الظفيـــر والكاذب هايف بن نعيم المطيري

[الـظـفـيـري]

وهي رد على الشاعر الكاذب المزور للتاريخ \ هايف بن نعيم المطيري


عندما قال


اكلنا راس عباس الظفيري \\ وكم من روس قبله قد كلينا



ولكل مجتهد ٍ نصيب ... ... ...





سلام الله في بادي حكينا == على طه ختام المرسلينا

ومن بعده ابا اغني واغني == بعالي الصوت والحس الرطينا

سلام الله لحمران النواظر == خوالي هم كعام العايلينا

مطير بساحة الهيجا كوارث == ومن يجحد عليه الله عوينا

خوالي ثم خوالي ثم خوالي == لهم فعل ٍ تخلده السنينا

ولكن يا خوالي ما رضيتوا == على هايف يسب الغانمينا

وانا ابا وجه الهرجه لهايف == عسى الله يهتديه ويهتدينا

يا هايف خوذ مني كلمتين ٍ == وخذهن عبرتن لي يوم دينا

ترا ربعي لهم افعال تذكر == وتعال اذكرك يوم ٍ خذينا

ذبحنا عيال ابو عجرا يا خالي == قطعنا نسلهم حتى الجنينا

وترا مسير وهو اللي مسجر الخيل == ذبحنا له من الصهبه اربعينا

وذبحنا الشيخ ابن شقير هايف = = غزانا واعتزينا وانتخينا

وذبحنا الشيخ ابن بدر الدويشي == لجل عيناك يا عقاب الدفينا

وذبحنا الشيخ ابو فيصل الاصقه = = ذبحنا سعود وانتم عايلينا

وجلنا بالشقايا ثم صلنا == وربعك تشهد لضرب اليدينا

غدينا بالهوامل بير عالي = = ولا احتالوا من المخلاص فينا

وبعيد الغزوه صاهود ابن لامي = = طريح ٍ عند ربعي المعتقينا

منعوه واقلعوه بحد شلفا == قضيب اليد ما ناشه ضغينا

لعينا العصلب اللي قام وعيا == حلف بالله ما ينوشه حدينا

توكل يا ابن لامي وكمل == طريقك لا نجيك ولا تجينا

تعهد للعريف وقام وطلق == بانه هو لهم درع ٍ حصينا

وتذكر في كلاوه قد فعلنا == بفيصل تشهد الهيه علينا

وتذكر فعل ابا ذراع ظاهر = = طرح فيصل وقاده كامعينا

اخو سلمى كعام الضد دايم == الا من صاح تجن الخيل فينا

وتذكر ذود ابن عشوان اسمه == رفاعي قد خذيناه وخذينا

ما رده دوننا فارس وراعي == دونه مسير ٍ ذرب اليمينا

وتذكر بالحنيه كان تذكر == فعل ربعي بماضية السنينا

تذكر يوم تكذب يا مطيري == قلبت فعولنا فعل ٍ علينا

اكلتوا راس عباس الظفيري == وكم من روس حنا قد كلينا

ترا عباس ما اصله ظفيري == موظف بالحدود ومبتلينا

ونسيت الفعل فعل الحر الاشقر == نسيت كريدي الحر الثمينا

كريدي الشويش شيخ ٍ ما يجارا == عصب راسه وقال اخو الرزينا

شعاكم شعية الخرفان ياللي == على الهيات كنتوا منتوينا

ورد البل واخذ منكم اباعر == رضاوه للذي كاسيه دينا

وقام الشيخ سفاح المطنـّخ == بغاره عقبها صحتوا الغبينا

وقام الشيخ سفاح المظفر == واخذ ذود حضريه شوف عينا

وقام الشيخ سفاح بن حلاف == يا طيب الفعل يا ذرب اليمينا

اخذ سته من اذواد ابن جاموس == ولا احتلتوا على الرده علينا

الى ان ردها سعود ابن سعود = = ملكنا ردها صافي الجبينا

وانا عرقي ظفيري يا مطيري == نشد بعزم وبلحظه نلينا

كرام ٍ من كرام ٍ من كرامي == لنا العلياء دون العالمينا

ولا اهتم حق نبح الكلابي == ولاني بصوب نبح النابحينا

انا خيال قحصات السبايا == وانا خيال طلقات اليمينا

انا شوق الهنوف الغشمريه == عنود الصيد موضية الجبينا

وترا اسم الظفيري من يطوله == يطول المجد وينعم بالسكينا

واحذر كل من جانا يماري == ترانا عيال فوق العايلينا

على قب المهار اللي تلاوا == ونقضب بيدنا شلف ٍ سنينا

