في اول زياره

[الطوفان]

السلام عليكم ورحمة الله وبركاته
ومساكم الله بالخير جميع


في محلٍ من محلات الشرف جينا زياره=ياسلام الله سلامٍ ياصل الديره واهلها

ودنا ناخذ ونعطي في مشاريع التجاره=بعد ماحينا هوامير التجاره في دولها

[فواز الشيباني]

الله الله

صح السانك يالطوفان وحياك الله

وين شاعر روق

[شاعر روق]

وعليكم السلام ورحمة الله وبركاته
ومساك الله بالنور والسرور واستلم يابو عبد الرحمن



مرحبا بك وانت ماانت بضيف رجلِ في دياره=جا مع الجرّه وديرة ربعه عتيبه وصلها
لا تبيع الا بربح وخل بلدان الخساره=انت في دارِ تهلي بك وتقبل منِ قبلها

[شاعر روق]

هذا انا جيتك ياابن مشيب
وابشر بالسعد

تقديري

[فواز الشيباني]

تسلم ياغالي

طاروق رائع

الله يعطيك العافيه ياشاعر روق

[الطوفان]

جيت مسرع بعد ماشفتك ولا انظر في الاشاره= ماعلي من القسايم عسرها ولاسهلها

العرب قاموعليك تشن غاره بعد غاره= والديار دهور والارزاق ابو بطنين اكلها

[الطوفان]

تسلم ياابن مشيب
المهلي مايولي
تحياتي

[شاعر روق]

ياسلام ياسلام


يوم جيت انته معي والا تبى صف الدجاره=حدد الموقع من الاعراب بين الناس قلها
مايشن الغاره الا واحدِ مابه غياره=فرق عتيبه وروق بكل ماسوّى دبلها

[الطوفان]

انت تعرفني وتعرف وقفتي ماهي قماره= صاحبي مدري تجاهل وقفتي ولاجهلها

مير انا مرضى على ربعي تجي ورعان حاره=تشتبك في ربع ساعه وتعاير من زعلها

[شاعر روق]

لاتمشيها على الوجهين ياراع الشطاره=اجهر بصوتك وعلّم بالحقيقه من قتلها

انت ماترضى لكن ديارهم راحت خباره=تضحك العدوان وعيون الردي بيّن حولها

[شاعر روق]

ومن قال يسلم يافواز

تقديري

[شاعر روق]

ومن قال يسلم يابن مشيب

تقديري

[الطوفان]

الحقيقه كل منكم واحدٍ ولع بناره= البدايه من طرفهم وانت واجب تحتملها

ناقشوك وفهموك ولحفوها بالستاره= اربعه سد اربعه منه يعرف اللي عملها

[شاعر روق]

الحقيقه زودوها ثم شبت من شراره=ميلوافي صف برقا والعتيبي ماعدلها
قلت هاتو حضرة الطوفان ولا شخص غاره=لاجل يفصل فالقضيه قال رح دور بدلها

[((الدلبحي))]

الله اكبر الله اكبر

محاوره قمه يعطيكم العافيه واصلوا وحنا متابعين

معنى عليه القيمه وشعراء كبار

صح السانك ياشاعر روق وصح السانك يالطوفان

[شاعر روق]

" هلا هلا وغلا ومسهلا بابو حمود

لنا الشرف بوجودك وبمتابعتك وشهادتك من تواضعك الجم

لك كل التقدير

[الطوفان]

طيب انته وش تبا في اهل البداوه والحضاره= ميلو ولا عسى ماميلو سيب جدلها

تعرف ان الضيف عند معزبه ماله جباره= دوم في حكم المعزب والمعزب مابذلها

[الطوفان]

هلا ومسهلا

يابو حمود

مرورك يسعدنا ويشرفنا

تحياتي

[شاعر روق]

ماني مجادل رجالِِِ ِ تسكن بجوف العماره=شلت عفشي عن بيوتِ ماتشرف من دخلها
انت ماانت بضيف مير ان كان في راسك نعاره=هد بير مسيلمه وانحر على الجمه فحلها

[الطوفان]

قول خير وكل بيتٍ عندنا بيت الطهاره= لايوصلك الزعل لااثام ماتشفى عللها

عودت مابين خشم وعين تنسفها السراره= ويش ننحر يوم ننحر ذيبها ولا جملها

[شاعر روق]

بيتنا هذا وبيت اهل الردى شقوا جداره=صار خرمِ يضحك العدوان ويبين سفلها
انحرو ياروق يابيت الذرى حلق الجعاره=وابشرو بالخيرياربعي ليا جبتوا بدلها

[الطوفان]

هههههههههههههههه
سلمت بابوسعود على هالمحاوره
وانا الرشيدي مبلشني هناك شابه عساهم مايحذفونها

اقول صح لسانك وتصبح على خير ولنا لقاء
تحياتي

[شاعر روق]

ههههههههههههههه
تسلم يابو عبد الرحمن والرشيدي مايضده في منتدى المحذوفات غيرك
محاورتكم فين هي في منتدى المحذوفات؟

تصبح على خير

[ملفي العضياني]

الطوفان وشاعر روق

كلكم مبدعين ومعنى كايف وابداع معهود

لاهنتوااااااااااااااااااا

[المشعلاني]

صح لسانك ياشااعر روق
صح لسانك يالطوفان

شلاالكم من الابدااع لاا ينضب
امتعتوناا بهالطااروق الجزل

الله يعطيكم العاافيه ولاهنتووو
خالص تحيااتي وتقديري لعمالقه الشعر

اخوكم المشعلاني

[الجافي]

صح لسانك ياشااعر روق
صح لسانك يالطوفان
الله يعطيكم العاافيه ولاهنتووو
لكم خالص تحيااتي وتقديري لعمالقه الشعر

[شاعر روق]

ماني مجادل رجالِِِ ِ تسكن (بجوف العماره)=شلت عفشي عن بيوتِ ماتشرف من دخلها


ههههههههههههه
الله يسامح من عدل وبدل بس

[شاعر روق]

المشعلاني

يامرحبا ومسهلا

شرفني مرورك

تقديري

[شاعر روق]

الجافي

صح بدنك ولا هنت على المرور ياغالي

اخوك