رثاء في والده....!

[عبيد]

عندما يفقد الرجل غاليا تاتي المشاعر الصادقه لتعبر عن مكنون الضمير
وهذا شاعرنا ممدوح ابن حليمه الحزيمي فقد اباه فجادة قريحته بهذه الدره.
البارحه في الحلم ابوي جاني = ياليت حلمي طولت به لياليه
انا اشهد ان الحلم فرحه كساني = واصبحت بعد الحلك ابكي واناويه
تصفق على فرقاه خدي يديني = مثل الصغير ليا فقد شوف غاليه
شمعة حياته انطفت في ثواني = وثوب العزى عن شوفة الكل كاسيه
حطوه في قبر ودمعي غشاني = وعزي لمن مثلي دموعه تواسيه
من بعد ابو مارق تحطم كياني = وياسامعين الصوت من غيره ابكيه
والله لبكي ثم لبكي واعاني = ولو طالت الايام ماني بناسيه
له صورة فالعين تشفي الاماني =من نبعها لحالي ضميري ينلجيه
لو قلتو اصبر قلت صبري كواني = كوية قريص مالقى من يداويه
ولو قلتوا انسه قلت قلبي عصاني = كيف الطفل ينسى يدين تربيه
ابوي من مثله بحب وحناني = الكون كله غارق في شواطيه
ابوي شاركني ظروف الزماني = ليا ضاقت الدنيا عليه اخاويه
ياليت موته في طريقه خذاني = والادخلت القبر قبله امفاديه
ولاعشت في دنيا بليا معاني = يصبح بها العاقل يهدم مبانيه
دنيا تخلي راجح العقل فاني = يظهر على الدنيا وتكثر بلاويه





عــــــــــــــــــبـــــــــــــــــــيـــــــــد

[و ر ا د]

عبيد




رحم الله الفقيد واسكنة فسيح جناتة





وتسلم على هذا النقل الراقي

[الحصان]

صح لسان الشاعر ورحم الله والده واموات المسلمين

[مرضي القيفان]

رحم الله والده وجميع اموات المسلمين
ونسأل الله له ولامواتنا المغفره والرحمه
والنجاة من النار 0

وصح لسان الشاعر ونسأل الله ان يلهمه الصبر والسلوان

وتسلم على هذا النقل وجزاك الله خير

[الدجيما]

اخوي عبيد تسلم على النقل الجيد ورحم الله موتى المسلمين جميعا.

الدجيما

[ركوان الغبيوي]

الله يرحمه وصح لسان شاعرنا

[مخاوي النشامى]

أخوي عبيـــــــــــــــد تسلم يمينك على النقل الرائع
ورحم الله موتى المسلمين

[النـايــــــف]

صح لسانك اخوي عبيد


وصح لسان الشاعر ممدوح بن حليمه


وبيض الله وجهك


على هذا الاختيار


تحياتي لك ،،،،

[اخو من طاع الله]

رحم الله الفقيد واسكنة فسيح جناتة

بارك الله فيك على نقل القصيده