وانا يا مطير حاشا ما اسبكم == واحبكم حب ام ٍ به ربينا

ولكن يا مطير انتوا كذلك == تحقرون الذي يكذب علينا

وكل بما مضى يفعل ويترك = = ودرب الكذب ما مره يجينا

نعد الطيب ما نظلم بختنا == ولا نرضى بسب المسلمينا

الا يا مطير حمران النواظر == ابي منكم سموحه ما خطينا

ولكن الفعل يرجع لاهله == وسب الناس ما يرضي حدينا

واذا هايف زعل من هرجة ٍ لي == ترا محمد يقص الحق فينا

ابو خلف كبير الشعر والله == كبير ٍ فوق كل العالمينا

تقاضينا الحقوق بشرع ربي == سن بسن وعين ٍ بعينا

تقاضينا الحقوق بما رضينا = = وترا الخس يشهد باليمينا

وصلى الله على الهادي محمد == اخير من الحكي يا سامعينا


وهي لاحد ابناء العمومه في السعوديه



ونحن نشكره على حميته

[الحصان]

ونعم باالظفيرومطير ولكن اخي الظفيري القصيدة مكسّرة ولا اعلم هل السبب من الناقل او الشاعرعليمي

[الـظـفـيـري]

والله يالحصان يمكن من الشاعر او من الناقل او ان القارئ عليمي بعد :)

وانا اشك انها الثالثه

[الحصان]

لالا القاري عقبري فالشعر ولكن ممكن السبب من الشاعراوالناقل

[نداوي هوازن]

ونعم ومليون نعم بالظفير .. واللي يسبهم ظالم ٍ حظه
لكن فعلا يالظفيري القصيده مكسره بالحيل ولو ان المعاني واضحه ..
لكن رأيي لو تم التوضيح نثرا كان افضل وابلغ .
تحياتي

[سيحان]

الاكيد ان البلا فالناقل والاّ كان انتبه ( ونعم فالظفير وفي مطير)

[عزام الوسمي]

كسر القصيد ينفي الكذب عن هايف .. فليتك يالظفير جملت قصيدتك قبل ان تطلق لفظ كاذب .... مع العلم اننا لاندري لان منهو الكاذب !!!!!!!

[بعيد النظر]

ونعم فيكم يالظفران شيخكم ابن سويط وسطرله التاريخ وانتم مافيكم اقصور وهايف بن نعيم ظلم القبايل كلها الله يهديه ويصلحه ولاكن يالظفيري القصيده مكسوره وبيض الله وجهك اهم شي الفكره

[قناص عتـــــيبة]

حياك الله يالظفيري ونعم فيك وفي ربعك ونعم بمطير .. وصح لسانك

ولكني أرى ليس مكان القصيدة هنا في منتديات عتيبة لأنها ليس لها موقع من الأعراب وتبي ترد على هايف نزلها في منتداهم ..

وعلى راسي يالظفيري حياك ....... تحياتي

[المطيري305]

يــأظــفـــيــري
إذأ كــأن العب فــي المــواضــيــع كــذا
انا أبـــي أسميك الكــأذب
مــوضوـوع جيد يالــكــاذب

[ذيب الصمان]

يالظفيري

قبيلتك ونعم فيها بس انت ماخليت شي ذبحت مطير كلها زين ماذبحتوني

انا بعد , تدري شنو المشكله ان الخير يخص والشر يجمع , الله يصلحك

انشالله,

[الرجم الشرقي]

صح السانك اخوي قناص عتيبة الموضوع مومحلة منتدانا بس مدام الظفيري نزلة عندنا لازم نرد علية لاني من المعجبين بقصائد هايف بن نعيم تدري القصيدة اللي هذي طولها انها عشان بيت واحد من شاعرهايف وهو
كلينا راس عباس الظفيري == وياما روس من قبلة كلينا

وعباس كان قائدالجيش العراقي وذبحوه الصعران من مطير وبيت هايف ماجاء من فراغ بس هاذا شاعر مندفع وصغير بسن ولايعرف التاريخ واخيرن ونعم بقبيلة الظفير وانا اعرف ان لكم من الفعال البطولية الكثير ولاكن قبيلة عتيبة تقول الصحيح

[طارق ولد أبوه]

شاعر صغير بالسن أتوقع له مستقبل كبير

يالظفيري أوصلت لنا القصيده بأحساسها

وأحساسك ذا ماهو احساس الا الأصيل أبن اصيل

وذا تبي تركض يالأصيل ورى الكذب والله بتتعب

الكذب وااااااااااااااااجد