشرك الوهم
وبك اللي بتنشرهم مين ؟؟


وبك شكلك في الطوراي وش تنشر ههههههاى

اقول روحي نامي ابرك لك
يا شين .... :)

[صهيل قلم]

اجحاف في حقنا

وماذا عنا !!

لما لايشمل هذا القرار جميع مناطق المملكه

لا ..لا..لا



اعترض...وبشده

[فلان الفلاني]

اجحاف في حقنا

وماذا عنا !!

لما لايشمل هذا القرار جميع مناطق المملكه

لا ..لا..لا



اعترض...وبشده




هههههههههههههههاى محد دراى عنك :)

انتي وين ديرتك يا سكون

بعدين الاجازة تخص اهل الرياض
والاسباب :

عشان ما يحصل ازدحام في شوارع الرياض
للأنعقاد القمه العربيه ..


كني طالع فيك يوم قريتي الخبر وانتي تصيحي تقولي
ليتني من اهل الرياض :)


تحياتي لك

[صهيل قلم]

وهل تلومني عندما ذرفت الدمع لحصولكم

على يومين ... متواصلين مع الخميس والجمعه

ليكون العدد اربع ايام إجازه؟

لما برأيك لم يجعلواا انعقاد القمة في الخبر مثلآآ؟؟

[انا عتيبي]

بصراحه يوم سمعت الخبر اول مره احس اني احب مدينة الرياض والي مغصوووووووووووووووووووووووووووووب عليها............

[ناصر بن سعدي]

الغالي

فلان الفلاني


وخبر سار لأهل الرياض,,

وعسى الله يوفقهم ...ويوفقنا بعد ..<<<وده إنه من أهل الرياض :)


لاهنت على الخبر ..


وتقبل تحياتي ,.,,

[الدماسي 2007]

فلان الفلاني

حقيقه اضحكتني بممازحتك

عندما قرأت العنوان

تسعد وتهنا بهاليومين والايام كلها

تحياتي

[وحش عتيبه]

فلان الفلاني

يعطيك العافيه على الخبر المفرح


مع تحياتي

[هدب برقـا]

الله يخلي النا ابو متعب

عن جد شي فرحنا

يعطيك العافيه خيو

[فلان الفلاني]

وهل تلومني عندما ذرفت الدمع لحصولكم

على يومين ... متواصلين مع الخميس والجمعه

ليكون العدد اربع ايام إجازه؟

لما برأيك لم يجعلواا انعقاد القمة في الخبر مثلآآ؟؟



يؤؤ ذرفت دموعك عشان هاليومين
اخذيها غياب والجزاء كلها خصم يومين
ما رايح تضرك ولا تذرف دموعك :)

لما ولماذا وليه ؟

تصدقين سون اكره لما ولماذا وليه:)

بس طبعاً الجواب الخبر ماهي عاصمة الممكله العربيه السعوديه
عاصمة الممكله الحبيبه
الريـــــــــــــــــــــــــــــــــاض ..

وبششش الباقي ما ادري عنه ..

[فلان الفلاني]

بصراحه يوم سمعت الخبر اول مره احس اني احب مدينة الرياض والي مغصوووووووووووووووووووووووووووووب عليها............


هههههههههههههههههههههههههههههههههههاى

دام حبيت الرياض لا عاد تنقل منها :)

[فلان الفلاني]

الغالي

فلان الفلاني


وخبر سار لأهل الرياض,,

وعسى الله يوفقهم ...ويوفقنا بعد ..<<<وده إنه من أهل الرياض :)


لاهنت على الخبر ..


وتقبل تحياتي ,.,,


هلا با الغالي ابن سعدي
الله يحيك
وفعلاً الخبر سار الى اهل الرياض
وخاصة الطلبه ..

وانت في قلوب اهل الرياض
ولك يوم ولي يوم بس امر انت :)

[فلان الفلاني]

فلان الفلاني

حقيقه اضحكتني بممازحتك

عندما قرأت العنوان

تسعد وتهنا بهاليومين والايام كلها

تحياتي


عسى الضحكه دوم يا الدماسي

الله يسعدك ويسعد الجميع

[اميرة عتيبه]

يعني ماروح بكره !!

زين والله ريحتني .........

[فلان الفلاني]

فلان الفلاني

يعطيك العافيه على الخبر المفرح


مع تحياتي


ربي يعافيك والشر مايجيك

لا هنتي

[فلان الفلاني]

الله يخلي النا ابو متعب

عن جد شي فرحنا

يعطيك العافيه خيو


اللهم امين

ربي يعافيك

[فلان الفلاني]

يعني ماروح بكره !!

زين والله ريحتني .........



مو بكره يمال الطمس القلب هههههههاى <<يدعي مو من قلب


الثلاثاء الجاي مو الثلاثاء ذا

اول مره اشوف موظفه ما جاها التعميم :)

[بندر البراق]

فرحتنا بهالخبر
لكن استفساري
هل القطاع الخاص يعطونهم اجازه زي شركه الاتصالات والبنوك والشركات الكبيره
ولا بس لموظفي الدوله في القطاع الحكومي
وثانيا يا اميره عتيبه بكره داومي الله يخليك وخلي عنك الغيابات بعذر مادريت
هههههههههههههههههههه
الاسبوع الجاي مو الاسبوع ذا ولاتبين الملك يحط المؤتمر بكره عشان تغيبيبن
هههههههههههههههه
وشكرا يا فلان

[اميرة عتيبه]

ههههههههههههههههههههه

ههههههههههههههه

والله اني كنت ناويه زين انكم علمتوني ..




