ضيف الله الحرش
04-16-2006, 05:23 AM
بسم الله الرحمن الرحيم
السلام عليكم ورحمة الله وبركاته
هذه من أروع المحاورات التي جمعت الشاعرين حبيب العازمي
وزيد العضيله لأن معناها جوهري وإليكم هذه المحاوره.
زيد
ياعازمي قصرالخطوة ورد السلام
واللي تحرالها غيرك تحرالها
حبيب
يازيد لاتيقض الفتنه وتصحي النيام
وان جيت مشتالها تروح مشتالها
زيد
اللي يعرف الحقايق مالحقه الملام
مير البلا اللي يناظرهاويبرالها
لا بارك الله في خشمٍ بليا عرام
ياللي تجاهلت فالدنيا هذا حالها
حبيب
اللي يعرف الحقيقه قبل تسعين عام
حاول يغير معالمها ومنزالها
والياشقرت العصا حنا نفك اللحام
واليا إستوت دلتك مشروب فنجالها
زيد
يدريبها الجاهل اللي وقت سن الفطام
واليا تعدتك فال الله ولافالها
ليت البدايه يابن عازم سوات الختام
حتى نعرف الفرس ونعرف خيالها
حبيب
سنيت إلك سنتٍ حلال مدري حرام
تضرب نفسك زمهرير وتحمالها
ماهيب في صالحك والله مافيها كلام
والعافيه طيبه لكن يبغالها
زيد
سنيت إلي سنتٍ تبرد كبود الحشام
مايحتزم فاللوازم غير رجالها
مايترك الواجبه ياكود رخو العظام
أقولها والفهيم من العرب قالها
حبيب
إحكم على نفسك الحره بحكم العدام
الناس ماكلفتك تحصل أموالها
إشدادها فالردوف ورأسها فالخطام
وأنته يازيد العضيله تسحب إعقالها
زيد
ياجعل بيتٍ مايذري داخله للهدام
ياللي تلم الزوامل جاك جمالها
إن ماتت النفس قلنا جعلها لرحام
وإن عاشت النفس تأخذ ماتهيألها
حبيب
المذن اللي تقدم في محل الأمام
الزلزله مايفسرحجم زلزالها
إدعو دع الله عليكم قبل شهرالصيام
إنفوسكم ماتحاسب غير بأعمالها
زيد
المذن اللي تقدم صاحيٍ ماينام
وإاليا طلبته حقوق يجيب معدالها
الله وأكبرعلى طيرٍ مع الجو حام
ياللي فتحت العيون يجيك كحالها
حبيب
ياجالب الورد لأهل الشام والوردوشام
إبضاعتك ماتراعيها ودلالها
أنت مهندس من الفولاذ تصنع حزام
خطرٍ جميع البنوك تكسر أقفالها
زيد
انا لك أبيعها وأنت لك الأستلام
إن جبت ليراتها وإن جبتوا ريالها
لاتحتسب للعلوم اللي عليها كتام
ترى علومي هي العقده وحلالها
حبيب
إن بعتها يالمطيري جاك علمٍ تمام
لكن دورعضاله يعني أشوالها
ماعاد في رؤوسكم غير الهوس والغرام
وأنا أعرف أصحابي المطران بأشكالها
زيد
والله ماتصلح الا من عفيف لجهام
وإن كان فيها ختاله فأنت ختالها
يالله يالله لاتكتب علي الآثام
فالرحله اللي حبيب صار رحالها
حبيب
جبها وإخذ ردها وافي على مايرام
والرد مضمون يحلالك ويحلالها
لن كان فارقتنا يامال فرقى الحمام
والناس يرضيك طيبها وبطالها
زيد
أنا تراني مطيري وأعرف الأنتقام
يلعن شوارب ماتحمى قول من قالها
علم بها واحدٍ قلبه سوات الدرام
أنت تعرفني ليا قمت أتحمالها
حبيب
كم تنتقم فيه في مليون كيلو جرام
أشوالك تكبها يازيد وأشواله
السلام عليكم ورحمة الله وبركاته
هذه من أروع المحاورات التي جمعت الشاعرين حبيب العازمي
وزيد العضيله لأن معناها جوهري وإليكم هذه المحاوره.
