عطيب عتيبه
09-14-2006, 11:33 PM
بسم الله الرحمن الرحمن
السلام عليكم ورحمة وبركاته
محاورة حلوة بين العريس والعزوبي
(((العزوبي)))
قال العزوبي يوم شاف المعاريـس *** الرابـح اللـي لاقعـد مايقومـي
اول سنة كلٍ يبث الاحاسيس *** وثاني سنـة تجلـب عليـك الهمومـي
وثالث سنة حط الرمل والمتاريس *** لابد مـن حـربٍ تقـوم وتدومـي
لامن دخلت الدار لاكنهـا بليـس *** متلفلـفٍ فـي غاليـات الهدومـي
تأخذ من المخباة وتسحب من الكيس *** وتغير الموديـل شـيٍ لزومـي
وان قلت ما أملك يامره لوهو فليس *** قالـت تديّـن لا تكثـر بلومـي
ولاجيت مرة ناويٍ لك بلزومي....... *** قالت تصّبر خل قلبك رحومي
ليتك تساعدني تصحح كراريس *** زادوا علينا أربع حصص في العلومي
ألوزارة في العصر والصبح تدريس *** والليل تصحيـحٍ وودي أنومـي
تبكي إذا جاها وجع لوهو ضريس *** وتقول أبي دكتور ماهو حكومـي
يروح عمرك بين عرسٍ وتأسيس *** واربع سنيـن والبزاريـن كومـي
وسط المطابخ بين قز ومحاميس *** هـذا صحـن رزٍ وهـذاك ثومـي
والا خلصت إمنظفٍ الملاليس *** جتك تقـول انهـج نبـي زود لومـي
ولا جبت قالت اكنس الحوش تكنيس *** خل البلاط يصير مثل النجومـي
ومكرسٍ جهدك من الخوف تكريس *** وان نادتك بالصوت اقبلت مومي
يجيك تـال الليـل دايـم كوابيـس *** ويشيبنـك مزعجـات الحلومـي
هذي حياة اللي ركض باغي...... *** ضيع حياة أول وصار محرومـي
تعيش يالمعرس حياة المحابيس *** وشف العزوبي بكل شـارع يحومـي
من مفرق جلاجل إلى جوي للحيس *** وان حار حايرهم بوسطه يعومي
يفرح إذا شاف الوتر والمراويس *** وفي كل يـومٍ كاشـتٍ ومعزومـي
شف العزوبي مايعرف الهواجيس *** ولا يـودي حرمتـه كـل يومـي
يا عنك ماحاش الفخر والنواميـس *** الا عزوبـيٍ يعـرف السلومـي
اذا اعرس المعرس غدا عندنا هيس *** ونزيل اسمه من سجل القرومـي
والى بغيت البهذلة والدحاويس *** فأعرس وخلك من عـداد الرخومـي
وش صابكم من عرسكم يا المفاليس *** وش استفدتوا غير دق الخشومي
اللي تزوج أشهد انه غدا تعيس *** والرابح اللـي ماخـذٍ لـه..........
