ياسلامي على اللي يجهل الالحان..اقرب ياشاعر روق

[مشعان]

اقرب ياشاعر روق


ياسلامي على اللي يجهل الالحان=عدّنوّ(ن)كشف بالغيم براقه
ردة(ن)من ضميري مالها عنوان=من برك للحمل ملزوم(ي) يطاقه

[شاعر روق]

قربنا يااستاذ مشعان واستلم لاهنت


مرحبا يامنادٍ تكسر الاوزان=يوم غنّا بقافه كاسر ساقه
يحسب انه وحيد بساحة الميدان=جاب قافه ولا للناس به فاقه

[مشعان]

بندقك ياعميلي مالها علمان=وسمنا فوق علبا راعي الناقه
اشهد اني خبير وعارف الافنان=عارف العلم جلّه وايضا ادقاقه

[شاعر روق]

بندقك مالها حبه ولا نيشان=فوق متنك معلقها بعلّا قه
واشهد انك حدرت مع اسفل الشعبان=رايحٍ في جنوب الناس لصاقه

[مشعان]

وسمها فوق خدك تشهد العربان= اعتذر لي قبل لا اهج مغلاقه
باب واسع سحابه ماطره ودان=مايسر العتيبي ساتر ارواقه

[شاعر روق]

نعتذر للكريم مقدر الشجعان=مااعتذر من بليد ودف طقاقه
مار روح قبل لا نقفل البيبان=دام مالك كفاح ولا معك طاقه

[مشعان]

من جهل ياجماعه ينشد الشيبان=يخبرونه يعرف المرّ من ذاقه
قد قطفنا الثمر من داخل البستان=قدرك امقطعه يالصاحب احلاقه


الوعد بعد الصلاة ان كانك فيه

[شاعر روق]

لو بحثنا بجوجل كل شي بان=ثم بان السروق وبانت اخلاقه
مار ابا استرك لله ربي الرحمن=واكسب الاجر باللي وودي فراقه

[مشعان]

صنعة الهند ماتقرن مع الالمان=مايسر الغراب ان طول انعاقه
تلحقك شرهة(ن) من ربعك العتبان=كيف تنقد خبير(ن) تجهل اعماقه

[شاعر روق]

مشعل امغيراسمه ياعرب مشعان=واسم بسكال اله عربان عشاقه
يعرفونه ترى الصمان والعميان= سيرته في شدوق العالم اذواقه

[مشعان]

انت راجع حسابك عارفك غلطان=لا تكابر يعرف الجيب سواقه
كلمة الحق والله مابها غلتان=والنخل ماهقيتك تاصل اعذاقه

[شاعر روق]

عارفينك وعندي سيف للسرقان=يوم يلمع سوات الصبح واشراقه
مار مخباك من مال العرب مليان=كل بيتٍ تجي تسبر مع ارواقه

[مشعان]

النصيحه تراها تنشرى باثمان=والذهب عارفين الناس من باقه
باكر الحق يظهر عندك اوينبان=ثمّ تذكر كلام(ن) جاك برفاقه

[ابن مرشد]

هههههههههههههههههههههههه
صح لسانك ياشاعر روق وماتقصر

[الربع الخالي]

بيظ الله وجيهكم على هذي القلطة

وتسلم يا مشعان انت وشاعر الروقة

تحياتي

[إبن ثعلي]

محاوره محتدمه جيده ومعانيها في بطن شعارها ولاتخلو من الحرشه ونشكر الشاعرين على جزالة الابيات
تحياتي

[مشعان]

بندر..ياهلا.

الربع الخالي ياهلا ومرحبا .

ابن ثعلي لاهنت يالغالي.