المساعد الشخصي الرقمي

مشاهدة النسخة كاملة : العيد بالصرار


ابن مسلم
05-17-2006, 09:02 PM
{{هذه القصيده بمناسبة عيد الفطر المبارك أيام الغزو العراقي للكويت}}


يامطلق العيد بالصرارياشينه = عوايدٍ(ن) شفتها ماهيب عادتنا
العيد برماح ولاالجمش يازينه = في بيت أبويه تعايدنا جماعتنا
بالثوب والبشت والبسام كاوينه = ماني برسمي وأراجع عندإدارتنا
عيدٍ(ن) على هيل مع كبش مذكينه=ماهوب شرطه ودجاجٍ دوم عيشتنا
والعوْديندار له بألفين شارينه= ماهيب بيارةٍ بالريح بذتنا
والجد حقه علينا دوم موفينه = من غيرمعروف هاذيه طبيعتنا
وإن شفت مضياف يتلونه أوخيينه= لشوفهم بالفرح تزدادفرحتنا
واللّه يالولا الحياء لأروح هالحينه=لوينخصم راتبي وتطول سجنتنا
فوق أدهم ماحلا دقة بليتينه = إبه نتحدى البنوز ولاتحدتنا
ماهناالبعد لأجل البعد قانينه= مع سترربك يوصلنا لديرتنا
لاشك فيناالحياء ترجح موازينه = نخاف عند العرب تنقص معزتنا
نحفظ حيانا كماحفظ الرجل دينه = وزودٍ عليها نصونك ياكرامتنا
نجوم ياللي سكن خلي تمرينه= وإن قال ويش لونهم من بعدغربتنا
قولي له بخير...حذرا لاتبكينه= أناأعرف إنه ضعيفٍ في مودتنا
اللّه يقطعك ياصدام وسنينه= العام حنا سوى واليوم ..شتتنا

(( المخاطب هوالزميل / مطلق بن علي السبيعي ))

إبن ثعلي
05-17-2006, 09:45 PM
صح السانك يابن مسلم قصيدة ممتازه
تحياتي

فواز الشيباني
05-17-2006, 10:05 PM
صح السانك يابن مسلم

قصيده جزله من جزل

يعطيك العافيه

اخو من طاع الله
05-18-2006, 05:24 AM
صح لسانك وابيات رائعه ولا هنت يا ابن مسلم

النـايــــــف
05-18-2006, 10:05 AM
صح لسانك اخوي ابن مسلم


وبيض الله وجهك يا الغالي



ولا تحرمنا من جديدك


تحياتي لك ،،،،

ابن مسلم
05-21-2006, 02:49 AM
الأخوه الأعزاء

أبن ثعلي

فواز الشيباني

عبدالله الحافي

النايف

شكراً لكم على تواجدكم والله لايهيك

عبدالله المرشدي
05-21-2006, 01:52 PM
صح لسانك

يابن مسلم

ولاهنت

تحيتي وتقديري

ابن مسلم
05-26-2006, 03:05 PM
صح بدنك ياعبدالله ومبروك المنصب الجديد وشكراً