ترى عناق العام نطت على التيس *** والحرعقب العرس يصيـر بومـي
((((( قـــــــــــــال الــــعــــريـــــس )))))
قال العريس أنا الذي في سعاده ××× ماني عزوبي ضايق الصدر مهمـوم
مبسوط من مثلي قعد عند غاده ××× مهوب مثل اللـي لحالـه تقـل بـوم
في كل ليله حاضنٍ له وساده ××× وانا مع المزيـون فـي غرفـة النـوم
أنا اشهد انه عايشٍ في قـراده ××× يـروح عمـره مـا تهنـى ولايـوم
الى دخل للبيت يبلش بـزاده ××× يقعـد يقطّـع لـه طمـاطٍ معـه ثـوم
ولا قضى عقب العصر من عداده ××× والحوض من كثر المواعين مزحوم
والى غسلهن ثم فك السـداده ××× دلـى يغسـل لـه سراويـل وهـدوم
وان ماطبخ روّح لمطعم حماده ××× والا قعد في منزلـه واعلـن الصـوم
وان جاه ضيفٍ باغيٍ له رفاده ××× يـروح يشـري رز وايـدام ولحـوم
ما يعرف الشمبو وراسه عراده ××× وشمغه من الكـواي مليانـه رقـوم
ما يكنس الفرشـه ويلقـط بـداده ××× امـا بقايـا رز او خبـز معـروم
عنده صراصيرٍ بحاجه اباده ××× تسرح وتمرح في الغـرف دايـم الـدوم
يجمع قروشه ويتسلف زياده ××× حتى يسافـر مصـر او ديـرة الـروم
او راح يم التاي وترك بـلاده ××× ناظـر جـوازه ممتلـي كلـه ختـوم
دايم يسافر مـا يعـرف العبـاده ××× يسكـر وينكـر و........ بالكـوم
وإلى رجع يروح يم العيـاده ××× حيـث ان فيـده مـن فعايلـه مزكـوم
وإلى قعد مارس مع .......عاده ××× حيثه مسيكينٍ من العـرس محـروم
له موتر خرده كثير فساده ××× في كـل يـومٍ فـي الاشـارات مصـدوم
غمارته تقول ورشـة حـداده ××× ومريقـده فـي شنطتـه دوم محـزوم
دوم يتنقل تقل كنه جـراده ××× فـي كـل يـومٍ نـازل لـه علـى قـوم
يسهر والى قام الظهر من رقاده ××× روّح على شغله والى اليوم مخصوم
يذي بنات الناس يبغي مراده ××× في كل يومٍ زاهمٍ لـه علـى ( هـوم )
اراه مايعرس ويقدح زناده ××× يتـرك بنـات النـاس ويصيـر معصـوم
يلقى هنوفٍ تخدمه مثـل داده ××× ويصيـر رجّـالٍ ويسلـم مـن اللـوم
يفرح الى من قرب وقت الولاده ××× ويصير معنى العرس بالحيل مفهـوم
يشوف أولاده ومعهم شهاده ××× قبـل الوفـاة وقولـة النـاس مرحـوم
وسلامتكم
السلام عليكم ورحمة وبركاته
محاورة حلوة بين العريس والعزوبي
(((العزوبي)))
قال العزوبي يوم شاف المعاريـس *** الرابـح اللـي لاقعـد مايقومـي
اول سنة كلٍ يبث الاحاسيس *** وثاني سنـة تجلـب عليـك الهمومـي
وثالث سنة حط الرمل والمتاريس *** لابد مـن حـربٍ تقـوم وتدومـي
لامن دخلت الدار لاكنهـا بليـس *** متلفلـفٍ فـي غاليـات الهدومـي
تأخذ من المخباة وتسحب من الكيس *** وتغير الموديـل شـيٍ لزومـي
وان قلت ما أملك يامره لوهو فليس *** قالـت تديّـن لا تكثـر بلومـي
ولاجيت مرة ناويٍ لك بلزومي....... *** قالت تصّبر خل قلبك رحومي
ليتك تساعدني تصحح كراريس *** زادوا علينا أربع حصص في العلومي
ألوزارة في العصر والصبح تدريس *** والليل تصحيـحٍ وودي أنومـي
تبكي إذا جاها وجع لوهو ضريس *** وتقول أبي دكتور ماهو حكومـي
يروح عمرك بين عرسٍ وتأسيس *** واربع سنيـن والبزاريـن كومـي
وسط المطابخ بين قز ومحاميس *** هـذا صحـن رزٍ وهـذاك ثومـي
والا خلصت إمنظفٍ الملاليس *** جتك تقـول انهـج نبـي زود لومـي
ولا جبت قالت اكنس الحوش تكنيس *** خل البلاط يصير مثل النجومـي
ومكرسٍ جهدك من الخوف تكريس *** وان نادتك بالصوت اقبلت مومي
يجيك تـال الليـل دايـم كوابيـس *** ويشيبنـك مزعجـات الحلومـي
هذي حياة اللي ركض باغي...... *** ضيع حياة أول وصار محرومـي
تعيش يالمعرس حياة المحابيس *** وشف العزوبي بكل شـارع يحومـي
من مفرق جلاجل إلى جوي للحيس *** وان حار حايرهم بوسطه يعومي
يفرح إذا شاف الوتر والمراويس *** وفي كل يـومٍ كاشـتٍ ومعزومـي
شف العزوبي مايعرف الهواجيس *** ولا يـودي حرمتـه كـل يومـي
يا عنك ماحاش الفخر والنواميـس *** الا عزوبـيٍ يعـرف السلومـي
اذا اعرس المعرس غدا عندنا هيس *** ونزيل اسمه من سجل القرومـي
والى بغيت البهذلة والدحاويس *** فأعرس وخلك من عـداد الرخومـي
وش صابكم من عرسكم يا المفاليس *** وش استفدتوا غير دق الخشومي
اللي تزوج أشهد انه غدا تعيس *** والرابح اللـي ماخـذٍ لـه..........
