عبدالله المرشدي
10-23-2006, 02:44 PM
كل عام وانتم بخير وتقبل الله منا ومنك صالح الاعمال
الله عليه اشلـون عيـد بدونـي=وانـا بعيـدي ماتهنـا بدونـه
لا والله الا فيه خابـت ضنونـي=وانا على عهده مخيّـب ظنونـه
عيدي قضيته بين هم وغبونـي=وعيده وناسه ماشكى من غبونه
ياوجد حالي وجد من به طعوني=كسير حـربٍ مثخنـاتٍ طعونـه
خلوه ربعـه بيـن ذلٍٍ وهونـي=تدمع عيونه كـل مـازاد هونـه
يبكي على فقد الاهل والضعونـي=يذوب حاله يوم قفـت ضعونـه
على الذي يحوي جميع الفنونـي=من كل وصفٍ زين كمّل فنونـه
الجادل اللي زاد عـوده ليونـي=ريان عـوده ناعـمٍ بـه ليونـه
راع العيون اللي حورها فتونـي=اهداب رمشـه للمعنـى فتونـه
لاهز رمش العين يسحر عيونـي=ماقدر اناظر في نواعس عيونـه
وان قال ياحبي تهيض شجونـي=صوته يهيض بالمولع شجونـه
من حلو صوته ذابت ابراج فوني=ماغيـر اردد آه ياحـظ فـونـه
ماغير انا والشوق دونه ودونـي=شوقي ورا شوقه وجنبه ودونـه
لو زاد بعده يوم سبـب جنونـي=وانا صراحه ميتٍ فـي جنونـه
صادق بحبـي مايفكـر يخونـي=وانا بعد مثلـه مافكـر اخونـه
ظني بمحبوبي لحبـي يصونـي=حتى ولو ماصان حبي بصونـه
يامر على روحي وكلي يمونـي=وانا عتابه بـس ماقـدر امونـه
غيره كثير اللي لوصلي يبونـي=وغيري كثير اللي وصاله يبونـه
قلبي يصيّح مالقى مـن يعونـي=قلب العنى ياليت ربـي يعونـه
بالله ياللي فـي مكانـه تجونـي=لاصار غافـل مـادرا لاتجونـه
لانه يخاف من اصل طبعه حنوني=مشاعر المجمول جـدا حنونـه
عن حال ملهوف الحشا خبروني=وعن حالتي ياليت لو تخبرونـه
قولـو بحبـه كاثـراتٍ ديونـي=قلبي بحبه غـارقٍ فـي ديونـه
مانساه لو باحلى البني خيرونـي=والمشكله لـو كـان بيخيرونـه
ياناس احبه صدقو واسمعونـي=وان ماقتنعتو ليتكـم تسمعونـه
خلوني اكتـب علكـم تفهمونـي=يمكن لطيف الروح ماتفهمونـه
شعري على حسنه يسطر لحوني=واكتب جزيل القاف وابدع لحونه
اذا قريتـوا قصتـي تعـذرونـي=حتى ولـو مظلـوم ماتعذرونـه
اللي قهرني كيف عيـد بدونـي=وانـا بعيـدي ماتهنـى بدونـه
عبدالله مرزوق المرشدي
الله عليه اشلـون عيـد بدونـي=وانـا بعيـدي ماتهنـا بدونـه
لا والله الا فيه خابـت ضنونـي=وانا على عهده مخيّـب ظنونـه
عيدي قضيته بين هم وغبونـي=وعيده وناسه ماشكى من غبونه
ياوجد حالي وجد من به طعوني=كسير حـربٍ مثخنـاتٍ طعونـه
خلوه ربعـه بيـن ذلٍٍ وهونـي=تدمع عيونه كـل مـازاد هونـه
يبكي على فقد الاهل والضعونـي=يذوب حاله يوم قفـت ضعونـه
على الذي يحوي جميع الفنونـي=من كل وصفٍ زين كمّل فنونـه
الجادل اللي زاد عـوده ليونـي=ريان عـوده ناعـمٍ بـه ليونـه
راع العيون اللي حورها فتونـي=اهداب رمشـه للمعنـى فتونـه
لاهز رمش العين يسحر عيونـي=ماقدر اناظر في نواعس عيونـه
وان قال ياحبي تهيض شجونـي=صوته يهيض بالمولع شجونـه
من حلو صوته ذابت ابراج فوني=ماغيـر اردد آه ياحـظ فـونـه
ماغير انا والشوق دونه ودونـي=شوقي ورا شوقه وجنبه ودونـه
لو زاد بعده يوم سبـب جنونـي=وانا صراحه ميتٍ فـي جنونـه
صادق بحبـي مايفكـر يخونـي=وانا بعد مثلـه مافكـر اخونـه
ظني بمحبوبي لحبـي يصونـي=حتى ولو ماصان حبي بصونـه
يامر على روحي وكلي يمونـي=وانا عتابه بـس ماقـدر امونـه
غيره كثير اللي لوصلي يبونـي=وغيري كثير اللي وصاله يبونـه
قلبي يصيّح مالقى مـن يعونـي=قلب العنى ياليت ربـي يعونـه
بالله ياللي فـي مكانـه تجونـي=لاصار غافـل مـادرا لاتجونـه
لانه يخاف من اصل طبعه حنوني=مشاعر المجمول جـدا حنونـه
عن حال ملهوف الحشا خبروني=وعن حالتي ياليت لو تخبرونـه
قولـو بحبـه كاثـراتٍ ديونـي=قلبي بحبه غـارقٍ فـي ديونـه
مانساه لو باحلى البني خيرونـي=والمشكله لـو كـان بيخيرونـه
ياناس احبه صدقو واسمعونـي=وان ماقتنعتو ليتكـم تسمعونـه
خلوني اكتـب علكـم تفهمونـي=يمكن لطيف الروح ماتفهمونـه
شعري على حسنه يسطر لحوني=واكتب جزيل القاف وابدع لحونه
اذا قريتـوا قصتـي تعـذرونـي=حتى ولـو مظلـوم ماتعذرونـه
اللي قهرني كيف عيـد بدونـي=وانـا بعيـدي ماتهنـى بدونـه
عبدالله مرزوق المرشدي