المساعد الشخصي الرقمي

مشاهدة النسخة كاملة : بالله ياعاذلينـي وش لكـم فيـنـي


الداهوم
05-19-2006, 04:59 PM
بالله ياعاذلينـي وش لكـم فيـنـي
وانـا سيرّكـم وطاريهـا مجنبهـا
خلوني اسـج دام المـوت قافينـي
لابد مـن حفـرةٍ تركـز نصايبهـا
باسوج واموج واقضي باقي سنيني
رحّال في الارض وامشي في مناكبها
اعز نفسي على العسر وعلى الليني
واعيش دنياي واخذ مـن تجاربهـا
واوسـع الصـدر دام الله معطينـي
منـازلٍ فـوق عاليـةٍ مراتبـهـا
ولا اتحسف على ما غاب من عيني
مـادام الايـام مقفيـتٍ ركايبـهـا
ولا اسلـك دروب تاليهـا يودينـي
للعالـم اللـي نوايـهـا تقلبـهـا
امشي مع اهل الوفا لوهم بعيدينـي
دايـم لخوتهـم الاقـدام اتعبـهـا
واخاوي اللي على العليا يخاوينـي
لي واجبي واعطي العقّـال واجبهـا
واشوم واصوم عن زلات الادنينـي
لو انها كبر ضلـع طويـق قمتبهـا
واصد عن شوف ناسٍ ما تدانينـي
اهـل نفـوسٍ قريبـاتٍ حضايبهـا
اقلوبهم سـود لا دنيـا ولا دينـي
من ضعف معقولها ضاعت مذاهبها
تبغى على النايف السامي تساويني
لكن بحر الحسـد غـرّق مذاهبهـا

فواز الشيباني
05-19-2006, 05:18 PM
اعز نفسي على العسر وعلى الليني
واعيش دنياي واخذ من تجاربها


صح السانك وسلم بنانك

قصيده جزله من جزل

يعطيك العافيه ولاهنت

إبن ثعلي
05-19-2006, 06:10 PM
صح السانك يالداهوم ماقصرت
تحياتي

((الدلبحي))
05-19-2006, 06:15 PM
الله الله

صح السانك اخوي الداهوم

تحيااااااااااااااااااااااااااااااااااااااتي

الداهوم
05-20-2006, 04:34 PM
تحياتي لكم الشيباني /بن ثعلي /الدلبحي ولكم الشكر على المرور

جراح العتيبي
05-20-2006, 04:54 PM
الداهوم


والله مبدع


وانا متابع لك من فتره طويله


من خلال المنتدى


صح لسانك


بس لوتكتب اسمك الحقيقي


لحفظ حقك الادبي


والله اني خايف على هالابداع


ان يسرقه احد المتطفلين

وينشره في احد المطبوعات قليلة الخبره


اشكرك على سعت صدرك

الداهوم
05-21-2006, 10:06 AM
تحياتي جراح واسمي الحقيقي الداهوم ويوجد لى ديوان فى المكاتب بعنوان العتيبي الداهوم

النـايــــــف
05-25-2006, 02:11 PM
صح لسانك اخوي الداهوم

وبيض الله وجهك يا الغالي

ولا تحرمنا من جديدك

تحياتي لك ،،،،