النـــــايف اقرب الله لا يهينك

[مرضي القيفان]

مساكم الله بالخير جميعا0
اليوم الموجات افترت يم المشرف العام :D



سلام الله سلامن من ضميري وابتدي بالقول "="
عسى النايف يهلي يوم جوا يمه مناديبي

مناديبي حروف الشعر ما ترسل مع المرسول "="
على الصفحات في موقع عتيبه خطها عتيبي

[الــــــقــــــرم]

الله الله



يا سلام يا سلام



محراف جميل يا مرضي القيفان


بإنتظار النايف ........


تحياتي


الـــــــــقـــــرم

[الحصان]

هلا يامرحبا ترحيبتة ٍتاخذك عرض وطول = ألك واجب وحنامن مكملة المواجيبي
ترنامانعاين فالمسيّّّّر بالعيون الحول=وانا اباانوب فالطاروق عن صاحبك وصحيبي

[مرضي القيفان]

هلا بك يالحصان ان جيت نايب والزحول زحول"="
بعد ثلثين من عد الشهر جا يعوي الذيبي0

اشوف العنصريه واضحه يوم اللحون اتصول "="
واشوف ان الكواكب في مدار الكون تدريبي

[الحصان]

تطق الباب وهوه ياوسيع المعرفه مقفول=وانافي مركبي والموج يقبل بي ويقفيبي
لك الله لوتشوف اللي يشوفه صاحبك لتقول=هذا درب الرجال اهل الرمك والفطرالشيبي

[مرضي القيفان]

اطق الباب انادي يوم ادور عالم المعقول=
وعسى الربّان للمركب يشد شراع بـ السيبي

وانا امد النظر ياصاحبي واشوف ظل الزول =
ليا صار الهدف واحد نعدي فـ المراقيبي

[الحصان]

يدوم الك البقا ياللي تقلب سيفك المسلول=عساه يبين فعله مع بعيدين المطاليبي
اناخابرك من ربع ٍ لهم يوم الفعول فعول= على الزرفات والزلبات يروون المغاليبي

[طلال الثعلي]

الله الله
الله الله
الله الله
الله الله

رائعه رائعه

بس تكفون واصلوا ترا القاف على اوله


تحياتي

[مرضي القيفان]

نقيض العلم ياذيب السرايا عالم المجهول "="
بما خط القلم سيفي يصفي لي مشاريبي0

صدوق المزن فالوسمي يجي عقبه برد وسيول"="
ولو ماعاد به راعي رعى شهب العراقيبي

[النـايــــــف]

يا هلا والله مرضي القيفان


طال عمرك انا اسف لاني ماني شاعر بس الحصان سد اللزوم طال عمرك


تحياتي لكم بس يا ليت تواصلون القاف رهيب

[مرضي القيفان]

هلا والله يالنايف حياك الله
معذور يالغالي واخونا الحصان كفى ووفى0
واعذرني يالغالي يمكن اني صرت فضولي 0:D




لك مني التقدير والاحترام

[الحصان]

ترامن تحت حدالموس يرخي راسه المبلول=عليه الميل واحذريامدوّرللمكاسيبي
على سردالسباياوالنضاكم صاردون الشول=من التعذيب يوم الذيب يدلي فالمهاذيبي

[مرضي القيفان]

يقولون النصايح تنشرى يوم الخبول خبول"="يقوله واحد ً ما ضاف ثم سب المعازيبي
اشوف النار يوقدها غضب ويساعده بهلول"=" وليا دارت رحى الهيجا تعذّر راعي الريبي

[غشــــام]

الله الله


هذا اللعب ولا بلاش


مرضي القيفان تسلم تسلم

الحصان ماقصر وبيض الله وجهك

[الحصان]

تباتصبح وتمسي وانت وسط الوادي المسيول=ولايضهرك منه الا طويلات المخاليبي
يشب النار رجل ٍ يعرف الصاحي من المهبول= تخيّّرفالكسايب مع مكفيت المحاليبي

[مرضي القيفان]

ارحب ياغشام حياك الله

وعساك سالم

[مرضي القيفان]

جبل والسيل مايغشى الجبل لو هو يحول الحول= ليا جتني مكاتيبك وجت يمك مكاتيبي 0
وانا راعي قنص ياشيب عيني يوم شفت الجول = على عوص النضا جيتك ولا ندري عن الغيبي 0

[مرضي القيفان]

كتبت رد ولا طلع ؟؟؟

[الحصان]

انايامرضي القيفان ماكل من صحون الفول=ولاشرب من صراة ٍمابهاغير الدغاليبي
لك الله لوتحوّل فالوحل يالرامي الناجول=لتلقى النمرقدمك والاسدوالثالث الذيبي

[مرضي القيفان]

اشوف العلم صار اليوم في وسط الحثول حثول= رياح القيض هبت بالسمايم واللواهيبي0
وانا ما ارد على العد الهماج بسيفي المصقول = على وضح النقا ممشاي والطيّب له الطيبي

[الحصان]

انامعناي واضح وانت قدمي تركز المخيول=عليك الهون ياسرحان ياعجل المهاذيبي
بعدبكره ترام ام الحواروخشمهامخلول=وانامااحط رمحي يالعتيبي في تلابيبي

[مرضي القيفان]

بدايتنا تعود وكل معنى قاتل ومقتول= تسير القافله والعلم ما وصل المشاعيبي0
بعد بكره يبا يرحل بسيفه راعي الزهمول= بعد خطة نتنياهو وضعها بالاساليبي

[الحصان]

يابودقن ٍ محناً بالخضاب وشاربٍ مفتول=لك الله مابعدخاويت فالدرب الزواريبي
تقوله وانت ماميّزت فالمعروف والمجهول=واهل سردالنيامس لفتوهن فالتراكيبي

[مرضي القيفان]

ورود الشايب العد القراح ولو ورد لدحول= ويرفع نفسه الرجال عن ورد الحثاريبي0
يميّز من لدغه الداب في رجله وشاف الهول = والا يـــاشين هول ام الخزاري والرعابيبي