العدل في نظر جبران خليل جبران

[السعار]

هذه قصيدة من قصائد اديب المهجر جبران خليل جبران الذي يصف فيها العدل وكأنه يصفه في عصرنا الحاظر .. فهل سؤ القدر مستمر في عالمنا العربي منذ الازل ؟؟؟؟؟؟... فقط ملاحظة.

والعدل في الارض يبكي الجن لو سمعوا به * ويستضحك الاموات لو نظروا
فالسجن والموت للجانين ان صفروا * والمجد والفخر والاثراء ان كبروا
فسارق الزهر مذموم ومحتقر * وسارق الحقل يدعى الباسل الخطر
وقاتل الجسم مقتول بفعلته * وقاتل الروح لا تدري به البشر

هذا والله يصلح الاحوال ...

[لسان حاشي]

السعّار

يا قـــــــوّ الكلام هذا قــوّّاه !!!!!!!!!!!

انت وان لقيته؟

والله انه اقوى من قصيد عبدالمعين و ابن لعبون
و ابن سبيل و الوقداني

النايف
مديرنا

تكفا رشح هذا الاختيار لجائزةاحسن انتقاء

[السعار]

ياهلا يابو الحشاحيش بصراحة الله ما كنت اظن أن في هذا المنتدي من يهنم بادب المهجر ولكن عشنا وشفنا يابو سحيمان.. المهم أرجو أن تواصل ابداعاتك الرائعة خصة في ادب لعالم الحفي..

[صلوا على محمد]

السعار معروف بمواضيعه الممتعه والمفيده

مشكووور السعار

["الباشق"]

الله يعطيك العافيه يالسعار


والله يصلح الاحوال

تحياتي

[السعار]

مشكور ياخوي الباشق على المرور المشرف .. بصراحة توقيعك رائع.

[السعار]

اهلين يا بنتي نوسة الله يحييك دائما ولكن انا انقظعت عن المنتدي لسفري الطويل والمستمر .. ولكن احاول ان اعود حسب القدرة والظروف.. مشكورة على الاطراء الجميل..

[ابوسـعد]

وشو هذا؟؟؟؟
وشلون غصت يالحشحوش على هالمقطع ..والله انك فعلا تهتم بالادب المغيب او الغائب او الخافي اعظم....
بس عاد وقف عند حدك لا تجيب طبلونك الشعراء في نجد مسكتين يعيشون في الصحراء ويتكبدون الموعانات اكثر من شعراء المهجر....
كثير من يترك بلاده ويسافر الى عواصم الضباب ويعيش عيشه هنيئه ويدعي انه مهضومه حقوقه ويصارخ بأعلى صوته ويقصد وشعر ويرسل للاوطان قصائد ورسائل عبر"الانتر نط"ويطلب منهم التظاهر ونسف الاوطان....وهو الله يعطيه العافيه عايش في ارقى الاماكن ويتزوج كل يوم على الطريقه المسيارية ...
اطلعوا على مقال في الرياض اليوم السبت عن زواج المسيار في اندونيسيا يالها من مهازل....
والسعار حقيقة مواضيعه اكثر من رائعة وانا ودي اخاوية مرة لعواصم المهجر لكن مهوب هالسنه يمكن السنه الجايه ان الله اعطانا عمر وبدل ما ندور ضببه في نجد الحبيبه ندور السنة حواشي في اوروباء ويمكن اقناع جمعية الرفق بالحيوان بالبساطه..لسبب بسيط جدا وهو ان الجمعية ضعيفه ما عندك احد..لأن اليهود والمسلمين ضدها...فرع واحد يمكن ان ينجح للجمعية وهو فرع الخنازير لأننا ما نأكلها...
موضوع قديم شفت تاريخ العرض كان في عام 2004م..
لكنه جيد وكلماته راقيه ولايمنع من الترشيح لكن مع الرجاء لاتقارنونه بشعر عبد المعين او ابن لعبون او محسن الهزاني ترى انا مناب مؤيد الترشيح الا بشروط ...
ومشكور يالسعار الي كتب الموضوع ومشكور ياللسان الي احياء الموضوع وهو منسي.....والله الهادي

