<< سـلام الله علـى قـومٍ لـها بيـن القبـايـل دور >> [الأرشيف]

المهيب

07-06-2006, 10:06 AM

السلام عليكم ورحمة الله وبركاته

اولا:: اتشرف اني عضو جديد في منتدى عتيبه،، وانا ماسجلت في هذا المنتدى الا علشان هالقبيله العريقه والطيبه وانا ماني عتيبي لكن اعتبر عتيبه القبيله الثانيه بالنسبه لي بعض قبيلتي

واتمنى قبولي بينكم كعضو وزميل وشاعر ::

اقـــــــــرب شاعـر من عتيـبــــــــــه::

سـلام الله على قـومٍ لـها بيـن القـبايـل دور 000 هـل الميـدان والوقفـات ماضيـها وحاضـرهـا

يقـوله شاعـرٍ تسـري هـواجيــســه عـلى دستـور 000 يصـوغ امْـن البـيوت اللـي خـفـيّـاتٍ مصــادرهـــا

المهــــــــيـــــــــــــب

مرضي القيفان

07-06-2006, 10:51 AM

.

ارحب وحياك الله يالمهيب والموقع للجميع
وابرك الساعات انظمامك معنا 0

ومن قدّر القبيله نقول له الله يعز مقدارك

واسلم واستلم

.
هلا وابك البقا حييت ترحيبً يشعشع نور = اقوله بالنيابه عن صقورٍ في مواكرها
ليا جات المصادر خافيه مثل الليال تدور = مصادرنا جليّه ما تدفّن في مقابرها
.

.

مرضي القيفان

07-06-2006, 11:18 AM

.
.

الاخ صامل

:confused:

مافات شي لاهنت

ومادام ان ردك سبق ردي

الا كمل انت وواصلوا والصف ازهله

.

.

جراح

07-06-2006, 11:38 AM

مرضي القيفان انا في صفك واصل لافض فووووك يا عود الرحمن

المهيب

07-06-2006, 12:29 PM

استــــــــــلــــــــــم لاهنـــــــــــت::

ألا يامرضي القيـفان وين احبيّـب وْمستـور 000 جبالٍ ماخبرت الطيـر بالغفـلات عابـرها

ولـكن ياوسيـع العرف لوانّـك تطـيع الشـور000 مثل شرواي بالسـاحه نصيحـه لاتحـاورهـا

مرضي القيفان

07-06-2006, 12:55 PM

.

.
ليا بينت نفسك يالمهيب وصرت لي مخبور= اعلمك العلوم اللي بلا شك ٍ يساورها
وادرسك الدروس اللي تعيش بمعرفتها دهور= واكيل (إ) لك البضايع قبل لا ترسي بواخرها
.

جراح

07-06-2006, 01:02 PM

وأكيل إلك البضايع قبل لا ترسي بواخرها .... مبدع والله لايهينك انا في صفك دايما وابدا

مرضي القيفان

07-06-2006, 01:02 PM

ارحب ارحب ياجراح

حياك الله شرفتنا بوجودك

.

المهيب

07-06-2006, 01:37 PM

ياسلام ياسلام عليك واستـلـم::

انا بنْـشدك عن بنـدر علامـه مارجع لسـرور000 مدامـه من بني عمّك عتيبـه، فـنْت خـابرهـا

وانا يامرضي القيفـان سابح وسْـط سبع ابحـور000 وْ مـرْضـى الناس يامرضي تميّـزهـا دكاتـرهـا

مرضي القيفان

07-06-2006, 01:58 PM

الله الله

خلوووووووووها

اسلم واستلم
.

.

.
نشدتك والجواب بحور سبعه والخبر مستور= عسى الله يستر العالم بخافيها وظاهرها
ومن اللي قال بندر مارجع با لله يادكتور = تعاين للبشر وطبوعهم طبعك يصورها
.

.

المهيب

07-06-2006, 03:35 PM

ارجو السموحه يامرضي القيفان ،، صار عندي ضرف طارئ لكن ماعليه يالذيب لازم تعذر ضيفك

واستـــــــــلـــــــــــم لاهنــــــــــــت : :

عسى ربي يعين اللي عجـز لايطلـع امْـن السـور 000 بلاه الله مع ناسٍ ردات الحـظ حاصـرهـا

رجـع بنـدر ولـكنّـه رجع لله وهو مقــــــهــــور 000 وحـرار القـوم يامرضـي عرفـنا ويـش قـاهرهـا

مرضي القيفان

07-06-2006, 05:32 PM

.
.
معذور معذور
والاقدام ماعليها احكام

اسلم اسلم واستلم ولا تهون .
.

.
.
ما احد قال المراجع تنحصر مابين خمس سطور= علوم الغيب طويت صحفها وجفت محابرها
ليا رشحت نفسك قاضي وتقبل شهادة زور = وش اللي باقيً تقراء النصارى في دفاترها
.
.

