الحصان
09-02-2006, 08:07 PM
عنودٍ تقود الصيـد تنعـم بأمـان الله=عسى اللي وهبها نعمته ما ينغصهـا
وتنعم بأمان الله وفـي حكـم عبـدالله=مادام ادخلت بحماه من عاد يقنصهـا
من الخلق كلّه مادخـل قلبهـا ذلـه=تحدى القنوص ولا تراعـد فرايصهـا
وسيف العداله دونهـا سلتـه سلـه=خسر من نواهـا والمذلـه تقمصهـا
ترب الخلا الخالي عن القصر والفلـه=وغير امها والا اختها ما أحد راقصهـا
طلبها يجيها كـل شـي علـى حلـه=وبنجد العذيه فيه مـا شـئ ناقصهـا
ليا قيل وين الزيـن قلنـا بهـا كلـه=جمالٍ من الهامه كساها اليا اخمصهـا
تشـك بتعزلهـا تـرى مابهـا علـه=من العافيه كن اشجع النحل قارصهـا
عزيزة ومحروسة تبختر على الملّـه=تعيش امهيوبه والشرف من خصايصها
في عصمت ابو متعب عليها امان الله=وعسى اللي منحها نعمته ما ينغصهـا
وتنعم بأمان الله وفـي حكـم عبـدالله=مادام ادخلت بحماه من عاد يقنصهـا
من الخلق كلّه مادخـل قلبهـا ذلـه=تحدى القنوص ولا تراعـد فرايصهـا
وسيف العداله دونهـا سلتـه سلـه=خسر من نواهـا والمذلـه تقمصهـا
ترب الخلا الخالي عن القصر والفلـه=وغير امها والا اختها ما أحد راقصهـا
طلبها يجيها كـل شـي علـى حلـه=وبنجد العذيه فيه مـا شـئ ناقصهـا
ليا قيل وين الزيـن قلنـا بهـا كلـه=جمالٍ من الهامه كساها اليا اخمصهـا
تشـك بتعزلهـا تـرى مابهـا علـه=من العافيه كن اشجع النحل قارصهـا
عزيزة ومحروسة تبختر على الملّـه=تعيش امهيوبه والشرف من خصايصها
في عصمت ابو متعب عليها امان الله=وعسى اللي منحها نعمته ما ينغصهـا