[السعار]

يابو سعد انا بصراحة اشكر اخوي لسان ... ولكن لن اكل لسان حاشي بالمرة هذا بينك وبين من تحب ان يشاركك فيه .. المهم انا لن اعزمك على احازاتي الصيفية ولكن لك عزيمة عندي في واد المحاني ومجبر انك تجي بأذن الله .. وانا أوعدك بأن تاكل لسان الحاشي.. وليس لسان حاشي..لانني لن اقتل سيد ادب العلام الاخر.. وبصراحة انت رشحت الموضوع وهذا تشكر عليه ولكن رجعت في كلامك ولا اعلم ماهي الاسباب.. انا بصراحة لا ارشحه أن يكون موضوع مثبت لانه مايستاهل ولكن سيد ادب العالم الخفي له نظرة ادبيه تختلف عن الجميع.. وادب المهجر ادب معروف ومشهور وجبران هو احد مؤسسيه .. ولا يهمك كل من صاح في الهايد بارك أو غيره من الساحات العامه والمنتديات الغامظة..

[ابوسـعد]

على طاري الهايد بارك كنا نردد قصيدة و يحضرني مطلعها ولا اعرف قائلها

الزين في وسط لندن لقيناه=في الهايد بارك والبحيره مقره
شكرا يالسعار على الدعوة وان شاء الله بحول الله ازورك وان جاء معنا سيد ادب العالم الخفي ترى ما عندي مانع وانبغى يجيب معه جن فالله يحييه بعد هو واياهم..وانا ادرم كلش لسان حاشي والا حاشي لسان والا الحاشي الملوسن والا لسان الحاشى..المهم لحم حق الملوسنين ...بس لاتنسى ترى الوقت طويل واخاف ننسى وتضيع العزيمه ونرجع بخفي حنين
انا مؤيد ولازلت بس اعتقد ان شعراء نجد اكثر عطاء من شعراء المهجر سواء جبران او ايليا ابوماضي او غيرهم وشعر جبران شعر راقي ولا غبار عليه

[حسام هوازن]

السعار

شكراً على مانقلته لنا عما قاله جبران خليل جبران

ولك كل التقدير والمحبة

[ابوسـعد]

السعار مايكفيه شكر وبس وش رايك تخاويني يم ادياره في الصيف القادم ترى مهيب شينه...مايدري الا ان اهل المنتدى يغنون الهجيني في شعيب المحاني...فكر وعلمني وشكرا..وادب المهجر رفيع لا شك في ذلك

[راع المحاني]

نص جميل للشاعر الفيلسوف,

جبران فيلسوف بالمعنى التقليدي المتعارف عليه في تراث الفكر ,على غرار افلاطون وابن سينا وتوما الاكويني وكانت. فقد تطرق الى النقد الاجتماعي الخاص بالحريه والتدين والطبقيه والحب والخير والشر.

تحياتي

راع المحاني

[السعار]

مشكور ياراع المحاني على هذه الاضافة الرائعة وانت دائما من اعلام هذا المنتدى البارزين لانني احس انك تكتب تحت اكثر من اسم .. احترامى لك...

[ابوسـعد]

اهم شي الطرح الجيد وان بغى يكتب بالي يبى ..يكفيه شرف انه من هاك الديار طال عمرك...الي ماتنجب الا مثله وشرواه..وياهلااااااااااااااا

[راع المحاني]

الاخ السعار شاكر لك كلامك الطيب, وللعلم فقط: انا متابع للمنتدى منذ سنه تقريبا, واول مشاركه لي كانت بموضوع (طرح الغريب) للمتميز ابو سعد
تقبل التحيه والموده

------------

ابو سعد

كلامك وسام عز ومصدر للفخر.. طال عمرك