ناح الحمام ونحت مثله الى ناح

[بـــنــت روق]

ناح الحمام ونحت مثله الى نــاح

وشعاد لو جاوبت ورقٍ ينوحــي
يا ونتي ونت كسيرٍ الى طـــاح

ساقه الى الركبه غدا له اشلوحـي
البارحه كلٍ بحلو الكرا ســـاح

وأنا أشتكي حر المصيبه ابروحي
الى بغيت أسلى عن القيل وانساح

كدر صفا صبري عشيرٍ مزوحي
أجادني عقب العشاء رمح شـلاح

والناس ما تدري بخافي اجروحي
وثر معه لي مقاميع وارمـــاح

وجمعٍ يزوم ولاني لجمعه نطوحي
يلعب بقلبي في يده مثل مطـواح

لوا على زين التعازيل يوحــي
ربما يجيني ويمشي بالاصــلاح

والصلح خير وكود همي يروحـي
أمشي وكني عند أهل مي فـلاح

أرجي لعل سرحه يوافق أسروحي
والهرج لقلوب المحبين مفتــاح

والخير في وجه المليح السموحي
عليك يا أبو نهودٍ كنها التفــاح

والعنق عنق اللي فريدٍ طموحي
بحر الهوى ما يقطعه كل سبّـاح

وانّا دخلته بالمثل مثل نوحــي
تلعب بي أموج الغبب فوق الألواح

وأظني يا عشيري طيوحـــي
خذ ما تيسر من رفيقك ومـا لاح

وأعرف ترا التاجر يبيع الفتوحي