.

المهيب

07-06-2006, 09:08 PM

ولانت يالغالي واستـلــــــم::

حصـرْهـا الوقـت والبـلوى على شوف العيون العـور000 وهذي عادت الدنيا على كل من يعاشرهـا

انا فعْـلي مرشّـحني من اوّل والحـــدث مذكــــــــــور 000 حكمنــا نجـد يالعتـبـان والتـاريـخ ذاكـرهـا

شاعر روق

07-07-2006, 04:14 PM

المهيب وشايبنا مرضي القيفان
ابدعتو ومازال للابداع بقيه
واصلوا وانا في صف العود
هههههههههه
تقديري

المهيب

07-08-2006, 08:46 AM

اشكر الجميع على حضورهم ولكن وين انت يامرضي القيفان؟

نحن بانتظـــــــارك يالذيب

مرضي القيفان

07-08-2006, 01:03 PM

اعتذر عن التأخير

نهاية الأسبوع والروحات والجيات تكثر 0

الله الله الله

اسلم اسلم واستلم

.
.
زمان اول تحوّل مارهوّن وش بلاك تثور= تعال وخذ علوم الصدق عندي يوم احررها
من اللي طلعك من نجد واصدق قدمك الجمهور = ليا رشحك فعلً تفتخر به وانت شاعرها
.
.

مرضي القيفان

07-08-2006, 01:07 PM

المهيب وشايبنا مرضي القيفان
ابدعتو ومازال للابداع بقيه
واصلوا وانا في صف العود
هههههههههه
تقديري

------------------

شاعر روق

هلابك ومرحبا

حضورك يشرفنا لا هنت

ووجودك يشرفني اكثر لا عدمتك .

.

.
.

المهيب

07-09-2006, 01:55 AM

كل خيره وفيها تأخيره واستــلم لاهنــت::

ليامن ضـاقت الدنيا ترى حنّا وساع اصْــدور 000 وْهـذي قـاعده فيـنا حشـى مانتـه بكـاسرهـا

ونجدٍ ماتـركنـاها00 بـها تـاريخنـا المشـهــور000 فعـايلـنا بـها نجـدٍ تـزايد فـي مفـاخــرهــا

المشعلاني

07-09-2006, 02:02 AM

الله . الله
صح لسانك وصح لسان مرضي

تحيااتي,,,

مرضي القيفان

07-09-2006, 12:51 PM

الله الله

اسلم واستلم
.

.
سوالف ليل يمحاها النهار ومصدرً مثبور = بلشنا بجيل بعبع والمهايط في منابرها
ما دامك مخفي اسمك والقبيلة كأنك المبتور = اجل ما عاد لك في نجد ذكرى ولا تدوّرها
.
.

مرضي القيفان

07-09-2006, 12:55 PM

المشعلاني

هلابك ومرحبا

حضورك يشرفنا لاهنت

.

المهيب

07-09-2006, 07:42 PM

ياسلام ياسلام واستــلـــــــم لاهنــت:

تـرص القـول يـامرضـي وانـا من عـادتي مافـور 000 انا طـاهـر،، وْبعـض الناس ماقـد شفـت طاهـرهـا

وانـا ماشـره علـى شـرواك، لكـن روّح وْ معـذور000 حـرام انّـك اتمثّـل قـوم،، للـشدّات ذاخـرهــــا

مرضي القيفان

07-09-2006, 08:13 PM

الله الله الله

ياسلام عليك
.

.
علامك تستمع في من يحرف للحكي وتخور = طهورك من فرات اهل النجف والا بماطرها
لعلك ماشرهت ولا عليه منك يالمثبور = امثلهم وبعض الناس مثلك , مانشاورها
.

المهيب

07-09-2006, 08:40 PM

استـــــــــــــلــــــــــــــــــــــــــم لاهنـــت:

طـلع مسعـور صـاحبـكـم، ولكـن يالربـع ماجــور 000 وانا ضيـف ومعازيبـي علي ضـاقت خواطـرها

ولكن مرضي القيفـان ماشـلـته وهو مجبــــور000 هو اللي قـال ركّـبني،، ودارت فـي دوايــرهـــا

مرضي القيفان

07-09-2006, 10:07 PM

.

على ظهرك ركبت وصرت اسوقك سوق يالمخمور= الا لاعادك الله من ورع ما انته بقاصرها؟
.
.

المهيب

صح لسانك وماقصرت

وبيض الله وجهك

والى لقاء آخر ان شاء الله

.

المهيب

07-10-2006, 11:51 AM

هههههههههههههههههههههههههههههههههههههههههههههههههه هههه

علـى العمـوم صح ابدنك وماقصرت يامرضي ،، ولكن يامرضي لازم انك ترضي المعاني ولاّ القيفان راضيه من اول

الى لقاء اخر ان شاء الله

الـهـيـب