زيد
ياعازمي قصرالخطوة ورد السلام
واللي تحرالها غيرك تحرالها
حبيب
يازيد لاتيقض الفتنه وتصحي النيام
وان جيت مشتالها تروح مشتالها
زيد
اللي يعرف الحقايق مالحقه الملام
مير البلا اللي يناظرهاويبرالها
لا بارك الله في خشمٍ بليا عرام
ياللي تجاهلت فالدنيا هذا حالها
حبيب
اللي يعرف الحقيقه قبل تسعين عام
حاول يغير معالمها ومنزالها
والياشقرت العصا حنا نفك اللحام
واليا إستوت دلتك مشروب فنجالها
زيد
يدريبها الجاهل اللي وقت سن الفطام
واليا تعدتك فال الله ولافالها
ليت البدايه يابن عازم سوات الختام
حتى نعرف الفرس ونعرف خيالها
حبيب
سنيت إلك سنتٍ حلال مدري حرام
تضرب نفسك زمهرير وتحمالها
ماهيب في صالحك والله مافيها كلام
والعافيه طيبه لكن يبغالها
زيد
سنيت إلي سنتٍ تبرد كبود الحشام
مايحتزم فاللوازم غير رجالها
مايترك الواجبه ياكود رخو العظام
أقولها والفهيم من العرب قالها
حبيب
إحكم على نفسك الحره بحكم العدام
الناس ماكلفتك تحصل أموالها
إشدادها فالردوف ورأسها فالخطام
وأنته يازيد العضيله تسحب إعقالها
زيد
ياجعل بيتٍ مايذري داخله للهدام
ياللي تلم الزوامل جاك جمالها
إن ماتت النفس قلنا جعلها لرحام
وإن عاشت النفس تأخذ ماتهيألها
حبيب
المذن اللي تقدم في محل الأمام
الزلزله مايفسرحجم زلزالها
إدعو دع الله عليكم قبل شهرالصيام
إنفوسكم ماتحاسب غير بأعمالها
زيد
المذن اللي تقدم صاحيٍ ماينام
وإاليا طلبته حقوق يجيب معدالها
الله وأكبرعلى طيرٍ مع الجو حام
ياللي فتحت العيون يجيك كحالها
حبيب
ياجالب الورد لأهل الشام والوردوشام
إبضاعتك ماتراعيها ودلالها
أنت مهندس من الفولاذ تصنع حزام
خطرٍ جميع البنوك تكسر أقفالها
زيد
انا لك أبيعها وأنت لك الأستلام
إن جبت ليراتها وإن جبتوا ريالها
لاتحتسب للعلوم اللي عليها كتام
ترى علومي هي العقده وحلالها
حبيب
إن بعتها يالمطيري جاك علمٍ تمام
لكن دورعضاله يعني أشوالها
ماعاد في رؤوسكم غير الهوس والغرام
وأنا أعرف أصحابي المطران بأشكالها
زيد
والله ماتصلح الا من عفيف لجهام
وإن كان فيها ختاله فأنت ختالها
يالله يالله لاتكتب علي الآثام
فالرحله اللي حبيب صار رحالها
حبيب
جبها وإخذ ردها وافي على مايرام
والرد مضمون يحلالك ويحلالها
لن كان فارقتنا يامال فرقى الحمام
والناس يرضيك طيبها وبطالها
زيد
أنا تراني مطيري وأعرف الأنتقام
يلعن شوارب ماتحمى قول من قالها
علم بها واحدٍ قلبه سوات الدرام
أنت تعرفني ليا قمت أتحمالها
حبيب
كم تنتقم فيه في مليون كيلو جرام
أشوالك تكبها يازيد وأشواله