المساعد الشخصي الرقمي

مشاهدة النسخة كاملة : ______(( وين شعار المحاوره ))_____

ابن مسلم
07-30-2006, 02:21 PM
سلام عليكم يالربع ومساكم الله بالخير



هلا مرحبا والملعبه شانها شان = لياصاروا الشعار في مستواها

أنا ماأتخير وأطلب فلان وفلان = لياجاني الصاحي بحثنا خفاها
بوشامه
07-30-2006, 04:23 PM
ابو شامه بيتك غير موزون مع احترامي
ناصر بن سعدي
07-30-2006, 05:09 PM
وعليكم السلام وأسعد الله مساك يابن مسلم


يدوم البقاء للي على الطيب شفقان=رفيقٍ يسوق الكايدات بعصاها
ولا..يابن عمي ذروة القول نيشان=من (العد) دل (الدلو) وإجذب رشاها
ناصر بن سعدي
07-30-2006, 05:37 PM
الغالي


بوشامه


مساء الخير...يالغالي


وأنا كتبت الأبيات لأن أبياتك غير موزونه....


هذا إذا يعجبك النقد الهادف...البناء...


وعادي إنقد بيوتي وعطني رأيك بكل صراحه ترى أتقبلها بصدر رحب...


وتقبل تحياتي
بوشامه
07-30-2006, 05:47 PM
المهم انا تراني بالي وسيع جداً وانا ليس ناقد وفي رائي اني اعطي الطاروق حسب فهمي في اللحن واعتقد ان
كل مجال المحاورات بالمراسله يكون على هالنمونه 0

كما اني اشكرك اخوي ناصر بن سعدي على سعت الصدر 00 واشكر كذلك بن مسلم واخلي لكم المجال في

اتمام محاورتكم 0 ولكم تقديري00
ابن مسلم
07-30-2006, 05:56 PM
المهم انا تراني بالي وسيع جداً وانا ليس ناقد وفي رائي اني اعطي الطاروق حسب فهمي في اللحن واعتقد ان
كل مجال المحاورات بالمراسله يكون على هالنمونه 0

كما اني اشكرك اخوي ناصر بن سعدي على سعت الصدر 00 واشكر كذلك بن مسلم واخلي لكم المجال في

اتمام محاورتكم 0 ولكم تقديري00


بيض الله وجهك وهاذا من طيبك وكلنا نتعلم ونخطي ولاهوب عيب وخير الرجال رجل عروف وأبشر بالعوض بكره إن شاء الله أنتظرك تبدي علشان أحاول أطبق معك اللحن وشكراً
شاعر روق
07-30-2006, 06:00 PM
الاخوان ابن مسلم وابن سعدي

طاروق يستحق المتابعه

واصلوا الله لايهينكم

تقديري

طاروق
ابن مسلم
07-30-2006, 06:12 PM
شكراً لمرورك ياشاعر روق

وأستلم يابن سعدي جاك يامهنا ماتمنا
الله الله الله
تطير الطيور وكل طيرٍ بجنحان = لاكن الحرار اللي تصيد لعشاها

فلاكن حلق فوق ياطير حوران = نبا نخفي الدعوى على من قراها
سيف قحطان
07-30-2006, 06:36 PM
السلام عليكم

مساكم الله بالخير يالربع

الله الله صحت وطاب الليل طاب وانا في صف ابن مسلم

وسروا الليل يا شعار

سجلوني متابع واسمحلوا لي بالتسق
سيف قحطان
07-30-2006, 06:41 PM
ابن مسلم



هلا مرحبا والملعبه شانها شان=لياصاروا الشعار في مستواها

أنا ماأتخير وأطلب فلان وفلان=لياجاني الصاحي بحثنا خفاهـا



ناصرابن سعدي

يدوم البقاء للي على الطيب شفقان=رفيقٍ يسـوق الكايـدات بعصاهـا
ولا..يابن عمي ذروة القول نيشان=من (العد) دل (الدلو) وإجذب رشاها
ابن مسلم
07-30-2006, 06:57 PM
سيف قحطان

مساك الله بالنور

ووجودك يشرفني وعلاك بالصف لاوصيك
ناصر بن سعدي
07-30-2006, 07:34 PM
الله الله


حرار الطيور معشية كل جيعان=تحلق مثل ماقلت دوم بسماها
تراني على يمناك لن كان ماكان=ليا ثارت الهيجاء ودارت رحاها
ناصر بن سعدي
07-30-2006, 07:35 PM
الغالي


بوشامه


مشكور على سعة بالك....


وتقبل إحترامي وتقديري
ناصر بن سعدي
07-30-2006, 07:40 PM
شاعرروق



أعتز بمرورك ومتابعتك....



ودمت...
ناصر بن سعدي
07-30-2006, 07:41 PM
إخوي



سيف قحطان


أسعد الله مرورك يالغالي....


ومتابعتك شرف.....


وتقبل تحياتي..!
ابن مسلم
07-30-2006, 07:43 PM
الله الله

أستلم أستلم الله لايهينك


ياليتك حضرة العام في كون برزان = وشفت الرجال اللي تنفض لحاها

أحد رد للشلفاء وأحد سل شامان = وبه ناس نشب لسانها في جماها
ناصر بن سعدي
07-30-2006, 07:57 PM
الله الله


علمني بما صار في هاك الأزمان=من اللي ظفر بالطيبه وإحتماها
ومن هو يعيش بذل ظيمٍ وحقران=ومن ضوه تنومس ويقدح سناها
سيف قحطان
07-30-2006, 08:07 PM
تسلمووووون يالربع


ازهل الصف يا ابن مسلم سر الليل والصف لا تشيل همه


تحياتي متابع
ناصر بن سعدي
07-31-2006, 10:02 AM
سيف قحطان


مشكور على التشجيع والمسانده.....



وصفنا واحد...أنا وإبن مسلم.....وشد حيلك.....



وعلى القوه
ابن مسلم
07-31-2006, 01:08 PM
الله الله الله
خلووووووووووووها



تقد لهم طير السعد ذرب الايمان = ولد مارق اللي الترك جده نفاها

دنا منهم بعمهوج من فوق الأ متان = وخلى رخوم الترك تسمع رغاها
ابن مسلم
07-31-2006, 01:14 PM
الأخ ناصر بن سعدي

تشرفت باللعب مع شاعر كبير في مكانتك

مما سيجعلني إن شاء الله أكتسب منه خبرة تفيدني

شكراً لك ولجميع من شاركنا من ألأخوان

تحياتي
ناصر بن سعدي
07-31-2006, 10:18 PM
الغالي


أبن مسلم


صح لسانك....وبيض الله وجهك....

ولي الشرف باللعب معك...

أشكرك جزيل الشكر...كما لايفوتني أن أشكر كل من تابعنا ...


وسجل حضوره....وللجميع صادق تحياتي..!
إبن ثعلي
08-07-2006, 01:54 PM
الاخوين ابن مسلم وبن سعدي هكذا تكون المحاوره والا بلاش مشكورين على هذه المحاوره الجميله
تحياتي