ترى عناق العام نطت على التيس *** والحرعقب العرس يصيـر بومـي
((((( قـــــــــــــال الــــعــــريـــــس )))))
قال العريس أنا الذي في سعاده ××× ماني عزوبي ضايق الصدر مهمـوم
مبسوط من مثلي قعد عند غاده ××× مهوب مثل اللـي لحالـه تقـل بـوم
في كل ليله حاضنٍ له وساده ××× وانا مع المزيـون فـي غرفـة النـوم
أنا اشهد انه عايشٍ في قـراده ××× يـروح عمـره مـا تهنـى ولايـوم
الى دخل للبيت يبلش بـزاده ××× يقعـد يقطّـع لـه طمـاطٍ معـه ثـوم
ولا قضى عقب العصر من عداده ××× والحوض من كثر المواعين مزحوم
والى غسلهن ثم فك السـداده ××× دلـى يغسـل لـه سراويـل وهـدوم
وان ماطبخ روّح لمطعم حماده ××× والا قعد في منزلـه واعلـن الصـوم
وان جاه ضيفٍ باغيٍ له رفاده ××× يـروح يشـري رز وايـدام ولحـوم
ما يعرف الشمبو وراسه عراده ××× وشمغه من الكـواي مليانـه رقـوم
ما يكنس الفرشـه ويلقـط بـداده ××× امـا بقايـا رز او خبـز معـروم
عنده صراصيرٍ بحاجه اباده ××× تسرح وتمرح في الغـرف دايـم الـدوم
يجمع قروشه ويتسلف زياده ××× حتى يسافـر مصـر او ديـرة الـروم
او راح يم التاي وترك بـلاده ××× ناظـر جـوازه ممتلـي كلـه ختـوم
دايم يسافر مـا يعـرف العبـاده ××× يسكـر وينكـر و........ بالكـوم
وإلى رجع يروح يم العيـاده ××× حيـث ان فيـده مـن فعايلـه مزكـوم
وإلى قعد مارس مع .......عاده ××× حيثه مسيكينٍ من العـرس محـروم
له موتر خرده كثير فساده ××× في كـل يـومٍ فـي الاشـارات مصـدوم
غمارته تقول ورشـة حـداده ××× ومريقـده فـي شنطتـه دوم محـزوم
دوم يتنقل تقل كنه جـراده ××× فـي كـل يـومٍ نـازل لـه علـى قـوم
يسهر والى قام الظهر من رقاده ××× روّح على شغله والى اليوم مخصوم
يذي بنات الناس يبغي مراده ××× في كل يومٍ زاهمٍ لـه علـى ( هـوم )
اراه مايعرس ويقدح زناده ××× يتـرك بنـات النـاس ويصيـر معصـوم
يلقى هنوفٍ تخدمه مثـل داده ××× ويصيـر رجّـالٍ ويسلـم مـن اللـوم
يفرح الى من قرب وقت الولاده ××× ويصير معنى العرس بالحيل مفهـوم
يشوف أولاده ومعهم شهاده ××× قبـل الوفـاة وقولـة النـاس مرحـوم
وسلامتكم