مهويه ههههههههههههههههههه




الله يعيني على الروحه بكره..

[رائـــد العتيبي]

يااخوي ولاية عفيف ور معطوهم اجازة معهم مالهم رب زي اهل الرياض هههههههههه

بس معليك اجازة من عندي لهم زينا زيهم ااذ الرياض عاصمة سعودية وجازة عطوه


عفيف عاصمة عتيبة الاجازة منلي لهم يومين يستاهلون عيال عم


< لي يشوفة يقول امير منطقة عفيف هو وجة هههههههههه

بس ولو مفروض ميعطون اهل رياض اجازة هي حلي كل شوي اجازة

ان يوم كنت ادرس برياض معينت جازاات هم وجيهم مجابو الاجازت لي يوم رحت ههههههههههه

تحياتي

يعطيك علي هيك موضوع

[الشامخه]

تحيهـ عطرهـ للجميع ..

انا بأجازهـ من سنتين ولله الحمد مامن جديد .. :)
الا اني ماتهنيت بالرياض دايم زحمه اعوذ بالله ..
وبجد يالطيبين والله الرياض غثيثهـ بالزحمه :(
اعوذ بالله اذا مو بالصبح بالمساء هذا اذا مو كل الفترتين ..
ماعمري طلعت لمشوار الا اعلق بزحمة خريص ..

عاد يافلان ..
كل اخواني وخواتي مبسوطين بالخبر ومن نذالتهم يدقون
على اهلنا بر الرياض يعلمونهم اول ماصارالخبر .. :)

سكون ياحلووه احمدي ربك على الخبربلا ينقلون القمه عندكم .. :)
والله جو الشرقيه هادي وروعه جربته عن الرياض ..
فرق السماء عن الارض ..

تسلم يافلان على نقل هالخبر ..

لك التحايا ..

[صهيل قلم]

خابره يا الشامخه ان الخبر افضل من الرياض


بس لاأسف احنا اليوم مداومين واهل الرياض مرتاحين في اجازتهم


عموماآآ انا ارسلت برقيه عاجله للقمة العربيه وعزمتهم المره الجايه


تكون قمتهم في الخبر ههههههه









.

[صهيل قلم]

خابره يا الشامخه ان الخبر افضل من الرياض


بس لاأسف احنا اليوم مداومين واهل الرياض مرتاحين في اجازتهم


عموماآآ انا ارسلت برقيه عاجله للقمة العربيه وعزمتهم المره الجايه


تكون قمتهم في الخبر ههههههه









.

[الكــــادي]

شوووكرااان يافلاااان

اسعدني الخبر ..

مع اني اعرف بس فرحت مرهـ ثانيه ههههههههههههههه

[فلان الفلاني]

كل الشكر لمن حضر
في الموضوع ..


للتذكير ..



الأجازة سوف تبداء

بعد دوام يوم الاثنين الموافق 7/ 3/1427هــــ


اجازة سعيده الى اهل الرياض فقط :)

[انا عتيبي]

افاااااااااااااااااااا يا فرحه ما تمت
استثنونا من الاجازة الله......
يعني الثلاثاء والابعاء دوااااااااااااااااااااااااااااااااااااااااااااااام
الله يعين...اهم شي فرحنا لنا كم يوم اتوقع انها تكفي..
هههههههه

[كحيلان]

وفق الله الجميع وعساها قمة خير

[فلان الفلاني]

خلاص الاجازه غداًَ

بعد دوام الاثنين


مبروك الى اهل الرياض



الباقين دوام الله لا يهينكم

[صهيل قلم]

تدري يافلان الفلاني


ويش قمة القهر..!!


ان الضيوف يسيرون علينا من الرياض ويقولون احنا في اجازه..!!


انزين راعوا مشاعرنا ... واعرفوا اننا ملتزمين بدوامات



هنالكم ...والله هنيالكم





.

[فلان الفلاني]

ههههههههههههههههههههههههاى
ههههههههههههههههههاى


وهذا هو طعم الاجازه

عشان اللي مو في الرياض
يقول ليتني في الرياض :)

[مطيرية وافتخر]

مشكوووووووور

على الخبر الحلو

وهم ناشرينه لهم اسبوعين

بس الرياض مو منطقة الرياض

جاكم العلم

[فلان الفلاني]

مشكوووووووور

على الخبر الحلو

وهم ناشرينه لهم اسبوعين

بس الرياض مو منطقة الرياض

جاكم العلم


والله مدري وش تقولين
ولكن الاجازة بدت
بعد انتهاء دوام الاثنين الموافق 7/ 3/1427هــــ

والاجازة الثلاثاء والاربعاء للمدارس
وبعض الوزارت والقطاعات الحكوميه

وبكره نهاية الاجازة اللي هو يوم الاربعاء
ورايح ندوام السبت ..

على كلن الخبر تم تنزيله
بعد صدور الامر السامي
والصدور الامر السامي قبل
القمة با اسبوعين ..

[مطيرية وافتخر]

الظاهر انك مادرست جغرافيا ابد

الحين منطقة الرياض متكونة من عدّة
محافظات
اللي هي الخرج والدرعية.......الخ

ولكن لمّا اقول مدينة الرياض انا اقصدالرياض لحالها
مو مع محافظاتها
يعني الموظفين في الخرج مثلا وساكنين بالرياض يروحون يداومون
فهمت على العموم اتمنى انكم انبسطتوا بالاجازة.

تقبلوا مروري.....