يـاما حــلا لاشــــدّوا الـجــيــب بـالـعـفــش

[خيال الصبحا عطو]

اخواني احببت ان اضع بين ايديكم هذه القصيده عن القنص والبر أعجبتني صراحه وهي منقوله:



يـاما حــلا لاشــــدّوا الـجــيــب بـالـعـفــش
شـاصــي وكـمّــل عـزبـتـه عـنــد جــابــي

جديـد والبـودي نظيـف(ن) مــن الـخـدش
والــلــون بــيــج ومـاركـبــوه الـشـبـابـي

واريــل جـهـاز وفــوق صـدامـه الـونـش
وكـشّــاف والـدربـيـل ضـمــن الـزهـابــي

ومقفص(ن) يبراله افضـل مـن البـورش
بمسـجـلـه شــرطــان شــعــر وحـجـابــي

وخــوة نشـامـا ماحسـبـوا يــوم لـلـقـرش
كــبـــار الـعــقــول قـلـوبـهــم مـاتـهـابــي

بـارض(ن) يجفّـل صيدهـا همّـل الطـرش
والـفـقـع صـلّــع شـــال عـنــه الـتـرابــي

حــول العـيـلـي والـرحــى والـمـطـر رش
وقـبـلـه جـلــى عــنـّـا كـثـيــف الـظـبـابـي

يازين مجلاس(ن) على الأرض والفرش
عشـب(ن) مــع البطـحـا صـبـغ بالثيـابـي

وجمـع الحطـب مـن قبـل مانرمـي القـش
فــــرس(ن) تــوقــد والـغـظــا بالـتـهـابـي

وسـواة فنجـال(ن) عـلـى الجـمـر ينـعـش
لاروحــت ريـحـه خـاطـري مـنــه طـابــي

مــع حـلـوة(ن) للـجـوف تـمـره مـجـرّش
او سـكـريــن واســتـــوى بــحـــر آبـــــي

وبمعـدنـن مــن صنـعـت الـهـنـد مـاغــش
شــايــه ربــيـــع وســكّـــره دوب ذابـــــي

هــاذي مـنــاة الـعـمـر والـعـيـن تـرمــش
وبــاقــي الـمـنـايـا لــوغـــدت للـســرابــي

وصـــلاة ربـــي عــــد مـايـنــزل الــطــش
عــلـــى مـحــمــد ســورتـــه بـالـكـتـابــي

وســـلامـــتـــكـــم
للشاعر/عبدالله بن مصبّح

[عتيبي والفخر]

صح السانـــــــــــــك ولسـان عبدالله ..

[محقني الخبر]

صح لسان الشاعر بن مصبح


وتسلم على الاجتهاد ياغالي

[صهيل قلم]

مشكور ويعطيك الف عافيه


وصح السان قايلها












.

[مستر عتيبي]

شح لسانك و لسان شاعرها

[خيال الصبحا عطو]

صح السانـــــــــــــك ولسـان عبدالله ..

اخي عتيبي والفخر


تسلم على مرورك المشرف


وصح بدنك

[بنت* عتيبة]

خيال الصبحا


تسلم على المشاركة اللطيفة

[طيب الفال]

وانت سالم وغانم ياخيال الصبحا


صح السانـــــــــــــك ولسـان الشاعر/عبدالله بن مصبّح

لاهنت

[المحقنيه]

صح لسانك على قصيده

[الــــعتيبي]

يعطيك العافيه

[الــــعتيبي]

ما قصرت