القصيده التي أثارت بنااااتالخليج

[هداج تيما]

القصيده التي اثارت غضب بنات الخليج .. ومعاها ردود...

هذه قصيده كتبها احد الخليجين بعد قدومه من المغرب خلونا نشوف وش قال :


ياللي تنشد عن علوم الــــــذي طاف .. كل البحور وكل دوله وديـــــره

خذ من علومي علم اوصافه اوصاف .. جزل سمين يشتعل له ســعيده

الزين عقب المغربيات ينــــــــــــعاف ..غيد لهن بالزين ذكره و ســـيره

فيهن حلا طاغي ولين و تــــــــعطاف .. وفيهن حنان يشعل القلب غيره

حلوات وصف وفاهــــمات بالاعراف .. زيننات منطق صافيات السريره

بنات قوم طيبهم غصــــــــــــب ينشاف .. اولاد مغرب بالليل العســـــيره

ياللي تنشد عن علومي بالانصــــــاف .. هرجي يكفي صامله عن كثـــيره

الزين في لميا وتغريد و الطــــــــــاف .. ماهوب في حصه و كشره و منيره

-----------------

الرد اللى يبرد القلب

قال الذي في بدع الامثال صراف .. جزل يفرق بين درهم وليـــره


ياللي مدحت المغربيات بجـــحاف .. الله يجيرك من عماه البصـــــيره


لو تعجبك لميا وتغريد والطــــاف .. مايصلحن لهل الوجيه الســـــفيره


مفصخات و لبسهم حـول الارداف .. وبليس اغواهم بكشف الستيره


متعودات كلهم زيف وخفـــــــــاف .. على التغنج والتعطف وغيره


كل يوم مع صاحب و لافيهم اعفاف .. خويهم اللي فلوسه كثيره


ترى البضايع عده اشكال و اصناف .. وكل ينوخ وسط سوقه بعيره


عز الله ان الطيب في بنت الاشراف .. اللي على الحشمه تربت صغيره


ولا تبين منها كود الاطــــــــــــــراف .. مثل القماشه فالبحور الغزيره


ياللي تدور بالجواهر و الاصـــــــــداف .. الزين كله في بنات الجزيره

-----------

وهذا رد للمرحوم طلال الرشيد (( الملتاع )) .. الله يرحمه

يابن الحلال ان طعتني خل الاســـراف .. واترك جمال الغيد لاهل البصيــــره

الزين موبس في الملامح والاوصـــــاف .. الزين روح وعفه وطيب سيــــــــره

مانيب من يهوى سريا وانصـــــــــــــاف .. انا هواي وبس بنت الجزيــــــــــره

بنت الخليج اللي تماري بالاعــــــــراف .. وحنا نماري باسمها كل ديــــــــره

مالي غرام بقول وخا وبالـــــــــــــــزاف .. اذبحتني عند الطرحه المستديــره

احب قولة ياهلا وعل وماخــــــــــــلاف .. من بنت ثوبي بنت الارض النضيـره

اللي تحلاها الظبي حلو الاطــــــــراف .. جمال في عفه ورقه وغيــــــــــــره

واللي بها سحر مهو سحر عــــــــراف .. ياعل عين ماتراها ضريــــــــــــــــره

عطف وحنان وذوق في لين الاعطــاف .. والى كشفت لثامها شفت أميـــره

صعب على اللي بالردي شاف ماعاف .. وحلوه علىاللي سنه الله ضميــره

شمس الى من اشرقت والدجا طـاف .. غابت نجومك غصب لو هي كثيــره

السيف مايزهى سوى كف سيـــــاف .. والخيل دون حصانها مستخيـــــــره

بس أنت دورلك على قدك لحــــــــاف .. وان طعتني دور بدلنا عشيـــــــــره

وســـــــــلامتكم




(أما حكاية كشرة منيره ) شي وش رايك نيرااانووووه

[سمران القثامي]

الأخ الغالي / هداج تيما الله يعطيك العافية على الإختيار وبلا شك بنات الجزيرة وبنات المسلمين ان شاء الله على خير ولانعمم الصفات المذكورة على جميع البنات ولكن الله يهدي بنات المسلمين الى الطريق القويم ورحم الله الشاعر طلال الرشيد فقد رد باسلوب راااائع ولاهنت ياهداج بعدين وش اللي يزعل بنات الخليج ( المجون - الخلاعة -السفور ) باالعكس هذا مجال سخرية وتهكم وليس من دواعي الزعل





أخوكم/ سمران القثامي

[طالع]

الاخ هداج

سلمت يمينك على هذه المساجله الشعريه المتميزه

تقبل تحياتي

[هداج تيما]

عيد الجماعه


سمران القثااامي



مشكوووورين علا المرور

[@ عتيـبـي نجــد @]

هداج تيما
يعطيك العافيه
دائماً ونقلك مميز ورائع
واختيارك موفق
تحياتي

[الدجيما]

اخوي هداج مشكور على المشاركه لكن الذي اود ان اقول ان الشاعر

هداه الله تسبب في اهانه الشعر عندما اساء استخدامه في ماليس

من رسالة الشعر والشاعر ونسي او تناسى ان اهم مايميز المراءه

عفتها ونزاهتها وحفضها على شرفها.




الدجيما