ارعدي ياسحايب وابرقي يابروق

[الطوفان]

مساكم الله بالخير


ارعدي ياسحايب وابرقي يابروق= فوق ديرة هل التوحيد واطرافها

في بلاد المعزه ماتضيع الحقوق= مايقود القبيله غير عرافها

[ملفي العضياني]

حلله يمسيك بالخير واستلم لاهنت


وامطري واسقي اشجار الدير والعروق=لين دار الرجال يزين مصيافها
في بلاد المعزه والعلم دوم فوق=يوم بعض الدير جارت على اشرافها

[شاعر روق]

ابو عبد الرحمن وملفي
وشعار متمكنين ونحن لهم متابعين
واصلوا لاهنتواااااااااااا

تقديري

[الطوفان]

المعذره على التاخير ياملفي والله ان عندي ضيف اقهويه ولاجاء الابعد بدا القاف



مقبل الخير كله قدم وقت الشروق= لين تعرف يامفلي كامل اوصافها

مار روق وخل الناس مثلك تروق= والعرب ماتضيع سابق اسلافها

[ملفي العضياني]

معذور بس عدل الاسم الله لايهينك مرتين
هههههههه



فيه مزنٍ كذوب وفيه مزنٍ صدوق=والاخيره حقيقه صاحبك شافها

كلنا صف واحد صف برقا وروق=مار بعض الاوادم تنظر اخلافها

[ملفي العضياني]

شاعر روق ارحب
وجودك يشرفنا
تحيااااااااتي

[نفيعية بحرينية]

لا هنتوووووووووووووا

[الطوفان]

ههههههههههههههههههههه
الله يرجك دقيق في كل شي

تحياتي

صح السانك يالطوفان

وصح السانك يامفلي

الطوفان خل الرجال يتفضل عندي اقهويه وانت واصل

الاداره

[الطوفان]

فيه عدة مزايا فيه عدة فروق= والحقيقه فراش الحق ولحافها

في هاذلا وذالا مسلمينٍ تبوق= كل يومٍ تغير كامل احلافها

[ملفي العضياني]

الحقيقه بدت قدام كل مخلوق=والعرب ماحماها غار ميقافها
والا حاديث تامرنا بقص السروق=منكره في طبوع الناس واعرافها

[ابن مسلم]

الطوفان

ملفي العضياني

مساكم الله بالخير الحقيقه محاوره من الوزن الثقيل

واصلوا الله يعطيكم العافيه
متااااااااااااااابع

[الطوفان]

انت اشوفك على بعض الموارد سبوق= والعرب ماتبا التخريب واتلافها

كان عندك شهودك ذاك عنده طقوق= لاتبذر بها وتزيد بااسرافها

[الطوفان]

ابن مسلم
حياااااااااااك
ومرورك يسعدنا

تحياتي

[سيف قحطان]

السلام عليكم

مساكم الله بالخير

الطوفان صح لسانك
ملفى صح لسانك

طاروق رائع

سجلوا اعجابي ومتابعتي

[ملفي العضياني]

ماوردنا عدودٍ موبيه مير فوق= نجذب الجمه اللي طاب مغرافها
وابك انا شاهد القصه وعندي وثوق=والقضيه لغيري جاك حلافها

[ملفي العضياني]

نفيعيه بحرينيه اهلا بك

[ملفي العضياني]

ابن مسلم
الله يمسيك بالنور متابعتك تشريف
تحيااااااتي

[ملفي العضياني]

سيف قحطان
مساك الله بالنور
ووجودك مكسب
تحيااااااااااتي

[الطوفان]

انت دمك علاها ليش صار محروق= دام ماهي ابيمك ليش تحتافها

انت شاهد وراعيها ماجابك تحوق=شفتها مار غيرك وين من شافها

[ملفي العضياني]

انكر المنكر اللي فوق الانذال طوق=يوم بقعا ركع للجور خوافها
فيه غيري ثلاثه يالحصان السبوق=يكشفون القضيه زين بغلافها

[الطوفان]

باح صوتك وصارت لك شراب وريوق= والعرب جنبت عنها وعن قافها

روح للمحكمه واشهد وزر الحلوق= وانزع عضيدت الجما من اكتافها

[ملفي العضياني]

الطوفان صح لسانك وتصبح على خير
تشرفت باللعب معك
تحيااااااااتي